Photo: Ayazhan (https://www.pexels.com/@ayazhan-3173683) / Pexels
«ۇلتى باسقا، كارىلەۋ»: تولقىن زابيروۆا كۇيەۋىنىڭ ونەرى تۋرالى سىر شەرتىپ، ەلگە ەلەڭ ەتكىزدى
ءانشى تولقىن زابيروۆا ءوزىنىڭ «ۇلتتىق بولمىسى بولەك، ءبىراق جانى قازاق» دەپ سيپاتتايتىن كۇيەۋىنىڭ قازاق ونەرىنە سىڭىرگەن ەڭبەگى جايلى ايتىپ بەردى. ونەر يەسى «تاڭشولپان» باعدارلاماسىندا جولداسى تۋرالى ءجيى قويىلاتىن سۇراقتارعا جاۋاپ بەردى.
بۇل تۋرالى Infohub.kz اقپارات اگەنتتىگى حابارلايدى.
كۇيەۋىمنىڭ جانى – قازاق
تولقىن زابيروۆانىڭ ايتۋىنشا، كۇيەۋى قازاق ونەرىنە كوپ ەڭبەك سىڭىرگەنىمەن، ءوزىن كوپشىلىككە كورسەتۋگە، ناسيحاتتاۋعا اسىقپايدى. ونىڭ تابيعاتى سونداي، قولىنان ءىس كەلەدى، ءبىراق ءوزىن جاريا ەتكىسى كەلمەيدى.
«ۇلتى قازاق بولماعانىمەن، جانى دا، ءتانى دە قازاق. قازاق ونەرىنە ەڭبەك ءسىڭىرىپ، جۇرەگى قازاق دەپ سوققان ازاماتتىڭ بىرەگەيى. ءوزى جامبىل وبلىسىندا تۋىپ-وسكەن. 1،5 جاستان اكە-شەشەسىنەن ايىرىلىپ، بالالار ۇيىندە تاربيەلەنگەن. ءومىر بويى ءوزىن قامشىلاپ، وسىنداي دەڭگەيگە جەتتى»، – دەيدى ءانشى.
ساحناعا شىعارعان تۇلعالار
زابيروۆانىڭ سوزىنشە، كۇيەۋى ەرمەك سەركەبايەۆ، روزا باعلانوۆا سياقتى قازاق ونەرىنىڭ مايتالماندارىمەن بىرگە جۇمىس ىستەگەن. ول كوپتەگەن ونەر ادامدارىن ساحناعا شىعارىپ، ولاردىڭ گاسترولدىك جانە كونسەرتتىك باعدارلامالارىن دايىنداعان.
«قازاقكونسەرتتىڭ گاسترولدىك كونسەرتتىك باعدارلامالارىمەن 35 جىل اينالىستى. شوۋ-بيزنەستىڭ ىرگەتاسىن قالاعان، كىرپىشىن سالىپ كەتكەن – مەنىڭ جولداسىم. كەيدە «قازاق ەمەس» دەگەندەرگە ايتارىم، مەنىڭ بالالارىم قازاق جەرىندە ءتۋىپ-وستى، ءتولقۇجاتتارىندا دا قازاق دەپ جازىلادى»، – دەپ قوستى ءانشى.
شەتەلدە بوسانۋ ۇسىنىسى
ءانشى انا اتانار ساتتە شەتەلدە بوسانۋ تۋرالى ۇسىنىستاردىڭ كوپ بولعانىن دا جاسىرمادى. الايدا، ول بۇل ۇسىنىستان باس تارتقان.
«مەنىڭ ەلىم، جەرىم – قازاق جەرى. بالالارىم دا وسى جەردە تۋىلادى. كەيىن قاي جەردە تۇرعىسى كەلەتىنىن وزدەرى شەشەدى»، – دەپ تۇيىندەدى تولقىن زابيروۆا.
-
اتىراۋداعى قايعىلى وقيعاعا قاتىستى ايىپ تاعىلعان سۇلتان سارسەمالييەۆتىڭ اكەسى ۇلىمەن قىسقا كەزدەسۋ وتكىزگەنىن مالىمدەدى.
-
Singer Tolqyn Zabirova highlights her husband's deep connection to Kazakh culture and his significant، yet often unrecognized، role in shaping the nation's performing arts scene.
