InfoHub Logo

بەلگىلى ءانشى، كومپوزيتور ءارى پروديۋسەر ۇلىقپان جولداسوۆتىڭ جاقىندارىمەن وتكىزگەن اۋىزاشار كەزىندەگى جاعداي الەۋمەتتىك جەلىدە قىزۋ تالقىعا ءتۇستى. ول جينالعاندارعا باتا بەرە الماعان سوڭ، ءسال كۇلكىلى جاعدايعا تاپ بولدى.

بۇل تۋرالى Infohub.kz اقپارات اگەنتتىگى حابارلايدى.

اۋىزاشارداعى جاعداي

دوستارى مەن ارىپتەستەرىنىڭ ورتاسىندا وتكەن اۋىزاشار بارىسىندا ۇلىقپان جولداسوۆ باتا بەرۋگە كەلگەندە ءسال قينالدى. ول جينالعاندارعا «ال، اۋىزدارىڭدى اشايىن دەپ جاتسىڭدار عوي. بەرەكەسىن بەرسىن. اللا اماندىعىن بەرسىن. بۇگىنگى كونسەرتىمىز جاقسى ءوتسىن»، – دەپ كۇلىپ، بەتىن سيپاعان.

قالاي قابىلداندى؟

ءانشىنىڭ بۇل ارەكەتى كەيبىر ادامداردىڭ كوڭىلىنەن شىقپادى. جەلىدەگىلەر ونىڭ باتا بەرە الماعانىنا تاڭعالىس ءبىلدىرىپ، پىكىر قالدىردى. كەيبىر قولدانۋشىلار «شال بولسا دا باتا بەرە الماي ما ءالى كۇنگە دەيىن؟»، «ورازانى مازاق ەتىپ وتىر»، «ۇيات بولدى-اۋ» دەگەن سياقتى پىكىرلەر جازدى. الايدا، بۇل جاعدايدى ءازىل رەتىندە قابىلداعاندار دا بولدى.