ۇل بالاعا باتا
جورىتقاندا، بالام، جولىڭ بولسىن،
قالتاڭ بايلىققا تولسىن،
ءبىر تولماسىن، جىلدا تولسىن،
ءومىر جاسىڭ ۇزاق بولسىن!
قاتارىڭنان وزعان ورەن بول،
قىز كوزىندەي تەرەڭ بول،
سىناي قالسا – قۇلاق سال،
ماقتاي قالسا – كەرەڭ بول!
ءاۋمين!
*** *** *** ***
ءجۇسىپتىڭ ديدارىن بەرسىن،
ءيبراھيمنىڭ يمانىن بەرسىن،
پايعامباردىڭ كەڭدىگىن بەرسىن،
ازىرەت ءالىنىڭ ەرلىگىن بەرسىن!
ابىلايدىڭ بايراعىن بەرسىن،
باتىر باۋىرجاننىڭ ايبارىن بەرسىن!
ەلىنە ىرىس-قۇت ورناسىن،
جەرىنە تىنىشتىق ورناسىن!
وسەك-اياننىڭ قۇربانى بولماسىن،
وزبىرلاردىڭ شۇلعاۋى بولماسىن!
كولدەنەڭ كەلەر قازادان،
جازىقسىز تونەر جازادان
اللا تاعالا قورعاسىن،
ابىرويىن اسىرىپ قولداسىن!
*** *** *** ***
You Might Also Like
-
قول جايىڭدار حالايىق، سۇندەتكە ارناپ، قۇداي ق ۇلى مۇحاممەد ۇمبەتكە ارناپ. قىرىق پارىزدىڭ بىرەۋى وسى دەيدى، يسلامدا اتقارار مىندەتكە ارناپ.
-
اتىڭ تۇلپار بولسىن، قۇسىڭ سۇڭقار بولسىن. جەلىڭ بيەلى بولسىن، كوشىڭ تۇيەلى بولسىن. ءىسىڭ جۇيەلى بولسىن، باسىڭ كيەلى بولسىن. قىزىڭ قياعا قونسىن، ۇلىڭ ۇياعا قونسىن. ساپارىڭ ءساتتى بولسىن، جەگەنى...
