f.azh.kz
VI عاسىرداعى جادىگەر: ماڭعىستاۋدان ءوڭىر تاريحىنا جاڭا كوزقاراس بەرەتىن ارتەفاكت تابىلدى
ماڭعىستاۋ وبلىسىنداعى قاراقاباق كونە قالاشىعىنان ارحەولوگتار بىرەگەي جادىگەر تاپتى. بۇل ارتەفاكت VI عاسىرعا جاتادى جانە وڭىردەگى ەجەلگى وركەنيەتتەردىڭ قۇپياسىن اشۋعا جول اشادى.
بۇل تۋرالى Infohub.kz اقپارات اگەنتتىگى حابارلايدى.
قۇندى تاريحي ەكسپونات
قازاقستاندىق ارحەولوگتار ماڭعىستاۋ وبلىسىنداعى قاراقاباق كونە قالاشىعىنان بىرەگەي جادىگەر تاپتى. بۇل ارتەفاكت VI عاسىرعا جاتادى جانە وڭىردەگى ەجەلگى وركەنيەتتەردىڭ قۇپياسىن اشۋعا جول اشادى.
بەلگىلى قازاقستاندىق ارحەولوگ اندرەي استافيەۆ قۇندى تاريحي ەكسپونات – كونە قۇمىرا تۋرالى حابارلادى. مامانداردىڭ الدىن الا تالداۋى بويىنشا، بۇل قولدان جاسالعان ىدىس شامامەن ءبىر جارىم مىڭ جىل بۇرىن جەرگىلىكتى شەبەرلەرمەن دايىندالعان.
عالىمدار قۇمىرانى ەگجەي-تەگجەيلى زەرتتەۋ ەجەلگى قالا تۇرعىندارىنىڭ تۇرمىسىن، ءسالت-داستۇرىن جانە تەحنولوگيالىق دامۋ دەڭگەيىن كەڭىرەك تۇسىنۋگە مۇمكىندىك بەرەتىنىن اتاپ ءوتتى.
ءبارىن وزگەرتكەن قالا
تاۋشىق اۋىلى ماڭىندا ورنالاسقان قاراقاباق قالاشىعى باتىس قازاقستاننىڭ ەڭ ماڭىزدى جانە بىرەگەي ارحەولوگيالىق ەسكەرتكىشتەرىنىڭ ءبىرى بولىپ سانالادى. قالا ءبىزدىڭ زامانىمىزدىڭ I-VI عاسىرلارى ارالىعىندا بەلسەندى ءومىر سۇرگەن.
«قاراقاباقتىڭ اشىلۋى سول كەزدە تاريحشىلاردىڭ بۇل ءوڭىر تۋرالى تۇسىنىگىن تۇبەگەيلى وزگەرتتى. قازبا جۇمىستارى ەجەلگى ماڭعىشلاق تۇبەگىنىڭ تەك كوشپەلىلەر مەكەنى عانا ەمەس، سونىمەن قاتار مىقتى، دامىعان وتىرىقشى قالا مادەنيەتىنىڭ ورنى بولعانىن دالەلدەدى»، — دەيدى ماماندار.
قازىرگى ۋاقىتتا مادەني مۇرا نىسانىندا اۋقىمدى عىلىمي-زەرتتەۋ جۇمىستارى جۇرگىزىلۋدە. قازبا جۇمىستارىن ا. كەكيلباي ۇلى اتىنداعى ماڭعىستاۋ وبلىستىق تاريحي-ولكەتانۋ مۇراجايى جۇرگىزەدى. ارحەولوگتار بۇل قۇمىرانىڭ وسى ماۋسىمداعى ماڭىزدى جاڭالىقتاردىڭ تەك باستاماسى ەكەنىنە سەنىمدى.
-
بۇرىن "التىن حانىم" بايقاۋىنىڭ جەڭىمپازى اتانعان مەكتەپ ديرەكتورى اقمونشاق نۇرتازا جول اپاتىنا ۇشىراپ، اۋرۋحاناعا جەتكىزىلدى.
-
A unique pottery fragment from the 6th century، discovered at the ancient city of Karakabak in Mangystau، promises to shed new light on the region's historical development and ancient cultures.
