InfoHub Logo

ماڭعىستاۋ وبلىسى، ءتۇپقاراعان اۋدانى،
باۋتين اۋىلى، «اقبوتا» بالاباقشاسىنىڭ تاربيەشىسى
سيسەنبەكوۆا اليا وزگانبايەۆنا

ءبىلىم بەرۋ سالاسى: قاتىناس
وقۋ ءىس - ارەكەتى: ءتىل دامىتۋ
تاقىرىبى: «ءۇي جانۋارلارى»
ماقساتى: ءۇي جانۋارلارى جايىندا بىلىمدەرىن بەكىتۋ. جانۋارلاردى وزگەشەلىكتەرىنە بايلانىستى سالىستىرا ءبىلۋ.
دامىتۋشىلىعى: بالالاردىڭ سوزدىك قورىن مولايتۋ، ەستە ساقتاۋ جانە ويلاۋ قابىلەتتەرىن دامىتۋ.
تاربيەلىك: ءۇي جانۋارلارىن كۇتۋگە، قورعاۋعا، قامقورلىق جاساۋعا تاربيەلەۋ.
كورنەكىلىگى: ءۇي جانۋارلارىنىڭ سۋرەتتەرى.
ءادىس - ءتاسىلى: كورسەتۋ، ءتۇسىندىرۋ، سۇراق - جاۋاپ، سەرگىتۋ ءساتى، قورىتىندى.
شاتتىق شەڭبەرى: بالا، بالا، بالامىز
باقشامىزعا بارامىز.
كۇنى بويى قىزىققا
باتامىزدا قالامىز.
تاربيەشى: بالالار ءقازىر جىلدىڭ قاي مەزگىلى؟
بالالار: كوكتەم مەزگىلى.
تاربيەشى: كوكتەم مەزگىلى نەشە ايدان تۇرادى؟.
بالالار: 3 ايدان تۇرادى.
تاربيەشى: كوكتەم مەزگىلىنىڭ ايلارى قانداي؟
بالالار: ناۋرىز، ءساۋىر، مامىر.
تاربيەشى: سەندەردىڭ بۇگىنگى كۇندەرىڭە ساتتىلىك تىلەيمىن. بالالار بۇگىنگى وقۋ ءىس - ارەكەتى ءتىل دامىتۋ ساباعى.
تاقىرىبى: «ءۇي جانۋارلارى»
تاربيەشى: ءۇي جانۋارلارىنا قانداي جانۋارلار جاتادى؟
بالالار: ءۇي جانۋارلارىنا تۇيە، سيىر، قوي، ەشكى، يت، مىسىق، جىلقى جاتادى.
تاربيەشى: ءۇي جانۋارلارى قايدا جۇرەدى؟ ورماندا ما، ۇيدە مە؟
بالالار: - ءبىز ءۇي جانۋارلارىن ۇيدە باعامىز.
تاربيەشى: - ءۇي جانۋارلارىن سۋرەتتەر ارقىلى كورسەتەدى. مىناۋ قانداي ءۇي جانۋارى؟
بالالار: - سيىر
تاربيەشى: - ءتولى قالاي اتالادى؟
بالالار: - بۇزاۋ.
تاربيەشى: - مىناۋ قانداي جانۋار؟ ونىڭ ءتولى قالاي اتالادى؟
بالالار: - تۇيە، ءتولى بوتا.
تاربيەشى: - مىناۋ قانداي جانۋار؟ ونىڭ ءتولى قالاي اتالادى؟
بالالار: - جىلقى، ءتولى قۇلىن.
تاربيەشى: - مىناۋ قانداي جانۋار؟ ءتولى قالاي اتالادى؟
بالالار: - قوي، ءتولى قوزى.
تاربيەشى: - مىناۋ قانداي جانۋار؟ ونىڭ ءتولى قالاي اتالادى؟
بالالار: - ەشكى، ءتولى لاق.
تاربيەشى: - مىناۋ قانداي جانۋار؟ ونىڭ بالاسى قالاي اتالادى؟
بالالار: - مىسىق، بالاسى مارعاۋ.
تاربيەشى: - مىناۋ قانداي جانۋار؟ ونىڭ بالاسى قالاي اتالادى؟
بالالار: - يت، بالاسى كۇشىك.
ءتاربيشى: - ولاردى نەگە ءۇي جانۋارلارى دەيمىز؟
سەبەبى، ادامدار قورادا جەم بەرىپ، ءشوپ بەرىپ، سۋ بەرىپ كۇتىپ باعادى. ەگەر قاراماي دالاعا جىبەرىپ قويسا، قاسقىرلار جەپ قويادى.
- ءۇي جانۋارلارىنىڭ قانداي پايداسى بار؟
بالالار: - ءسۇتىن ىشەمىز، ەتىن جەيمىز. جۇنىنەن كيىم تىگەدى.
3. جۇمباقتار شەشۋ.
- ەندى مەن سەندەرگە جۇمباقتار جاسىرامىن.
1. باسىندا ەكى تاياعى بار
ءتورت اياعى بار،
سەگىز تۇياعى بار
يەگىندە ساقالى بار. (ەشكى)

2. قامىس قۇلاق، توستاعان تۇياق،
مىنسەڭ - قانات، ءسۇتى – ءدارى، ەتى – تاماق. (جىلقى)

3. كەزىكتى ءبىر جانۋار
ۇستىندە ەكى تاۋى بار. (تۇيە)
4. كىشكەنە عانا بويى بار،
اينالدىرىپ كيگەن تونى بار. (قوي)

4. سەرگىتۋ ءساتى.
تاربيەشى: قانە، بالالار بويىمىزدى سەرگىتىپ الايىق.
- بالالار «تولدەر» جىرىن بىلەمىز بە؟ ولاي بولسا «تولدەر» جىرىن قيمىلمەن ورىندايىق.
5. ويىن: «داۋىسىنان تانى»
شارتى: ءۇنتاسپادان جانۋارلاردىڭ داۋسىن سالادى، بالالار قاي جانۋارلاردىڭ داۋسى ەكەنىن تابادى.
قورىتىندىلاۋ:
تاربيەشى: بۇگىن قانداي جانۋارلارمەن تانىستىق؟
بالالار: ءۇي جانۋارلارىمەن تانىستىق.
تاربيەشى: ءۇي جانۋارلارىنا قانداي جانۋارلار جاتادى ەكەن؟
بالالار: سيىر، تۇيە، قوي، ەشكى، جىلقى، يت، مىسىق.
تاربيەشى: جاقسى بالالار، ءارقاشان ءۇي جانۋارلارىنا قامقورلىق جاساپ ءجۇرۋىمىز كەرەك.
بالالار ساباققا وتە جاقسى قاتىستىڭدار. وقۋ ءىس - ارەكەتى اياقتالدى. كەلگەن قوناقتارىمىزعا ساۋ بولىڭىز ايتامىز.