InfoHub Logo

بەلگىلى سازگەر ۇلىقپان جولداسوۆ 60 جاسقا تولۋىنا وراي جۇمىس ورنىندا مەرەيتويىن اتاپ ءوتتى. الايدا، مەرەكەلىك ساتتە تورتتاعى شامداردى ۇرلەپ وشىرۋدەن باس تارتقان سازگەردىڭ بۇل ارەكەتى الەۋمەتتىك جەلىدە قىزۋ تالقىلاندى.

بۇل تۋرالى Infohub.kz اقپارات اگەنتتىگى حابارلايدى.

تورتتى ۇرلەۋدەن باس تارتتى

مەرەيتويعا كەلگەن ارىپتەستەرى مەن دوستارى ۇلىقپان جولداسوۆقا ارنايى تورت اكەلىپ، تىلەكتەرىن بىلدىرگەن. الايدا، سازگەر وتتى ۇرلەۋگە بولمايتىنىن بىرنەشە رەت ەسكەرتىپ، بۇل داستۇردەن باس تارتتى. كەيىننەن، قۇتتىقتاۋشىلاردىڭ ءبىرىنىڭ ۇسىنىسىمەن، ول شامداردى قولمەن ءسوندىردى. بۇل ءساتتى بەينەگە ءتۇسىرىپ العان جۇرتشىلىق، ونى جەلىدە تاراتتى.

جەلىدەگى پىكىرتالاس

سازگەردىڭ بۇل ارەكەتى الەۋمەتتىك جەلى قولدانۋشىلارى اراسىندا ءتۇرلى پىكىر تۋدىردى. كەيبىرەۋلەر مۇنى مادەنيەتتى قادام دەپ باعالاسا، ەندى بىرەۋلەر 60 جاسقا تورتتىڭ قاجەتى شامالى ەكەنىن، ودان دا باسقاشا قۇرمەت كورسەتۋگە بولاتىنىن ايتتى. «وتتى ۇرلەپ وشىرمەگەنى دۇرىس، بۇل – مادەنيەتتى قادام»، – دەپ جازدى ءبىر جەلى قولدانۋشىسى.