InfoHub Logo

ۇلتتىق قاۋىپسىزدىك كوميتەتى (ۇقك) شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق ومارعا قاتىستى سوتقا دەيىنگى تەرگەۋ باستالعانىن راستادى.

بۇل تۋرالى Infohub.kz اقپارات اگەنتتىگى حابارلايدى.

نە بولدى؟

اقپارات 13 اقپاندا جەلىدە پايدا بولدى. سول كەزدە وبلىستىق اكىمدىكتە بۇل تۋرالى مالىمەت جوق ەكەنىن ايتقان. سونداي-اق، اكىمدىكتەن «ورىنباسار دەنساۋلىعىنا بايلانىستى ۋاقىتشا دەمالىس العان» دەپ حابارلانعان بولاتىن.

رەداكسيا ءتىلشىسى شەنەۋنىكپەن بايلانىسۋعا تىرىسقانىمەن، ول قوڭىراۋلارعا جاۋاپ بەرمەدى.

ۇقك نە دەيدى؟

ال ۇلتتىق قاۋىپسىزدىك كوميتەتىنەن شەنەۋنىككە قاتىستى تەرگەۋ باستالعانى تۋرالى حابارلاندى:

«سوتقا دەيىنگى تەرگەۋ جۇرگىزىلىپ جاتىر. قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس، وزگە اقپارات جاريا ەتىلمەيدى»، – دەلىنگەن ۆەدومستۆونىڭ رەسمي ساۋالعا بەرگەن جاۋابىندا.

الايدا، ۇقك ناقتى قانداي ايىپ تاعىلعانىن نەمەسە قىلمىستىق كودەكستىڭ قاي بابى بويىنشا تەرگەۋ جۇرگىزىلىپ جاتقانىن ناقتىلامادى.

جاقسىلىق ومار تۋرالى نە بەلگىلى؟

جاقسىلىق ومار 1980 جىلى 28 قىركۇيەكتە الماتى وبلىسى الاكول اۋدانىنىڭ ءۇشارال اۋىلىندا دۇنيەگە كەلگەن. ول 2001 جىلى اباي اتىنداعى الماتى مەملەكەتتىك ۋنيۆەرسيتەتىن «گەوگرافيا» ماماندىعى بويىنشا، 2010 جىلى قازاق گۋمانيتارلىق-زاڭگەرلىك يننوۆاسيالىق ۋنيۆەرسيتەتىن «جەرگىلىكتى جانە مەملەكەتتىك باسقارۋ» ماماندىعى بويىنشا بىتىرگەن. 2018 جىلى سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە ەكونوميكا عىلىمدارىنىڭ ماگيسترى دارەجەسىن العان.

ەڭبەك جولى

2001-2005 جىلدارى ومار مادەنيەت جانە اقپارات مينيسترلىگىندە جەتەكشى جانە باس مامان بولىپ جۇمىس ىستەدى. 2005-2007 جىلدارى قارجى مينيسترلىگىندە مامان بولدى.

2007-2009 جىلدارى «قازاقستان» تەلەراديوكورپوراسياسىنىڭ اقپاراتتىق-تالداۋ باعدارلامالارى ديرەكسياسى ديرەكتورىنىڭ ورىنباسارى، سودان كەيىن «ارنا مەديا» حولدينگىنىڭ باس مەنەدجەرى قىزمەتتەرىن اتقاردى. 2009-2010 جىلدارى شىعىس قازاقستان وبلىسى اكىمىنىڭ كومەكشىسى بولىپ جۇمىس ىستەدى. 2010-2011 جىلدارى شقو ىشكى ساياسات باسقارماسىن باسقاردى. 2011-2013 جىلدارى شقو مادەنيەت باسقارماسىن باسقاردى. 2013-2016 جىلدارى شىعىس قازاقستان وبلىسى اكىمىنىڭ ورىنباسارى قىزمەتىن اتقاردى. 2016-2018 جىلدارى الماتى وبلىسى اكىمىنىڭ ورىنباسارى بولدى.

وسىدان كەيىن 2018-2024 جىلدارى جاقسىلىق ومار وسكەمەن قالاسىنىڭ اكىمى قىزمەتىن اتقاردى. 2024 جىلدان 2025 جىلدىڭ 4 ساۋىرىنە دەيىن شقو اكىمىنىڭ كەڭەسشىسى بولىپ جۇمىس ىستەدى. 2025 جىلدىڭ 7 ساۋىرىنەن باستاپ شىعىس قازاقستان وبلىسى اكىمىنىڭ ءبىرىنشى ورىنباسارى قىزمەتىن اتقارىپ كەلەدى.