InfoHub Logo

تانىمال پروديۋسەر بايان الاگوزوۆا «كەشYOU» توبىنىڭ بۇرىنعى مۇشەسى ءمولدىر اۋەلبەكوۆا تۋرالى كولەمدى مالىمدەمە جاساپ، انشىگە قاتىستى وكپە-رەنىشىن اشىق ايتتى.

بۇل تۋرالى Infohub.kz اقپارات اگەنتتىگى حابارلايدى.

كونسەرتكە قاتىسۋدان باس تارتۋ سەبەبى

پروديۋسەردىڭ سوزىنشە، ءمولدىر اۋەلبەكوۆا بۇعان دەيىن «كەشYOU» توبىنىڭ 20 جىلدىق كونسەرتىنە قاتىساتىنىن ايتىپ، وزىنە جىلى قارىم-قاتىناس بىلدىرگەن. «ءمولدىر كەلىپ، مايىسىپ كۇلىپ: “ۇستازىم، ارينە كەلەمىن. مەن سىزگە رازىمىن” دەپ ايتقان بولاتىن»، – دەدى بايان الاگوزوۆا.

«بايان ءبىزدى شەشىندىردى» دەگەن سوزدەرگە جاۋاپ

ءانشىنىڭ «بايان ءبىزدى شەشىندىردى» دەگەن مالىمدەمەسىنە قاتىستى پروديۋسەر رەنىشىن جاسىرمادى. «ول العاش كاستينگكە وتە قىسقا شورتىمەن، كىندىگى كورىنىپ تۇراتىن توپ كيىپ كەلگەن. كەيىن “مەن شىن مانىندە يبالى، يناباتتى ەدىم، بايان ءبىزدى شەشىندىردى” دەگەن سوزدەرىن ەستىگەندە قاتتى ۇيالدىم. بۇل جەردە ۇيات بولاتىن ەشتەڭە جوق ەدى»، – دەدى پروديۋسەر.

بايان الاگوزوۆا جەلى قولدانۋشىلارىنا ءمولدىردىڭ بۇرىنعى وبرازدارىن قاراپ شىعۋعا كەڭەس بەردى. «جاي عانا قىزداردان ءمولدىر العاش كەلگەن كەزدە نە كيىپ جۇرگەنىن سۇراڭىزدارشى. “سۋپەرستار” جوباسىندا دا قىسقا بەلدەمشەمەن ونەر كورسەتكەن. ال ءقازىر “مەن سول جوبا ارقىلى تانىلدىم” دەيدى. نەگىزى ونى تەلەديداردان ەكى-اق رەت كورسەتتى»، – دەدى ول.

«كەشYOU» – ءمولدىردىڭ ەڭ ۇلكەن مەكتەبى

پروديۋسەردىڭ ايتۋىنشا، ءمولدىر اۋەلبەكوۆانىڭ شىعارماشىلىق جولىنداعى ەڭ ۇلكەن مەكتەپ «كەشYOU» جوباسى بولعان. «ءمولدىر، سەن 22 جىلدان بەرى ءارتىس ەمەسسىڭ. سەن 22 جىلدان بەرى “كەشYOU”-دىڭ بۇرىنعى ءسوليسىسىڭ. ناعىز ارتىسكە ءتان ءبىلىم مەن قاسيەتتىڭ ءبارىن وسى توپتا ءجۇرىپ ۇيرەندىڭ»، – دەدى بايان الاگوزوۆا.

سونىمەن قاتار ول ءانشىنىڭ پوتەنسيالىن كورىپ، ارنايى «عاشىق جۇرەك» ءفيلمىن تۇسىرگەنىن دە ايتتى.

جەكە ومىردەگى قيىندىقتار مەن سىلتاۋلار

بايان الاگوزوۆا ءمولدىر اۋەلبەكوۆانىڭ توپتان كەتكەننەن كەيىن قايتا حابارلاسقانىن دا ەسكە الدى. «ءمولدىر كەتكەننەن كەيىن كەزدەسۋدى سۇرادى. كەزدەسكەن كەزدە كوزدەرى مۇڭعا تولىپ تۇردى. جەكە ومىرىندە دە، شىعارماشىلىعىندا دا ءبارى كەرى كەتىپ جاتقانىن ايتتى. كەيىن “مەنى جەكە ءانشى رەتىندە الىڭىز” دەپ ءوتىندى. ءبىراق مەن “سەنى جەكە ءانشى رەتىندە الا المايمىن” دەدىم»، – دەدى ول.

پروديۋسەردىڭ سوزىنشە، وسىدان كەيىن ءانشى دەنساۋلىعىنا بايلانىستى ءتۇرلى سىلتاۋ ايتقان. «سودان كەيىن وتىرىك قان قىسىمى كوتەرىلگەندەي كەيىپ تانىتتى. جەدەل جاردەم كەلگەن كەزدە ەشقانداي قان قىسىمى جوق ەكەنىن ايتتى. كەيىن اياعىمدى شىعارىپ الدىم دەدى. كونسەرتتەرگە شىقپاۋ ءۇشىن ءتۇرلى ارەكەت جاسادى. مەنىڭ كوزىمشە عانا اقساڭداپ جۇرەتىن»، – دەدى بايان الاگوزوۆا.

ۇستازىنا جاساعان قياناتى

سونداي-اق ول ءمولدىر اۋەلبەكوۆانى ۇستازى باعىم ماقساتقىزىنا قاتىستى دا سىنعا الدى. «ول بەس جىل بويى ۇيىندە تۇرعان، اسىن ىشكەن ۇستازى باعىم ماقسات قىزىنىڭ ارتىنا قانجار سۇقتى. باعىم ماقسات قىزى ءالى كۇنگە دەيىن سول اۋىرلىقپەن ءومىر ءسۇرىپ ءجۇر. جانى اۋىرعاندىقتان ءدارى قابىلدايدى»، – دەدى پروديۋسەر.

ازىرگە ءمولدىر اۋەلبەكوۆا بۇل مالىمدەمەگە قاتىستى پىكىر بىلدىرگەن جوق.