InfoHub Logo

ەگەر قالانىڭ شۋىنان شارشاپ، تىنىشتىق پەن تابيعات اياسىندا دەمالۋدى ارمانداساڭىز، الماتىدان شامامەن 320 شاقىرىم جەردە ورنالاسقان تۇزكولگە ساياحات جاساۋدى ۇسىنامىز. بۇل – دەمالىس كۇندەرىنە ارنالعان تاماشا جوسپار.

بۇل تۋرالى Infohub.kz اقپارات اگەنتتىگى حابارلايدى.

تۇزكولگە قالاي جەتۋگە بولادى؟

الماتىدان تۇزكولگە دەيىنگى قاشىقتىق – شامامەن 320 شاقىرىم. جولدىڭ باسىم بولىگى اسفالتپەن جابىلعان، تەك سوڭعى 10 شاقىرىمى عانا كەدىر-بۇدىرلى، كەپتىرىلگەن توپىراق جول. باعىت بويىنشا كەگەن، سارىجاس، قاراساز اۋىلدارىنان ءوتىپ، تۇزكولگە جەتەسىز. سوڭعى ۇلكەن جانارماي قۇيۋ بەكەتى كەگەندە ورنالاسقان، سوندىقتان كولىگىڭىزدى سول جەردە تولتىرىپ العان ءجون.

كول جاعاسىندا قوناقۇيلەر مەن تۋريستىك بازالار جوق. كوپشىلىك ءبىر كۇندىك ساياحاتپەن كەلەدى نەمەسە شاتىر تىگىپ، اۆتوكولىكتەرىمەن تۇنەيدى. ۇيالى بايلانىس پەن ينتەرنەتتىڭ جۇمىسى تۇراقسىز، سوندىقتان الدىن الا كارتالاردى جۇكتەپ، مارشرۋتتى دايىنداپ الۋ قاجەت.

تۇزكولگە بارۋدىڭ ەڭ قولايلى ۋاقىتى – مامىردان قىركۇيەككە دەيىن. اسىرەسە، تاڭ مەن كەش باتاردا حان ءتاڭىر مەن جەڭىس شىڭدارىنىڭ كورىنىسى ەرەكشە اسەر قالدىرادى.

نەگە تۇزكولگە بارۋ كەرەك؟

تۇزكولگە بارۋدىڭ باستى سەبەبى – ونىڭ تاڭعاجايىپ كورىنىستەرى. اشىق اۋا رايىندا كول جاعالاۋىنان قازاقستاننىڭ ەڭ اسەم تابيعاتىن تاماشالاۋعا بولادى. مۇندا ءتاڭىر تاۋىنىڭ ەكى اتاقتى شىڭى – حان ءتاڭىرى مەن جەڭىس شىڭىن بىردەن كورۋگە مۇمكىندىك بار.

انىقتاما: حان ءتاڭىرى – ءتاڭىر تاۋىنىڭ ەڭ تانىمال شىڭدارىنىڭ ءبىرى. ول قازاقستان، قىرعىزستان جانە جۇڭگو شەكاراسىندا ورنالاسقان. شىڭنىڭ بيىكتىگى 6995 مەتر، مۇز قاباتىمەن قوسا ەسەپتەگەندە 7010 مەترگە جەتەدى. الەمدەگى ەڭ ادەمى تاۋلاردىڭ ءبىرى سانالاتىن حان ءتاڭىرى ورتالىق ازيا الپينيستەرى اراسىندا ەرەكشە سۇرانىسقا يە.

اسىرەسە، تاڭ مەن كەش باتاردا تاۋ شىڭدارى قىزعىلت جانە التىن تۇستەرگە بويالىپ، كوز ارباعان كورىنىس قالىپتاسادى. فوتوگرافتار وسىنداي ساتتەردى ءتۇسىرۋ ءۇشىن قايتا-قايتا كەلەدى.

انىقتاما: جەڭىس شىڭى – ءتاڭىر تاۋىنىڭ ەڭ بيىك شىڭى جانە الەمدەگى ەڭ قيىن شىعۋعا بولاتىن تاۋلاردىڭ ءبىرى. بيىكتىگى – 7439 مەتر. بۇل شىڭ قىرعىزستان مەن جۇڭگو شەكاراسىندا، حان تاڭىرىنە جاقىن ورنالاسقان. قاتال كليماتى، قاتتى جەلدەرى مەن كۇردەلى رەلەفىنە بايلانىستى جەڭىس شىڭى ورتالىق ازياداعى ەڭ ءقاۋىپتى شىڭداردىڭ ءبىرى بولىپ سانالادى.

ساپارعا شىعار الدىندا نە ءبىلۋ كەرەك؟

تۇزكول – تابيعاتتىڭ تازا قالپىن سۇيەتىندەر ءۇشىن تاماشا ورىن. مۇندا بايلانىس ناشار نەمەسە مۇلدەم جوق. ينتەرنەتتىڭ ءوزى دە سيرەك. جاقىن ماڭدا قوناقۇيلەر دە جوق، سوندىقتان كوپشىلىك ءبىر كۇندىك ساياحاتپەن كەلەدى نەمەسە شاتىر تىگىپ تۇنەيدى.

ساپارعا شىعار الدىندا مىنالاردى ۇمىتپاڭىز:

كول جاعالاۋىندا كوبىنە بىرنەشە كۇنگە تىنىشتىق، بالىق اۋلاۋ جانە اسەم تاڭداردى تاماشالاۋ ءۇشىن كەلگەن اۆتوتۋريستەردى كەزدەستىرۋگە بولادى.

قىزىقتى دەرەك

تۇزكول – قازاقستانداعى ەڭ تۇزدى كولدەردىڭ ءبىرى. كەي جىلدارى سۋدىڭ مينەرالدانۋ دەڭگەيى ليترىنە 300 گراممعا جەتۋى مۇمكىن. بۇل كورسەتكىش ءولى تەڭىز بەن اقش-تاعى ۇلكەن تۇزدى كولمەن سالىستىرۋعا بولادى. سوندىقتان مۇندا شومىلۋ وتە تىعىز سۋدا جۇزگەندەي اسەر قالدىرادى.

تۇزكولدى جاپپاي تۋريزم ورنى دەۋگە كەلمەيدى. مۇندا ادەتتەگىدەي ينفراقۇرىلىم، ءدامحانالار مەن ويىن-ساۋىق ورىندارى جوق. ءبىراق ادامدار ءدال وسى سەبەپتى وسىندا كەلەدى.

ەگەر دەمالىس كۇندەرىن قالادان تىس جەردە وتكىزىپ، حان ءتاڭىردىڭ ەڭ اسەم كورىنىستەرىن تاماشالاپ، تىنىشتىقتا باتقان كۇندى قارسى الىپ، ىستىق قالا اسفالتىنان سالقىن تاۋ اۋاسىنا شىققىڭىز كەلسە، تۇزكول – الماتى ماڭىنداعى ەڭ ۇزدىك اۆتوكولىك مارشرۋتتارىنىڭ ءبىرى بولىپ قالا بەرمەك.