InfoHub Logo

ءححى عاسىر كوشباسشىسى
ماقساتى: وقۋشىلاردىڭ ءبىلىم قابىلەتتەرىن تەكسەرۋ، باستاۋىش سىنىپ وقۋشىلارى اراسىنان ءححى عاسىر كوشباسشىسىن انىقتاۋ.
كورنەكىلىگى: ينتەراكتيۆتى تاقتا

بارىسى: 1. ۇيىمداستىرۋ كەزەڭى.
جۇرگىزۋشى: ۋا، حالايىق، حالايىق!
بارىنە جار سالايىق،
بۇگىنگى كەش تورىندە،
بىلىمدىلەر ەلىندە،
ەسەپ شەشىپ جارىسىپ،
جۇمباق شەشىپ اندىسىپ،
شابىت تاسىپ، شالقىسىپ،
كوڭىلدى كەش جاسايىق،
جۇمباق شەرۋ شاشايىق
مۇندا قىزىق تابىلار،
جۇمباق، ەسەپ ءبارى بار
ال، سايىسكەر بالالار،
بىلىمدەرىڭدى سىنايىق
ءححى عاسىر
كوشباسشىسىن تابايىق.

جۇرگىزۋشى: قۇرمەتتى ۇستازدار، وقۋشىلار سىزدەردى 4 سىنىپتار اراسىندا وتەتىن
«ءححى عاسىر كوشباسشىسى» اتتى سايىس ساعاتىن كورۋگە شاقىرامىز.
(ءادىلقازىلار القاسىن سايلاۋ)
بىرەۋىنىڭ جۇرەگىنىڭ تۇگى بار،
بىرەۋىنىڭ ارقالاپ جۇرگەن قوعامدىق جۇگى بار،
بارىنەن دە باستىسى – بارلىعىنىڭ
قاتتى ىستەيتىن ميى بار! – دەي كەلە، ەندى وسى سايىسكەرلەرىمىزدى تانىستىرىپ وتەيىن.

سايىسكەرلەرگە تىلەك:
عىلىمنىڭ سىرىن ۇعىنا،
شىعىڭدار ءبىلىم شىڭىنا!
ۇقىپتىلىق پەن زەرەكتىك،
جەتكىزەر سىزدەي ورەندى
عىلىمداردىڭ سىرىنا!
قادامدارىڭ وڭ بولسىن،
ءسات - ساپار ەندى تىلەيىك!

ويىنىمىز V تۋردان تۇرادى، ءاربىر دۇرىس جاۋاپ ءۇشىن قاتىسۋشىلارعا 5 ۇپايدان بەرىلەدى. ءىى تۋردان كەيىن ۇپايى تومەن وقۋشىلار شىعىپ وتىرادى
(ەڭ سوڭىندا ءبىر وقۋشى، ياعني كوشباسشى قالۋ كەرەك )
I تۋر. «بايگە»
II تۋر. «سوزدەن ءسوز شىعار»
III تۋر. «تاپقىر بولساڭ تاۋىپ كور»
IV تۋر. «پوليگلوت»
V تۋر. «جەڭىمپاز»

سايىسكەرلەر دايىن بولسا، سايىسىمىزدى باستايىق.
ءى تۋر. «بايگە» سۇراق – جاۋاپ.
اقىندار مەن جازۋشىلار: 20 - «ادام بولام دەسەڭىز» ولەڭىنىڭ اۆتورى؟ اباي.
30 – بالالارعا ارناپ تۇڭعىش قازاق الىپپەسىن جازعان كىم؟ ا. بايتۇرسىن ۇلى
40 – قازاق دالاسىنداعى « ساۋلەلى جۇلدىز» اتانعان كورنەكتى اقىن؟ ىبىراي
ءان مەن ءانشى:
20 – قازاقستان رەسپۋبليكاسىنىڭ گيمنىڭ ءانىڭ جازعان كىم؟ ش. قالداياقوۆ
30 –«ەلىمنىڭ جۇرەگى» دەگەن التىناي جورابايەۆانىڭ ءانى قاي قالاعا ارنالعان؟ استانا قالاسىنا.
40 – ءبىر ءان ايتۋ.
ماقال – ماتەلدەر: 20 – ءبىلىم تۋرالى
30 – ەڭبەك تۋرالى
40 – وتان تۋرالى
جالپى سۇراق: 20 - قازاقتىڭ تۇڭعىش عارىشكەرى؟ ت. اۋباكىروۆ.
30 – 120: 4 جاۋابى: 30
40 - جىلقىدا نە جوق؟ ءوت جوق.

ءىى تۋر «سوزدەن ءسوز شىعار» «قازاقستان» سوزىنەن سوزدەر قۇراستىرۋ.

ءىىى تۋر «تاپقىر بولساڭ تاۋىپ كور»
ماقالداردى جالعاستىرۋ. 1. ونەر الدى قىزىل ءتىل.
2. ادەپتى بالا ارلى بالا،
ادەپسىز بالا سورلى بالا.
3. كوز قورقاق،
قول باتىر.
4. كىتاپتى ءسۇيىپ وقى،
كوڭىلگە ءتۇيىپ وقى.
5. ەگىنشى جەرگە قارايدى
قۇس كوككە قارايدى.
6. اقىل جاستان شىعار،
اسىل تاستان شىعار.
7. ءبىلىم ينەمەن
قۇدىق قازعانداي.
8. وتان وتتان دا ىستىق.