ۇستازىم – ۇلاعاتىم، ۇلگى — ونەگەم

ۇستازدارعا ارنالعان ولەڭ شۋماقتارى، ءار پانگە ارنالعان تاقپاقتار

فون. مۋزىكا (سلايد قوسۋ)

ءبىرىنشى ءبولىم:

1. فانفارى. وقۋشىلار ساحناعا شىعىپ، ارناۋ ولەڭدەر وقيدى:

باستاۋىش

مەن العاش مەكتەپ ەسىگىن اشقانىمدا،
كۇنىم بولىپ كورىندىڭ اسپانىمدا.
ءبىلىم بولىپ ەگىلدىڭ جاس جانىما،
گۇلىڭ بولىپ توگىلدىڭ اسقارىما.
ءبىز دەگەندە ۇمىتىپ بالا قامىن،
قاس قاعىمعا قاسىڭنان تاستادىڭ با؟
باستاۋىش اپايلارىم جاس جادىمدا!

گەوگرافيا

سىزبەنەن ءبىز بار الەمدى قيالمەنەن شارلايمىز،
تەست ورىنداپ، زەرتتەۋ جاساپ، ساباقتاردان قالمايمىز.
ءسىز كىرگەندە ءداۋ كارتانى قولعا الىپ ەسىكتەن،
گەوگرافيا، الما اپاي كەلدى دەپ ءبىز جاينايمىز.

اعىلشىن ءتىلى

ءۇش ءتىل بىلگەن وراسان زور تالابى،
ءارقاشاندا اشىق — جارقىن قاباعى.
باقىت اپايدىڭ ءاربىر بەرگەن ساباعى،
ماڭگى، ماڭگى، ماڭگى ەسىمدە قالادى.
كۇندەلىكتەن ساباق كەستەسىن قارايمىن،
اعىلشىن كورسەم، نەشىنشى دەپ سانايمىن.
ءتىل ۇيرەتەر گۇلنار دەيتىن اپايدى،
كورەيىن دەپ مەكتەپتى تەز قالايمىن!

«Good morning، teacher» دەپ باستايمىز ونىڭ ءاربىر ساباعىن،
باقىلايمىز كەيدە ءبىراز ءتۇيىپ كەلگەن قاباعىن.
نۇرزيلا اپاي سىزگە دە العىس ايتىپ ءارقاشان،
تۇسكى اۋىسىم اراسىنان ءوزىڭىزدى تابامىن!

حيميا

بار عۇمىرىن حيمياعا ارناعان،
ول بىلمەيتىن ەشبىر ەلەمەنت قالماعان.
گۇلميرا اپاي سىزگە دە ۇلكەن العىس،
حيميانى ويعا توقىپ، ۇيرەتۋدەن تالماعان!

بيولوگيا

گەن، رنك، دنك دەپ ءتىل قاتقان،
دۇنيە دەگەن تۇرادى ەكەن شەشىلمەگەن جۇمباقتان.
— سەن اكەڭە ۇقساعانسىڭ، بالام – اۋ، — دەپ بىزدەرگە
ءىرىسبۇبى اپايىمىز بيولوگيادان ءۇن قاتقان!

حيميا

بايان اپاي – مەكتەپتە ورنى بولەك،
سۇيەدى شاكىرتتەرىڭىز ءسىزدى ەرەك.
تامىرى تەرەڭگە تارتقان ءنارلى اعاشتاي،
ءارقاشان امان بولىپ ءجۇرسىن دەر ەك.

فيزيكا

دۇنيەمەن تانىسۋعا بەرگەن تالاي كومەگىن،
فيزيكانى ەڭ ماڭىزدى ءپاننىڭ ءبىرى دەر ەدىم.
ونى ۇيرەتكەن ەلميرا مەن قۇرالايداي اپايلار،
سىزدەر باردا فيزيكامەن سۋسىنداپ مەن كەلەمىن.

ماتەماتيكا

قوسىپ، الىپ، ءبولىپ تاعى كوبەيتكەن،
شارشى اۋدانىن تاۋىپ، ساندى تەڭەيتكەن.
گۇلبارشىن اپاي، اسيا اپاي مىڭ العىس،
ەسەپتەۋدى بىزگە تالماي ۇيرەتكەن!

ورىس ءتىلى

جاس ۇرپاققا جالىندى
ءسوز مارجانىن دارىتقان.
الدىنداعى بالامەن،
ءتىل ارقىلى تابىسقان.
ورىس ءتىلىن مەڭگەرگەن
ۇيرەتۋدى ءجون كورگەن
بالقياداي، گۇلنارداي،
سالتانات پەن عانيداي
ۇستازدارىمىز ءارقاشان،
ۇرپاققا جاڭا ءون بەرگەن!

قازاق ءتىلى

قازاق ءتىلىم، ءوز ءتىلىم، انا ءتىلىم،
مۇحتار، اباي سويلەگەن دانا ءتىلىم.
وسى ءتىلدىڭ ۇقتىرعان تەرەڭ سىرىن،
شايزات اپاي، گۇلسارا اپاي، ماقسات اعاي،
ءارقاشان دا بىزدەرگە بەرگەن ءبىلىم.

سىنىپ جەتەكشى

ۇستازىم ەكىنشى انام ايالاعان،
بىزدەردەن بار ءبىلىمىن اياماعان.
جەتەكشى اپاي سىزگە ەرەكشە كوپ العىس،
تاڭەرتەڭ كۇندە قۇشاق جايار الدان.

ءار ادامعا قۇرمەتپەنەن قاراعان،
ءوز بويىنان مول ىزگىلىك تاراعان.
تالاپ پەنەن ءتارتىپتى تەك تۋ ەتىپ،
گۇلسىناي اپاي سىزدەي قايدا بار ادام؟!

2. دومبىرامەن ارناۋ ايتىلادى.

نەگىزگى ءبولىم:

3. جۇرگىزۋشىلەر ساحناعا شىعادى:

1-جۇرگىزۋشى:
ارمىسىزدار بۇل كەشتىڭ قوناقتارى،
حالقىمنىڭ ءارقاشان دا قوناق – باعى!

2-جۇرگىزۋشى:
ارمىسىزدار، ۇستازدار، اسىل جاندار،
شۋاق بولىپ كوڭىلگە شاشىلعاندار!
ءبىلىم بەرىپ بىزدەرگە تالماي، تىنباي،
عىلىم، ءىلىم، وقۋعا شاقىرعاندار!

3-جۇرگىزۋشى:
دانىشپان دا، دانا دا وقىپ سەنەن،
اتاق — داڭقىن اسىردى بار الەمنەن.
“ۇستاز” دەگەن اياۋلى، اسىل جاندى،
جاقسى كورەم، ارنايمىن جاقسى ولەڭ!

1-جۇرگىزۋشى:
ەگەر وتكەن كۇنگە ءبىراز شەگىنەر بولساق، وسىدان ون ءبىر جىل بۇرىن ءبىز قولىنا الىپپە ۇستاپ، مەكتەپ تابالدىرىعىن ەندى اتتاعان بۇلدىرشىندەر ەدىك. ال بۇگىن...

2-جۇرگىزۋشى:
ال بۇگىن ءبىز ەر جەتىپ، ۇياسىنان ۇشقالى تۇرعان بالا قىران ءتارىزدى كوككە سامعاۋعا دايىن تۇرمىز.

3-جۇرگىزۋشى:
«تارىداي بولىپ كىرەسىڭ، تاۋداي بولىپ شىعاسىڭ» دەگەن وسى ەكەن. بۇگىنگى تاڭدا ءبىز 11 — سىنىپتى اياقتاپ، مەكتەپپەن قوشتاسقالى تۇرعان جاس ۇرپاقپىز. سوندىقتان بۇگىن ءبىز 11 جىل بويى ۇزدىكسىز ءبىلىم بەرگەن ۇستازدارىمىزدى قۇرمەتتەپ، مەرەكەلىك كەشىمىزدى سول جاندارعا ارنايمىز!

ءۇش جۇرگىزۋشى بىرگە:
«مەرەكەلەرىڭىز قۇتتى بولسىن!»

4. حور «ۇستازىم»

ساحناعا 2 وقۋشى شىعادى:

1-وقۋشى:
ءيا، بۇل كۇنگە دە جەتۋ ءۇشىن ءبىراز تەر توككەنىمىز راس. «بولارىنان بولادىسى قىزىق» دەمەكشى، بۇل مەرەكەگە دايىندىعىمىز دا قىزىقتى ءوتتى ەمەس پە؟

2-وقۋشى:
دۇرىس ايتاسىڭ،........ دايىندىعىمىزدىڭ قالاي وتكەنى سىزدەرگە دە قىزىق شىعار، يا، قۇرمەتتى ۇستازدار. ەندەشە ەكرانعا نازار اۋدارايىق. (ەكراندا مۋلتفيلمنەن ءۇزىندى)

1-وقۋشى:
بىلەسىڭدەر مە، دوستار، ۇستاز دەگەن قانشا ماماندىقتىڭ يەسى ەكەنىن؟

2-وقۋشى:
ونى ساناۋ قيىن شىعار، ءبىراق ۇستاز، ەڭ الدىمەن، شاكىرتىنە باعىت بەرەتىن پەداگوگ، ونىڭ ويىن تىڭدايتىن پسيحولوگ، وقۋشىعا ساباق تۇسىندىرگەندە كەيدە اكتەر دە، ءانشى دە، ءتىپتى ءبيشى دە بولادى ەمەس پە؟

3-وقۋشى:
ءبيشى، ول دا مۇمكىن بە؟ نەگىزى، مەن ۇستازداردىڭ بيلەگەنىن كورمەپپىن، ۇستازدار كوزگە قاتال بولىپ كورىنەدى ەمەس پە؟

1-وقۋشى:
ەندەشە، كورمەسەڭ، بايقاپ كور. ءقازىر ساحناعا ءبىزدىڭ سىنىپتاس جولداستارىمىز «تۆيست» بيىمەن شىعادى. ال ۇستازدارىمىز وقۋشىلاردى قولداپ، بىرگە بيلەيدى.

2-وقۋشى:
ا — ا — ا، سوندا ۇستازدار ءوز زامانىندا بولعان مەكتەپتەگى ديسكوتەكانى ءبىر ەسىنە تۇسىرەدى دەسەڭشى.

3-وقۋشى:
ەندەشە، تاماشالايىق. «تۆيست» ءبيى.

5. بي. «تۆيست»

ساحناعا 3 — 4 وقۋشى شىعادى:

1-وقۋشى:
دوستار، مەن سەندەرگە ءبىر نارسە ايتايىن با؟

2-وقۋشى:
ءيا، ايتشى، نە ول؟

3-وقۋشى:
ءمۇعالىم دەمەكشى، بالالار، وسى اپايلار بىزدەن ءار جىلدىڭ سوڭىندا قورىتىندى ەمتيحان جۇمىستارىن الادى ەمەس پە؟! ماعان ءبىر وي كەلىپ تۇر. بۇگىن ءبىز — ءمۇعالىم، ال مۇعالىمدەر – وقۋشى بولسىن. وسى ءساتتى پايدالانىپ ءبىز دە ۇستازدارىمىزدان سىناق الايىق. ەندەشە ءار ۇستاز مىنا ساندىقشاعا سالىنعان بيلەتتەردەن الىپ، سول بيلەتتە جازىلعان سۇراقتارعا جاۋاپ بەرسىن.

ۇستازدارعا ارنالعان سۇراقتار:

1. ءسىزدىڭ ەڭ العاشقى ماحابباتىڭىز.

2. ساباققا كەشىگىپ كەلگەن كۇندەرىڭىز بولدى ما؟

3. تۇرىك سەريالدارىن ۇزبەي كورەسىز بە؟

4. اگەنتكە اپتاسىنا نەشە رەت كىرەسىز؟

5. ءسىزدىڭ ەڭ جاقىن دوسىڭىز بار ما؟

6. ءبىر ءان ورىنداپ بەرۋىڭىزدى سۇرايمىز.

7. «2» دەگەن باعانى الىپ كوردىڭىز بە؟ ەگەر بولسا، نە ءۇشىن؟

8. ساباقتا انەكدوت ايتقان كەزدەرىڭىز بولدى ما؟

9. 11 «ا» سىنىبىنا ايتاتىن تىلەگىڭىز.

10. باقىتتى بيلەت (سول بيلەتتە كەلەسى ورىندالاتىن ءاننىڭ اتى جازىلىپ تۇرادى).

11. ءان. «كوزىڭنىڭ ءمولدىرىن – اي» وقۋشىنىڭ ورىنداۋىندا.

ساحناعا وقۋشىلار جەكە-جەكە شىعىپ، ۇستاز تۋرالى ولەڭ جولدارىن وقيدى.

7. ءان «قازاقتىڭ قىزىمىن» البينا

ساحنالىق قويىلىم. «مەكتەپتەگى ءبىر كۇن»

قويىلىمعا قاتىساتىندار: ازيزا، يگىلىك، اياجان، ايدانا، ۇلتۋار، الماس

8. «وزبەك ءبيى» ورىندايتىن ءامىرالى ۇلتۋار

1-جۇرگىزۋشى:
ۇرپاقپەن ءومىر جولى جالعانادى،
كوڭىلدى كۇندەر تۋسىن الدان ءالى
ازيزانىڭ «لەزگينكا» دەيتىن ءبيى
ۇستازدارىم سىزدەرگە ارنالادى!

9. «لەزگينكا ءبيى»- ۋتەگەن ازيزا

2-جۇرگىزۋشى:
وسى مەن تۇسىنبەدىم، بۇگىن ءبىز وزبەكتىڭ ءبيىن بيلەدىك، تاۋ حالقىنىڭ ءبيىن بيلەدىك، ءتۆيستتى بيلەدىك، ءاي، سوندا قازاق ءبيىن نەگە بيلەمەيمىز؟ سوندا نە ءوز ۇلتىڭنىڭ ونەرى وزگەلەردەن كەم بولعانى ما؟ قازاق بولا تۇرا، قالاي ءبىز وسىلاي جاسايمىز؟

1-جۇرگىزۋشى:
قازاقتى جامانداما، قازاق بالا!
حالىق قوي قازاق دەگەن از — اق قانا!
ماڭگiلiك اي استىندا، جەر ۇستىندە
قازاقتىڭ جاناشىرى — قازاق قانا!

3-جۇرگىزۋشى:
قارسى الىڭىزدار! الدارىڭىزدا «قازاق ءبيى» ورىندايتىن سىنىبىمىزدىڭ ارۋ قىزدارى.

10. قازاق ءبيى

ساحنا سىرتىنان 1-جۇرگىزۋشى:
بالالىق، سەنەن ارتىق كۇنىم بار ما،
بالا كۇندە بويىمدا ءمىنىم بار ما؟
بارىنە جەتەم دەيمىن، الام دەيمىن،
جاس قيالدا توقتالىپ، تىنىم بار ما؟

11. ءان «بالالىق شاقتىڭ بەكەتى». وقۋشىنىڭ ورىنداۋىندا.

ءاننىڭ سوڭىنا قاراي وقۋشىلار ساحناعا شىعادى. ءان ورىندالىپ بىتكەن سوڭ مەكتەپ اكىمشىلىگىنە قۇتتىقتاۋ ءسوزىن بەرەدى.

قورىتىندى:

ساحناداعى ءار وقۋشى «ۇستاز» دەگەن سوزگە انىقتاما بەرەدى.

1-جۇرگىزۋشى:
وسىمەن، ءبىزدىڭ مەرەكەلىك كەشىمىز ءوز مارەسىنە جەتتى. دەن قويىپ تىڭداعاندارىڭىزعا مىڭ دا ءبىر راحمەت. كورىسكەنشە ەل امان، جۇرت تىنىش بولسىن. ۇستازدار، جۇمىستارىڭىز جەمىستى، شاكىرتتەرىڭىز العىر، عۇمىرلارىڭىز ۇزاق بولسىن.