InfoHub Logo

باس اۋرۋى – ادامعا ءارتۇرلى دارەجەدەگى اۋىرسىنۋ اكەلەتىن جانە كوپ قولايسىزدىق تۋدىراتىن سىرقات. وعان سەبەپ كوپ: پسيحيكالىق جانە ەموسيالىق شارشاۋ، باس ميى تامىرلارىنىڭ سكلەروزى، باس ساقيناسى، ميدىڭ ورگانيكالىق اۋرۋلارى (ىسىك، ينسۋلت جانە ت.ب.) جانە باسقالار.

باس اۋىرعاندا اۋىرسىنۋدى جوياتىن دارىلەر ءىشۋ مىندەتتى ەمەس. حالىق ەمىنىڭ باس اۋىرعاندا كومەكتەسەتىن كوپتەگەن ادىستەرى بار، ءبىراق الدىمەن دارىگەرگە بارىپ، اۋرۋ سەبەبىن ءدال انىقتاپ العانىڭىز دۇرىس. دارىگەر رۇقسات ەتكەن جاعدايدا تومەندەگى كەڭەستەردى پايدالانۋىڭىزعا بولادى.

شارشاۋدان تۋىنداعان باس اۋرۋى كەزىندە جىلى بۇلاۋ، مەليسسا نەمەسە تۇيمەداقتان دايىندالعان شاي كومەكتەسەدى. كەي جاعدايلاردا ۆالەريانا ءىشۋ نەمەسە تەڭىز تۇزى، شوپتەر قوسىلعان بۇلاۋ جاساۋ پايدالى.

جەلكە تۇسىنا نەمەسە جاۋىرىندار ورتاسىنا، سونداي-اق بالتىردىڭ ارتقى جاعىنا ۇگىتكىشتەن وتكىزىلگەن شومىر مەن جەلكەك باسۋعا بولادى. ۇگىتكىشتەن جاڭا وتكىزىلگەن جەلكەك شىرىنىن سامايعا جاعادى (1-2 مينۋتقا) جانە ءبىر ءتىلىم قارا ناندى ازداعان جەلكەكپەن جەيدى.

كەيدە باس اۋىرعاندا جانە ۇيقى قاشقاندا اتباس بۇرشاق قوسىپ قايناتىلعان سارىمساققا وسىمدىك مايىن ارالاستىرىپ سامايعا جاعادى. بۇنى ۇيىقتار الدىندا جاسايدى.

بۇلاۋلار مەن بۋ بۋلاۋلارى. باس اۋىرعاندا قول مەن اياققا ىستىق بۇلاۋ جاسايدى. سونداي-اق بۋمەن بۇلاۋ دا جاقسى اسەر ەتەدى. قايناتىلعان سۋ مەن الما سىركەسۋىنىڭ بۋىن 75-100 رەت جۇتادى. ناتيجەسىندە اۋىرسىنۋ جويىلۋعا نەمەسە ازايۋعا ءتيىس.

قايناتپالار، تۇندىرمالار

• ءبىر اس قاسىق شايقۋرايعا ءبىر قۇتى ىستىق سۋ قۇيادى، 15 مينۋت قايناتىپ، ءسۇزىپ الادى. قۇتىنىڭ تورتتەن ءبىر بولىگىن كۇنىنە ءۇش رەت ىشەدى.

• ۇنتاقتالعان اندىز تامىرىنا ءبىر قۇتى سالقىن سۋ قۇيىپ، 10 ساعات تۇندىرادى، ءسۇزىپ الادى. استان جارتى ساعات بۇرىن كۇنىنە ءتورت رەت قۇتىنىڭ تورتتەن ءبىر بولىگىن ىشەدى.

• كيىكشوپ پەن شايقۋرايدى 2:1 مولشەردە ارالاستىرىپ، ونىڭ 20 گرامىنا 1 قۇتى ىستىق سۋ قۇيادى، ءبىر ساعات تۇندىرىپ، ليمون قابىعىن نەمەسە دارشىن قوسادى. ىستىق كۇيىندە استان جارتى ساعات بۇرىن جارتى قۇتىدان كۇنىنە 2-3 رەت ىشەدى.

• ءبىر گرامم دارشىنعا 20 ميلليليتر ىستىق سۋ قۇيادى، ءبىراق جاڭا قايناعان ەمەس. جارتى ساعات تۇندىرىپ، ءار ساعات سايىن ەكى جۇتىمنان ىشەدى. تۇندىرمانى ماڭداي مەن سامايلارعا باسۋعا بولادى.

• جالبىز، ءساسىقشوپ، مىڭجاپىراقتى تەڭ مولشەردە ارالاستىرىپ، ونىڭ 10 گرامىنا سۋىق سۋ قۇيىپ، 10 مينۋت قايناتقان سوڭ ءبىر ساعات تۇندىرادى. تاماقتان جارتى ساعات بۇرىن ىستىق كۇيىندە جارتى قۇتىدان ىشەدى.

---