InfoHub Logo

الەۋمەتتىك جەلىدە ازىلكەش تۇرسىنبەك قاباتوۆتىڭ تۇڭعىش قىزى ادەمى تۇرسىنبەك قىزىنىڭ دۋباي كوشەلەرىندە كولىكتىڭ ىشىندە وتىرىپ ءان شىرقاعان ءساتى تۇسىرىلگەن ۆيدەوسى كەڭىنەن تارادى. جەلىدە جاريالانعان كادرلار كوپتىڭ نازارىن بىردەن اۋداردى.

بۇل تۋرالى Infohub.kz اقپارات اگەنتتىگى حابارلايدى.

ۆيدەونى ادەمى تۇرسىنبەك قىزىنىڭ ءوزى جۇكتەگەنى ايتىلادى. كادردان ونىڭ بۋردج-حاليفا ماڭىندا كولىكپەن ءوتىپ بارا جاتقانىن بايقاۋعا بولادى. جولدا ايالداعان تۇستا تۇسىرىلگەن بەينەجازبادا ول «16 قىز» ءانىن ورىنداعان. ۆيدەو سيپاتتاماسىنا «16 قىز - ايىم امانعالي» دەپ جازىپ قالدىرعان.

جەلى قولدانۋشىلارى بۇل جازباعا ءتۇرلى پىكىر قالدىردى. ءبىرى الاڭداۋشىلىق بىلدىرسە، ەندى ءبىرى تاڭدانىسىن جاسىرمادى. پىكىرلەردىڭ اراسىندا «اكەسى مەن اناسىنىڭ ونەرى دارىعان»، «داۋىسىڭ قانداي كەرەمەت!»، «دۋبايدا تىنىش پا ەكەن؟»، «امان بول، سۇلۋ قىز!»، «اقىلدى ەكەنى كورىنىپ تۇر»، «سانا بيىگىندەگى قىز» دەگەندەي پىكىرلەر بولدى.

ايتا كەتەيىك، سوڭعى كۇندەرى تاياۋ شىعىستاعى جاعداي شيەلەنىسىپ، حالىقارالىق ب ا ق يراننىڭ جاۋاپ سوققىلارى اياسىندا پارسى شىعاناعىنداعى ءبىرقاتار ەلدەردە، سونىڭ ىشىندە ءباا اۋماعىندا دا جارىلىستار تىركەلگەنىن، كەي جەرلەرگە زىمىران مەن درون قالدىقتارى قۇلاعانىن حابارلادى. سونداي-اق قاۋىپسىزدىك شارالارى كۇشەيىپ، دۋباي باعىتىنداعى اۋە قاتىناسىنا ۋاقىتشا شەكتەۋلەر ەنگىزىلگەنى تۋرالى اقپاراتتار شىقتى.