InfoHub Logo

UFCء-دىڭ اتاقتى فايتەرلەرى، ەكس-چەمپيوندار گەنري سەحۋدو مەن كامارۋ ۋسمان ارالاس جەكپە-جەك جانكۇيەرلەرىنىڭ قاي ەلدە ەڭ مىقتى ەكەنىن تالقىلاپ، قازاقستاننىڭ جانكۇيەرلەرىن ەرەكشە اتاپ ءوتتى. ولاردىڭ ايتۋىنشا، قازاقستاندىق جانكۇيەرلەردىڭ ىنتا-ىقىلاسى مەن قولداۋى تەڭدەسسىز.

بۇل تۋرالى Infohub.kz اقپارات اگەنتتىگى حابارلايدى.

«قازاقستانداعىداي جانكۇيەرلەردى ەش جەردە كورگەن جوقپىن»

گەنري سەحۋدو ءوز YouTube ارناسىندا جۇرگىزگەن تالقىلاۋدا قازاقستان جانكۇيەرلەرىن ەرەكشە اتاپ ءوتتى. ول: «مەن بارلىق جەردە بولدىم. ءبىراق قازاقستانداعىداي جانكۇيەرلەردى ەش جەردە كورگەن جوقپىن. ولاردى ەشكىممەن سالىستىرۋعا بولمايدى. ولار جاي عانا جانكۇيەر ەمەس، ناعىز فاناتيكتەر. الەمدە بۇدان ارتىق جانكۇيەرلەر بار دەپ ويلامايمىن»، - دەپ مالىمدەدى.

شاۆكات راحمونوۆتىڭ ىقپالى

كامارۋ ۋسمان دا سەحۋدونىڭ پىكىرىمەن كەلىسە وتىرىپ، قازاقستاندىق فايتەر شاۆكات راحمونوۆپەن بولاتىن جەكپە-جەگى تۋرالى ەستەلىكتەرىمەن ءبولىستى. ول راحمونوۆپەن كەزدەسۋ مۇمكىندىگى تۋىنداعاندا، الەۋمەتتىك جەلىلەردەگى قازاقستاندىق جالاۋشالار مەن كوممەنتارييلەردىڭ كوپتىگىنەن ءوزىنىڭ مازاسى كەتكەنىن ايتتى. «ءار جازبامنان كەيىن 4000-5000 مىڭداي كوممەنتاريي كەلىپ تۇسەتىن. بارلىعى قازاقستاندىق جالاۋشالار بولاتىن»، - دەپ ەسكە الدى ۋسمان.

بۇعان دەيىن دە گەنري سەحۋدو شاۆكات راحمونوۆ پەن قازاقستان تۋرالى جىلى پىكىر بىلدىرگەن بولاتىن. قازاقستانعا كەلگەن ساپارىندا ول Tengri Sport تىلشىسىنە بەرگەن سۇحباتىندا راحمونوۆتى UFC-دە جاقىن ارادا چەمپيون بولاتىنىن بولجاعان ەدى.

ايتا كەتەيىك، شاۆكات راحمونوۆ 2024 جىلى كامارۋ ۋسمانمەن كەزدەسۋى مۇمكىن بولعان. الايدا، كەيىننەن راحمونوۆتىڭ قارسىلاسى يرلانديالىق يان ماچادو گەرري بولىپ، قازاقستاندىق فايتەر ونى جەڭگەن ەدى.