InfoHub Logo

ءبىلىم بەرۋ سالاسى: «قاتىناس»
ءبولىمى: سويلەۋدى دامىتۋ
ۇيىمداستىرىلعان وقۋ قىزمەتىنىڭ تاقىرىبى: «ۇشادى – ۇشپايدى».
ماقساتى: ءتۇرلى ارەكەتتەردەگى جانە الۋان تۇردەگى اۋىزشا جانە بايلانىستىرا سويلەۋلەرىن دامىتۋ. بالالاردى حالىق اۋىز ادەبيەتى شىعارماشىلىعىنا باۋلۋ.
مىندەتتەرى:
ا) زاتتاردىڭ قاسيەتتەرىنە قاراي تالداۋعا، ولاردىڭ اتتارىن اتاي بىلۋگە ۇيرەتۋ.
ءا) تابيعاتتا نەنىڭ ۇشاتىنى، نەنىڭ ۇشپايتىنى تۋرالى ءتۇسىندىرۋ ارقىلى زەيىندەرى مەن ويلاۋ قابىلەتتەرىن دامىتۋ.
ب) ۇيىمشىلدىققا باۋلۋ.
كۇتىلەتىن ناتيجە:
ورىندايدى: تابيعاتتا ۇشاتىن، ۇشپايتىنىن؛
تۇسىنەدى: ۇشاتىن، ۇشپايتىن زاتتاردى توپتاستىرۋدى؛
قولدانادى: ۇشاتىن - ۇشپايتىن زاتتار تۋرالى سۇراقتارعا جاۋاپ بەرەدى؛
كورنەكىلىكتەر: ۇشاتىن قۇستار مەن ۇشپايتىن زاتتاردىڭ سۋرەتتەرى.
سوزدىك جۇمىس: كوبەلەك، تورعاي، ۇشاق، ءۇي، اعاش، ماشينا.
ۇيىمداستىرىلعان وقۋ قىزمەتىنىڭ بارىسى:
1. ۇيىمداستىرۋشىلىق كەزەڭ.
بالالاردى جارتىلاي شەڭبەرگە تۇرعىزىپ:
كەل، بالالار، كۇلەيىك،
كۇلكىمەنەن تۇلەيىك!
قاباق تۇيگەن نە كەرەك،
كوڭىلدى بوپ جۇرەيىك!
 تاقپاقتى داۋىستاپ ايتادى، سونىمەن قاتار ىم جانە يشارامەن وزدەرىنىڭ كوڭىلدى ەكەنىن كورسەتەدى.
2. نەگىزگى كەزەڭ.
بالالاردىڭ نازارىن سۋرەتكە اۋدارىپ، ولاردىڭ اتتارىن ايتقىزۋ.
– بۇل – قۇس. ول ۇشادى. ال مىناۋ – ۇشاق. ول دا ۇشادى. كوبەلەك تە ۇشادى. سەبەبى ولاردىڭ ۇشۋعا ارنالعان قاناتى بار.
– بالالار، ەندى مىنا سۋرەتتە ۇشپايتىن دا زاتتار بار. ولاردا قانات بولمايدى. ولار تەك ءبىر ورىندا تۇرادى. مىسالى ءۇي، جيھاز ت. ب

سەرگىتۋ ءستى.
ورنىمىزدان تۇرامىز،
قولىمىزدى جايامىز.
قۇستارعا ۇقساپ،
ۇشىپ - ۇشىپ الامىز.
 1. «توپتاستىر» ديداكتيكالىق ويىنى.
2. «نە ۇشپايدى؟» تاپسىرماسىن ورىنداۋ. سۋرەتتەن ۇشاتىن، ۇشپايتىن زاتتاردى اجىراتىپ، اتتارىن اتاتقىزۋ.
– تورعاي ۇشادى،– دەپ قولدارىن كوتەرەدى. قيمىل - قوزعالىستار جاسايدى.
ويىنشىقتاردى ءبىر بولەك، قۇستاردى ءبىر بولەك توپتاستىرادى.
– ءۇي ۇشپايدى.

3. رەفلەكسيا.
سۇراق - جاۋاپ ارقىلى وقۋ قىزمەتىنەن العان بىلىمدەرىن بەكىتەدى.
سۇراقتارعا جاۋاپ بەرەدى.

جامبىل وبلىسى، تاراز قالاسى،
№13 بوبەكجاي - باقشا تاربيەشىسى
ازامات تاڭشولپان