ۇلتتىق قورعانىس ۋنيۆەرسيتەتىندە جاڭا فاكۋلتەت اشىلدى
قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىندە ماتەريالدىق-تەحنيكالىق قامتاماسىز ەتۋ اسكەرلەرى فاكۋلتەتىنىڭ سالتاناتتى اشىلۋ ءراسىمى ءوتتى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
اتالعان فاكۋلتەت جوعارى اسكەري ءبىلىم جۇيەسىندەگى كەڭ بەيىندى ماتەريالدىق-تەحنيكالىق قامتاماسىز ەتۋ ماماندارىن دايىنداۋ جونىندەگى تاپسىرمالاردى شەشۋ ءۇشىن قۇرىلعان. فاكۋلتەتتىڭ اشىلۋ سالتاناتىنا ۇلتتىق قورعانىس ۋنيۆەرسيتەەتىنىڭ باستىعى گەنەرال-مايور اسحات رىسبايەۆ، ق ر قك تىل جانە قارۋ-جاراق باستىعى باسقارماسىنىڭ شتاب باستىعى پولكوۆنيك الماز احمادييەۆ قاتىستى.
«مەملەكەتتىڭ اسكەري قۋاتى تەك قازىرگى زامانعى جوعارى تەحنولوگيالىق قارۋ-جاراق پەن اسكەري تەحنيكا ۇلگىلەرىنىڭ سانى مەن ساپاسىنا نەگىزدەلمەيدى. جاۋىنگەرلىك ءىس-قيمىلداردى ورىنداۋعا مۇمكىندىك بەرەتىن اسكەرلەردى ماتەريالدىق-تەحنيكالىق قامتاماسىز ەتۋ دە قاجەت. وسى سالانىڭ ماماندارى يگەرۋگە ءتيىستى بىلىكتىلىك تالاپتارى مەن كاسىبي قۇزىرەتتىڭ ماڭىزدىلىعى ءبىزدى دايارلىقتىڭ قازىرگى زامانعى جاڭا جۇيەسىن قۇرۋعا يتەرمەلەيدى. وسىعان بايلانىستى ماتەريالدىق-تەحنيكالىق قامتاماسىز ەتۋ ماماندارىنا قويىلار تالاپ تا ارتا تۇسپەك»، - دەپ اتاپ ءوتتى ۋنيۆەرسيتەت باستىعى گەنەرال-مايور اسحات رىسپايەۆ.
وسى باعىتتاعى بىرىكتىرىلگەن باسقارۋ جۇيەسىنىڭ مامانى تىلدىق، تەحنيكالىق، كولىكتىك جانە مەديسينالىق قامتاماسىز ەتۋ سياقتى قۇرامداس تۇرلەردىڭ نەگىزىن ءبىلۋى قاجەت ەكەنىن اتاپ وتكەن ءجون.
You Might Also Like
-
قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆانىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسى ءوتتى، دەپ اقوردانىڭ باسپا ءسوز قىزمەتى حابارلايدى.
-
الماتى وبلىسى، سارقان اۋدانى، سارقان قالاسى "ى.التىنسارين اتىنداعى ورتا مەكتەپ" كمم-نىڭ 7 "ب" سىنىپ وقۋشىسى امانبەك نۇربولات جەتەكشىسى: احمەتوۆا قارلىعاش سەرىكقۇل قىزى
