InfoHub Logo

ءقازىر جاستاردىڭ كوبىسى VK، Instagram جەلىلەرىنە قاراعاندا، Tik Tok جەلىسىندە كوپ ۋاقىت وتكىزەدى. ستاتيستيكاعا سەنەر بولساق، الەم بويىنشا 500 ميلليوننان استام ادام Tik Tok باعدارلاماسىن پايدالانادى، ال سولاردىڭ ىشىندەگى 400 ملن-ى قارقىندى جۇمىس جاساپ، كۇنىگە ۆيدەو سالادى. ولاردىڭ 69% -ى جاسوسپىرىمدەر بولسا، 31%-ى ەرەسەك ادامداردى قۇرايدى.سوزبە-سوز ايتقاندا جاس ءبۇلدىرشىن بالالاردان باستاپ، جاسى ۇلكەن ادامدارعا دەيىن Tik Tok  باعدارلاماسىن ءجيى پايدالانادى. بۇل تەك وسىمەن توقتايتىن ءتۇرى جوق. Tik Tok-قا كىرەتىن ادامدار سانى كۇنىگە ارتۋدا. Tik Tok-تىڭ ارقاسىندا تانىمال بولىپ جاتقان جاس تالانتتار دا از ەمەس. مىسالعا الاتىن بولساق: بەللا پورچ، ديانا رۋدوۆا، دجەيمس چارلز جانە تاعى باسقالارى.

ەندى وسى باعدارلامانىڭ پايدالى جانە زياندى جاقتارىنا توقتالا كەتسەك.Tik Tok-تىڭ پايدالارى تۋرالى ءسوز قوزعاساق، اتاپ كەتەرلىك جاعىمدى جاقتارى از ەمەس-تى. ماسەلەن: بۇل باعدارلاما تالانتى بار جاستار ءۇشىن كەرەمەت مۇمكىندىك. ولار 15 سەكۋندتىق نەمەسە 1 مينۋتتىق بەينەروليك ءتۇسىرۋ ارقىلى الەمگە تانىلۋعا مۇمكىندىكتەرى بار. ءبىراق جەتىستىككە تولىق جەتۋ ءۇشىن ، الدىمەن ادامدى قولدايتىن ءوز اۋديتورياسى بولۋى كەرەك. ەكىنشىدەن، تانىمال بولىپ، جانكۇيەر سانى 1 ملن-نان اسقان جاعدايدا، جاقسى اقشا تابۋعا بولادى. ۇشىنشىدەن، شىعارماشىل ادامدار ءۇشىن كەرەمەت شابىت بەرە الادى. قالاي بولعاندا دا، Tik Tok ءارتۇرلى تاقىرىپتا بەينەروليك تۇسىرۋگە ارنالعان ارنايى باعدارلاما جانە كەز كەلگەن، قالاعان ادام ءوز بەينەروليگىن سالا الادى.

ال زياندى جاقتارى تۋرالى ايتار بولساق، ول دا جوق ەمەس-تى. ماسەلەن، سەنىڭ بەينەروليگىڭدى ۇناتپايتىن ادامداردىڭ پىكىرلەرى. بۇل باعدارلامادا تاقىرىپقا شەكتەۋ بولماعاندىقتان، ىشىندە جاعىمسىز، ادامنىڭ ميىنا كىرىپ-شىقپايتىن بەينەروليكتەر دە بولادى. بۇل تەك شەت جاعاسى عانا. كەيبىر Tik Tok باعدارلاماسىنداعى تانىمال ادامدار بالالاردى نەمەسە ەرەسەكتەردى ءبىر بەلگىلى ىس-ارەكەت جاساۋعا يتەرمەلەيدى. «وسىدان 2 اي بۇرىن، ياعني 3 ناۋرىز كۇنى بەلگىلى تik Tok اككاۋنتتارىندا ادامداردى سۋيسيد جاساۋعا شاقىرعان ەكەن. بۇل ءبىر بەلگىلى سەبەپتەرگە دە بايلانىستى بولۋى مۇمكىن، ءبىراق انىعىن ءالى ەشكىم بىلمەيدى. دەگەنىمەن، ناق سول كۇن بارلىق ەلدى ازداپ الاڭداتقانىن جاسىرۋعا بولمايدى.سەبەبى، ناق وسى كۇنى ادامدار اراسىندا سۋيسيد تۋرالى ءوزارا اڭگىمەلەر جۇرگىزىلگەن. بۇل وسىدان  4 جىل بۇرىنعى «سينيي كيت» دەگەن ويىن تارىزدەس. ەستەرىڭىزدە بولسا، ناق وسى ويىن تۋرالى الەمدە ءبىراز سىبىستار تاراعان بولاتىن. ماسەلەن؛ «وسى ويىندى باستاپ ويناساڭ، ودان شىعا المايسىڭ»، «باستاپقى تاپسىرمالارى وڭاي، ءبىراق ءار كەزەڭ سايىن تاپسىرما قيىندايدى، ال ەڭ سوڭىندا ءبىل ويىن سۋيسيدكە اكەلەدى»، «تاپسىرمالارىن ورىنداۋدان باس تارتساڭ، قوقان-لوقى جاساۋ ارقىلى، ورىنداۋعا ماجبۇرلەيدى»، جانە تاعى سونداي سياقتى نەشە ءتۇرلى جاعىمسىز ارەكەتتەر جاسايدى.

الەمدە وسىنداي باعدارلامالار جاساپ، ادامداردى سۋيسيدكە يتەرمەلەيتىن ادامدار كوپ. بۇل سونداي-اق Tik-Tok-قا دا قاتىسى بار. سول ءۇشىن بۇنداي قوقان-لوقى سوزدەرگە بەرىلمەگەن ءجون. ناق وسى تاقىرىپقا بايلانىستى بەينەروليكتەردىڭ Tik Tok-تا كورىنىس تاپپايتىندىعىنا ەشكىم كەپىلدىك بەرە المايدى. باعدارلامانى قاراپ وتىرعان كەزدە اباي بولۋلارىڭىزدى وتىنەمىن.

---