tengrinews.kz
ۋكرايناداعى ەكس-پرەزيدەنت كەڭسەسىنىڭ باسشىسى اقشا جىمقىردى دەگەن كۇدىككە ءىلىندى
ۋكراينادا ەليتالىق قۇرىلىس سالاسىندا 460 ميلليون گريۆەندى (شامامەن 4،8 ميلليارد تەڭگە) زاڭداستىرۋمەن اينالىسقان ۇيىمداسقان توپ اشكەرەلەندى. بۇل ىسكە ۋكراينا پرەزيدەنتى كەڭسەسىنىڭ بۇرىنعى باسشىسى اندرەي ەرماك تا تارتىلعان.
بۇل تۋرالى Infohub.kz اقپارات اگەنتتىگى حابارلايدى.
ۇيىمداسقان توپتىڭ ارەكەتى
ۋكراينانىڭ سىبايلاس جەمقورلىققا قارسى ۇلتتىق بيۋروسى (نابۋ) اندرەي ەرماكتىڭ كييەۆ ماڭىنداعى ەليتالىق قۇرىلىس جوبالارىندا 460 ميلليون گريۆەندى جىمقىرعان ۇيىمداسقان توپقا قاتىسى بار دەگەن كۇدىككە ىلىنگەنىن حابارلادى. الايدا، «ۋكراينسكايا پراۆدا» باسىلىمىنىڭ مالىمەتىنشە، ەرماك ءوزىنىڭ كىناسىز ەكەنىن ايتىپ، تەك ءبىر كولىگى مەن ءبىر پاتەرى بار ەكەنىن العا تارتقان.
«ميداس» وپەراسياسى
2025 جىلدىڭ 10 قاراشاسىندا نابۋ جانە سىبايلاس جەمقورلىققا قارسى ءىس-قيمىل پروكۋراتۋراسى (ساپ) مەملەكەتتىك سەكتورداعى ستراتەگيالىق كاسىپورىندارعا، اتاپ ايتقاندا «ەنەرگواتوم» اق-نا ىقپال ەتۋ بويىنشا سىبايلاس جەمقورلىق سحەماسىن اشكەرەلەۋ وپەراسياسىن باستاعان. بۇل وپەراسيا «ميداس» دەپ اتالدى.
2025 جىلدىڭ 28 قاراشاسىندا نابۋ قىزمەتكەرلەرى ەرماكتىڭ ۇيىنە ءتىنتۋ جۇرگىزگەننەن كەيىن بىرنەشە ساعاتتان سوڭ پرەزيدەنت ۆلاديمير زەلەنسكيي ونى قىزمەتىنەن بوساتتى.
قىلمىستىق توپتىڭ قىزمەتى
ساپ بۇل قىلمىستىق ۇيىمنىڭ نەگىزگى قىزمەتى «ەنەرگواتوم» كومپانياسىمەن جاسالعان كەلىسىمشارتتاردىڭ قۇنىنان 10-15 پايىزى كولەمىندە پارا الۋ بولعانىن مالىمدەدى. قۇقىق قورعاۋ ورگاندارىنىڭ انىقتاۋىنشا، زاڭسىز جولمەن الىنعان قاراجاتتى زاڭداستىرۋمەن اينالىسقان توپتىڭ كەڭسەسى كييەۆتىڭ ورتالىعىندا ورنالاسقان. ولار ارقىلى شامامەن 100 ميلليون اقش دوللارى وتكەن.
اندرەي ەرماك 2020 جىلدىڭ اقپانىنان باستاپ ۋكراينا پرەزيدەنتى كەڭسەسىن باسقاردى. ول ۆلاديمير زەلەنسكييدىڭ ەڭ جاقىن سەرىكتەرىنىڭ ءبىرى جانە ەلدەگى ەكىنشى ىقپالدى تۇلعا سانالدى.
-
ۇلتتىق بانك دەرەگى بويىنشا، دوللار مەن ەۋرونىڭ باعامى قانداي بولىپ وزگەردى؟ ايىرباس پۋنكتتەرىندەگى ساتۋ جانە ساتىپ الۋ باعالارىن ءبىلىڭىز.
-
A former top aide to Ukraine's President is under investigation for alleged involvement in a scheme to launder millions of dollars، impacting major state enterprises.
