Photo: Pixabay (https://www.pexels.com/@pixabay) / Pexels
"تىم بولماسا سۇيەكتەرى تابىلسا ەكەن..." – اتىراۋداعى تراگەدياعا قاتىستى مارقۇمنىڭ تۋىسى سويلەدى
اتىراۋدا ورىن العان قايعىلى وقيعادان كەيىن، ەرلى-زايىپتى ماقسوت قارابالين مەن ءناسىپ وتەشقالييەۆانىڭ جاقىندارى العاش رەت ب ا ق وكىلدەرىنە ءۇن قاتتى. كۇدىكتى سۇلتان سارسەمالييەۆتىڭ ۇستالعانىنا قاراماستان، وتباسىنىڭ جانى جارالى كۇيىندە قالۋدا.
بۇل تۋرالى Infohub.kz اقپارات اگەنتتىگى حابارلايدى.
تەلەجۋرناليست جانات جاقسىباي قىزىنىڭ الەۋمەتتىك جەلىدە جاريالاعان مالىمەتىنشە، قايعى جۇتقان وتباسىنىڭ ءۇمىتى تەك جوعالعان ناۋرىز بەن مەيرامگۇلدىڭ سۇيەكتەرى تابىلىپ، جەر قوينىنا تاپسىرۋعا عانا قالعان.
جاقىندارىنىڭ ءۇمىتى مەن كۇدىگى
«ەكەۋى دە ءتىرى بولسىن دەپ تىلەدىك، ءبىراق ەندى بۇل مۇمكىن ەمەس شىعار. تىم بولماسا سۇيەكتەرى تابىلسا ەكەن دەيمىز. جەر قوينىنا تاپسىرا الساق... جۇرەگىمىزبەن ءتىرى كەلسە ەكەن دەپ ويلايمىز عوي. سولار تۋرالى كۇدىكتى ايتىپ بەرسە ەكەن»، - دەيدى مارقۇمنىڭ تۋىسى.
ول سونداي-اق، ناۋرىز بەن مەيرامگۇلدىڭ ەشكىمگە زيانى تيمەگەنىن، ناۋرىزجاننىڭ ءاردايىم كومەككە دايار تۇراتىنىن، ال مەيرامگۇلدىڭ بالاشا پەيىلى بار ەكەنىن ايتىپ ءوتتى. «قايدا جىبەرگەنىن؟! جارتى جىل بولدى جوق بولعاندارىنا»، - دەپ كۇيىندى تۋىسى.
كۇدىكتىنىڭ ۇستالۋى
ەسكە سالا كەتەيىك، اتىراۋ وبلىسىندا بولعان قوس ادام ءولتىرۋ دەرەگى بويىنشا كۇدىكتى يندونەزيادا قولعا تۇسكەن. قازاقستان ىشكى ىستەر مينيسترلىگىنىڭ قىزمەتكەرلەرى شەتەلدىك ارىپتەستەرىمەن بىرلەسكەن وپەراسيا ناتيجەسىندە لومبوك ارالىنداعى سەنارۋ اۋىلىندا اسا اۋىر قىلمىس جاسادى دەگەن كۇدىكپەن ەر ادامدى ۇستاعان.
-
پاۆلودار وبلىسىندا جول اقىسىن تومەندەتكەن جاڭا تاكسي جۇرگىزۋشىلەرىن "جازالايتىن" "تاكسي مافياسى" تۋرالى داۋ شىقتى. تۇرعىندار مەن جاڭادان كەلگەندەر بۇل جاعدايعا شاعىمدانۋدا.
-
قاڭتار ايىندا ەلىمىزدىڭ كەيبىر وڭىرلەرىندە اۋا تەمپەراتۋراسىنىڭ كۇرت كوتەرىلۋى بايقالدى. بۇل تۋرالى "قازگيدرومەت" سينوپتيكتەرى مالىمدەدى.
