InfoHub Logo

قازاقستان ۇلتتىق بانكى بازالىق مولشەرلەمەنى جاقىن ارادا تومەندەتۋ مۇمكىندىگىن جوققا شىعارمايدى. بۇل تۋرالى رەتتەۋشى ورگانىنىڭ باسشىسى تيمۋر سۇلەيمەنوۆ مالىمدەدى.

ونىڭ ايتۋىنشا، مۇنداي سەناريي ەكونوميكالىق جاعدايدىڭ ساقتالۋىمەن مۇمكىن بولادى.

«ءبىز وتە ناقتى كورسەتتىك: دەزينفلياسيالىق اسەرلەر ساقتالسا، قاتاڭ بيۋدجەت ساياساتى جۇرگىزىلسە، تاريفتىك جانە جانارماي باعاسىن رەفورمالاۋدا تەجەۋشىلىك تانىتىلسا، سۇرانىستىڭ ودان ءارى تومەندەۋى جانە سىرتقى شوكتاردىڭ بولماۋى جاعدايىندا – ءبىز بازالىق مولشەرلەمەنى تومەندەتۋگە مۇمكىندىك تۋادى دەپ سانايمىز»، - دەدى سۇلەيمەنوۆ ۇلتتىق بانكتىڭ بريفينگىندە.

ۇلتتىق بانك باسشىسى ينفلياسيانىڭ باياۋلاپ، تۇراقتى دەڭگەيدە بەكيتىنىن كۇتەتىنىن اتاپ ءوتتى.

«ءبىزدىڭ بولجامىمىز وسىنداي جانە ءبىز ونى كۇتۋگە نيەتتىمىز: ينفلياسيا تومەندەپ، بەكىگەن كەزدە مولشەرلەمەنى تومەندەتۋ سيكلىن باستايمىز»، - دەدى ول.

سونىمەن قاتار، تيمۋر سۇلەيمەنوۆ جوعارى مولشەرلەمەنىڭ وزىندىك ماقسات ەمەس ەكەنىن باسا ايتتى.

«نەگىزىنەن، ءبىز مولشەرلەمەنى جوعارى دەڭگەيدە ۇستاۋعا نيەتتى ەمەسپىز. ءبىزدىڭ باستى تىلەگىمىز – ينفلياسيانى قولدا بار بارلىق قۇرالدار، سونىڭ ىشىندە بازالىق مولشەرلەمە ارقىلى تومەندەتۋ»، - دەپ قوستى ۇلتتىق بانك باسشىسى.

بۇگىن، 24 ساۋىردە، قازاقستان ۇلتتىق بانكى بازالىق مولشەرلەمە بويىنشا شەشىم قابىلدادى. ول بۇرىنعى 18 پايىز دەڭگەيىندە جىلدىق مولشەردە جانە +/- 1 پايىزدىق پۋنكت دالىزىندە ساقتالدى.

بازالىق مولشەرلەمە دەگەنىمىز نە؟

بازالىق مولشەرلەمە – ۇلتتىق بانكتىڭ اقشا-نەسيە ساياساتىنىڭ نەگىزگى قۇرالى. ول بانكتەردىڭ قانشا پايىزگa اقشا الا الاتىنىن كورسەتەدى جانە حالىق پەن بيزنەس ءۇشىن نەسيە مەن دەپوزيتتەردىڭ قانداي پايىزبەن بەرىلەتىنىن انىقتايدى.

ۇلتتىق بانك باعالاۋى بويىنشا، ونىڭ وزگەرۋى ينفلياسيا دەڭگەيىنە بىردەن ەمەس، شامامەن 12-18 ايدان كەيىن بايقالاتىن اسەر ەتەدى. قىسقا مەرزىمدى پەرسپەكتيۆادا مولشەرلەمەنى وزگەرتۋدىڭ اسەرى ءالسىز.

بۇعان دەيىن ۇلتتىق بانك بازالىق مولشەرلەمەگە قاتىستى جوسپارلارىمەن بولىسكەن بولاتىن. رەتتەۋشى ورگانىنىڭ اقپاراتى بويىنشا، ول 2026 جىلدىڭ ءبىرىنشى جارتىجىلدىعىنىڭ سوڭىنا دەيىن اعىمداعى اقشا-نەسيە شارتتارىن، سونىڭ ىشىندە بازالىق مولشەرلەمەنى ساقتاۋدى جوسپارلاپ وتىر.

بازالىق مولشەرلەمە قالاي جۇمىس ىستەيدى؟

بازالىق مولشەرلەمەنىڭ وزگەرۋى اقشا نارىعىنىڭ پايىزدىق مولشەرلەمەلەرى جانە ايىرباس باعامى ارقىلى ينفلياسيا دەڭگەيىنە اسەر ەتەدى. بازالىق مولشەرلەمە كوتەرىلگەن كەزدە، ەكونوميكاداعى اقشا «قىمباتتايدى» – نەسيەلەر مەن قارىزدار بويىنشا پايىز وسەدى. ناتيجەسىندە، بيزنەس پەن حالىق تا از شىعىندالىپ، كوپ اقشا جيناي باستايدى. تۇتىنۋدىڭ تومەندەۋى باعانىڭ ءوسۋىن باياۋلاتادى، ياعني ينفلياسيانى تەجەيدى.

بازالىق مولشەرلەمە تەڭگەگە قالاي اسەر ەتەدى؟

ۇلتتىق بانك بازالىق مولشەرلەمەنى تومەندەتكەن كەزدە، اقشا ارزاندايدى. قىسقا مەرزىمدە بۇل ادەتتە تەڭگەنىڭ السىرەۋىنە اكەلەدى – ۆاليۋتا نارىعىنىڭ قاتىسۋشىلارى باعامنىڭ قۇلاۋىن كۇتىپ، ۇلتتىق ۆاليۋتاعا قارسى ويىن باستايدى. ۇزاق مەرزىمدى پەرسپەكتيۆادا مولشەرلەمەنىڭ تومەندەۋى ينفلياسيانى باياۋلاتۋى مۇمكىن، بۇل كەرىسىنشە، تەڭگەنى نىعايتۋى ىقتيمال.