InfoHub Logo

ۇلتتىق بانك قازاقستاندىقتاردى بانك كارتالارىنىڭ رۇقساتسىز بۇعاتتالۋىنا قاتىستى تەلەفون الاياقتىعىنىڭ جيىلەپ كەتكەنى تۋرالى ەسكەرتتى.

بۇل تۋرالى Infohub.kz اقپارات اگەنتتىگى حابارلايدى.

الاياقتاردىڭ جاڭا ءادىسى

قىلمىسكەرلەر ازاماتتاردىڭ جەكە دەرەكتەرىن اشىق كوزدەردەن – فيشينگ سايتتارىنان، الەۋمەتتىك جەلىلەردەن نەمەسە ساۋدا الاڭدارىنان جينايدى. سودان كەيىن ولار كليەنت اتىنان بانكتەردىڭ بايلانىس ورتالىقتارىنا حابارلاسىپ، كارتاسىنىڭ جوعالعانىن حابارلايدى. بۇل جاعداي كارتانىڭ دەرەۋ بۇعاتتالۋىنا اكەلەدى.

وسىدان كەيىن الاياقتار وزدەرىن بانك قاۋىپسىزدىك قىزمەتىنىڭ نەمەسە قۇقىق قورعاۋ ورگاندارىنىڭ قىزمەتكەرلەرى رەتىندە تانىستىرىپ، كليەنتتەرگە حابارلاسادى. ولار كارتانى «قالپىنا كەلتىرۋ» نەمەسە اقشانى «ءقاۋىپسىز شوتقا» اۋدارۋ سىلتاۋىمەن SMS-كودتاردى، ينتەرنەت-بانكينگ پارولدەرىن جانە CVV/CVC كودتارىن الۋعا تىرىسادى.

ۇلتتىق بانكتىڭ ۇسىنىستارى

ەگەر ءسىزدىڭ كارتاڭىز بۇعاتتالسا، تەك بانك كارتاسىنىڭ سىرتىنداعى ءنومىر نەمەسە ءموبيلدى قوسىمشا ارقىلى رەسمي بايلانىس ورتالىعىنا حابارلاسىڭىز.

«قارجى ۇيىمدارىنىڭ قىزمەتكەرلەرى ەشقاشان پارولدەردى نەمەسە SMS حابارلامالارىنان الىنعان كودتاردى سۇرامايتىنىن، سونداي-اق قۇرىلعىعا قاشىقتان قول جەتكىزۋدى ورناتۋدى تالاپ ەتپەيتىنىن ەستەرىڭىزگە سالامىز»، - دەلىنگەن حابارلامادا.

سونداي-اق، الاياقتار بانكوماتتاردىڭ جانىندا «كارتانىڭ بۇعاتتالۋى»، ونىڭ زاقىمدالعانى نەمەسە ليميتتەردىڭ اسىپ كەتۋى تۋرالى ايتىپ، اقشانى ءۇشىنشى تۇلعالارعا اۋدارۋدى سۇراۋى مۇمكىن. بۇل ارەكەتتەر زاڭسىز بولىپ سانالادى.

قاراجاتىڭىزدى قالاي قورعاۋعا بولادى؟