InfoHub Logo

شىمكەنتتىڭ ورتالىعىندا 40 جاستاعى سپورتشى ۆاسيليي كولەسنيكوۆتى ۇرلاپ، بىرنەشە ساعاتتان كەيىن ءولتىرىپ كەتكەن وقيعا جۇرتشىلىقتى ءدۇر سىلكىندىردى. بۇل جاي عانا جول اپاتى ەمەس، ادۆوكات تالعات ەسىموۆتىڭ ايتۋىنشا، مۇقيات جوسپارلانعان شابۋىل بولۋى مۇمكىن.

بۇل تۋرالى Infohub.kz اقپارات اگەنتتىگى حابارلايدى.

الدىن الا جوسپارلانعان قاستاندىق

20 قاڭتار كۇنى شىمكەنتتە ەكى كولىك سوقتىعىسىپ، جۇرگىزۋشىلەر اراسىندا جانجال شىقتى. كەيىن تاعى ءبىر كولىك كەلىپ، ون شاقتى ادام توبەلەسكە ارالاستى. ولاردىڭ اراسىندا ۆاسيليي كولەسنيكوۆ تا بولدى. ادۆوكاتتىڭ ايتۋىنشا، بۇل قاستاندىق سپورتشىعا باعىتتالعان. ونى اڭدىپ، پىشاقپەن شابۋىل جاساعان.

— العاشىندا بۇل جول اپاتى دەپ ويلاعان ەدىك، ءبىراق كەيىن بۇل كولەسنيكوۆقا جاسالعان قاستاندىق ەكەنى انىقتالدى. شابۋىل شامامەن ون مينۋتقا سوزىلدى. ونى كولىككە كۇشتەپ وتىرعىزىپ، تۇركىستان وبلىسىنىڭ ورداباسى اۋدانىنا الىپ كەتتى، — دەدى ادۆوكات.

90-جىلدارداعىداي جاعداي

ەسىموۆ پوليسيانىڭ ارەكەتسىزدىگىنە نارازىلىق ءبىلدىرىپ، قالادا قىلمىسكەرلەردى توقتاتا الماعانىن ايتتى.

— شىمكەنتتە باقىلاۋ كامەرالارى ورناتىلعان، ءبىراق ولار قىلمىسكەرلەردى توقتاتا المادى. ەگەر پوليسيا دەر كەزىندە ارەكەت ەتىپ، نەگىزگى قيىلىستاردى جاپسا، سپورتشىنىڭ ءومىرىن ساقتاپ قالۋعا بولار ەدى، — دەدى ول.

ءقازىر تەرگەۋ جالعاسۋدا. پوليسيا قىلمىستىق ءىس قوزعادى. جەتى كۇدىكتى ۇستالدى، قالعاندارى ىزدەستىرىلۋدە.