ءححى عاسىردىڭ ءمۇعالىمى قانداي بولۋ كەرەك؟
ءمۇعالىم - مەكتەپتىڭ جۇرەگى. ءار ادام بالاسىن بىلىمگە شاقىرىپ، تاربيەلەپ وسىرگەن مۇعالىمدەردىڭ ەڭبەگى ەشقاشان ولمەيدى. الايدا زامان دامىعان سايىن تەك شاكىرتتىڭ قابىلەتىنە قاراي تالاپ قويمايدى، ەندىگى جەردە مۇعالىمدەردىڭ دە ادىستەمەلىك الەمىن وزگەرتپەك. ول قالاي؟
ءححى عاسىر ءبىلىم مەن عىلىمنىڭ عاسىرى، سوندىقتان ادام بالاسى ءبىر سالانىڭ عانا مامانى بولىپ قالماۋ كەرەك. ياعني ءسىز امبەباپ بولۋىڭىز كەرەك. بۇل تالاپ مۇعالىمدەر قاۋىمىنا دا قاتىستى، دەپ جازادى massaget.kz.
سونىمەن ءححى عاسىردىڭ ءمۇعالىمى قانداي بولۋ كەرەك؟
1. تاۋەكەلشىل
جاڭا عاسىردىڭ ءمۇعالىمى كەز كەلگەن اۋىرتپالىقتى وزىنە قابىلداي وتىرىپ، تاۋەكەلگە بارۋعا دايىن بولۋ كەرەك. ونىڭ بويىنداعى وسىناۋ قاسيەتى وزگەلەرگە ۇلگى بولادى. ءمۇعالىم ۇعىمىنىڭ ءوزى وزگەگە ۇلگى بولۋعا ۇيرەتەدى.
2. پسيحولوگ
ءمۇعالىم تەك ءبىلىم بەرىپ قانا قويماي، الدىندا وتىرعان ءار شاكىرتتىڭ پسيحولوگياسىن زەرتتەۋ كەرەك. توپتان بولەك، ءار شاكىرتپەن جەكە-جەكە جۇمىس جاساۋ باستى تالاپ. ويتكەنى اركىمنىڭ قابىلەتى ءارتۇرلى. ال توپتىق جۇمىس كەزىندە ءبىرىن كەم، ءبىرىن ارتىق كورمەگەنى ابزال.
3. بىلىكتى پەداگوگ
پەداگوگ ءسوزىنىڭ ءوزى تاربيە مەن ۇستاز ۇعىمىنا ەتەنە جاقىن. ءبىراق ءمۇعالىمنىڭ ءوزى بىلىكتى ءارى ساۋاتتى پەداگوگ بولعانى دۇرىس. شاكىرتكە ءتۇرلى ادىستەر ارقىلى تاربيە بەرۋ، ءبىلىم سۋىمەن سۋسىنداتۋ ەڭ ماڭىزدى دۇنيە.
4. كوشباسشى
بۇگىنگى تاڭدا مۇعالىمدەرگە تەك قانا ساباق بەرىپ، لەكسيا وقۋمەن شەكتەلۋى شاكىرتتى قاناعاتتاندىرا المايدى. ءمۇعالىم ءوزىنىڭ ۇيىمداستىرۋشىلىق قابىلەتىمەن قوسا سول ورتادا كوشباسشى بولا ءبىلۋ كەرەك. قوعامدى سوڭىنان ەرتۋگە قاۋقارلى، ىسىنە بەرىك ءارى تياناقتى بولعانى ءجون. كوشتىڭ باسىن باستاۋ ارينە قيىن، دەگەنمەن بۇل جاڭا دامىعان ءداۋىردىڭ تالابى.
5. زاماناۋي تەحنولوگيانى يگرەۋ
كلاسسيكالىق كىتاپتىڭ، قالام مەن قاعازدىڭ داۋرەنى ءوتىپ بارا جاتقانى شىندىق. دەگەنمەن كىتاپتىڭ قۇندىلىعىن ايتا وتىرىپ، وعان شاكىرتتى قىزىقتىرۋ ءۇشىن بۇگىنگى ءمۇعالىمنىڭ باستى ماقساتى زاماناۋي ينفراقۇرىلىمداردى، تەحنيكانى مەڭگەرۋ كەرەك. سونىڭ ىشىندە كومپيۋتەردىڭ ىشكى جۇيەسىن، وفيستىك باعدارلامالاردى، ەلەكتروندى تاقتالاردى يگەرۋ ارقىلى جاڭا زامانعا بەيىم جاستاردىڭ كوڭىلىن الداندىرا دا، ساباقتى قىزىقتى وتكىزە دە الادى.
6. رۋحاني باي بولۋ كەرەك
قاي ەلدىڭ بولماسىن ءمۇعالىم دارەجەسىن كوتەرىپ جۇرگەن جان رۋحاني قۇندىلىققا باي بولۋ كەرەك. ول سول ەلدىڭ ۇلتتىق بولمىسى مەن تابيعاتىن بالا بويىنا تەرەڭ سىڭىرۋگە، وتانسۇيگىشتىككە تاربيەلەۋگە تاپتىرماس قۇرال. ۇستازدىڭ جان دۇنيەسى رۋحاني تالىمگە تولى بولسا، شاكىرتتىڭ دە ودان الار ءىلىمى دالاعا كەتپەك ەمەس.
7. امبەباپ ءمۇعالىم
ءححى عاسىردىڭ كەز كەلگەن ادام بالاسىنا قويار تالابى وسى. دەگەنمەن ءاربىر ادامعا قالام ۇستاتىپ، ءارىپ ۇيرەتۋشى ءمۇعالىمنىڭ امبەباپ بولۋى الدەقايدا ماڭىزدىراق. ءمۇعالىمنىڭ امبەباپتىعى جان-جاقتى ءبىلىمدى، بىلىكتى، تارتىسقا تۇسسە تارپاڭداپ شىعىپ، دوداعا تۇسسە بايگەنى بەرمەس، شاكىرتكە ءتۇرلى ادىستەمەلىك قۇرالدار ارقىلى جاعداي جاساسا وندا ول ءبىر عانا ءمۇعالىمنىڭ ەمەس، ءبىر مەكتەپتىڭ، ءبىر ەلدىڭ ابىرويى بولار ەدى.
8. ينتەلليگەنت
ءمۇعالىمنىڭ تاعى ءبىر قىرى ءوزىن ۇستاۋى، كيىم كيىسى، ءجۇزىنىڭ جارقىن بەينەسىنە دەيىن كورىنىپ تۇرۋى كەرەك. ءاربىر سوزگە ساۋاتتى، ءاربىر ىسىنە جاۋاپتى مادەنيەتتى، ينتەلەگەنتتى تۇلعا بولۋى كەرەك. ويتكەنى ءقازىر قوعامدا جاستار ءار ارەكەتتەن ۇلگى الۋعا اسىعادى. ال كوزىن اشقان كۇننەن باستاپ، ۇلكەن ومىرگە قادام باسقانعا دەيىنگى ۇلگى تۇتارى - ءمۇعالىم. ەندەشە ونىڭ ينتەللەكتۋالدى قابىلەتى اسا ماڭىزدى.
ساننان ساپاعا ساپار شەگۋ جولىنداعى ءمۇعالىمنىڭ جاڭا عاسىرعا بەرەر جاۋابى دايىن بولۋ كەرەك. ويتكەنى تالابى كۇشتى قوعامنىڭ اعىسى قاتتى. ال سول اعىسقا قارسى شاكىرتتى دايىنداۋ تاعى دا ءمۇعالىمنىڭ ەڭبەگى.
قاي عاسىر بولماسىن، ءمۇعالىمنىڭ ورنى تاقتان بيىك!
You Might Also Like
-
ەڭ العاش سىرىڭكە 1833 جىلدىڭ 10 ساۋىرىندە ويلاپ تابىلعان. سول كەزدە سىرىڭكەنىڭ باسىنىڭ ماسساسىنا سارى فوسفور ەنگىزىلدى. ءدال وسى كۇن العاشقى سىرىڭكەنىڭ تۋىلعان كۇنى بولىپ ەسەپتەلەدى.
-
مەن 1921 جىلى سەمەي ۋەزىندە تەرگەۋشى بولىپ قىزمەت ەتتىم. كۇز ۋاقىتى ەدى. وزىمە قاراعان اۋدانداعى ەلدەردى ارالاپ ءجۇرىپ، قىزىل ادىرعا كەلسەم، اۋدان ءبيى ق. جولداس سەسسيا قۇرىپ جاتىر ەكەن. حالىق ەسەپسى...
