InfoHub Logo

تاقىرىبى: يمپەريالىق وداقتان - تاۋەلسىز مەملەكەتتىك دوستاستىعىنا
(تمد قۇرۋ دەكلاراسياسى 21. 12. 1991ج)
ماقساتى: قازاقستان رەسپۋبليكاسىنىڭ مەملەكەتتىك تاۋەلسىزدىگىنىڭ جاريالانۋى، ەل ازاتتىعىنىڭ تاريحي جانە حالىقارالىق ماڭىزى، تاۋەلسىز مەملەكەتتەر دوستاستىعىنىڭ قۇرىلۋى تۋرالى قولدا بار قۇجاتتاردى، تاريحي زەرتتەۋلەردى پايدالانا وتىرىپ، تەرەڭىرەك تۇسىنىك بەرۋ.
مىندەتتەرى:
بىلىمدىلىك: قازاقستاننىڭ تاۋەلسىزدىك جاريالانۋى الدىنداعى ساياسي جاعدايىن ەسكە ءتۇسىرۋ، حح عع. مەملەكەتتىك قايراتكەرلەردى تانۋ، قازاق ەلىنىڭ تاۋەلسىزدىك جولىنداعى باستى وقيعالارىن ءبىلۋ جانە تاريحي تۇجىرىم، قورىتىندى جاساي ءبىلۋ.
دامىتۋشىلىق: بالالاردىڭ بويىندا پاتريوتتىق سەزىمنىڭ قالىپتاسۋىنا ىقپال جاساۋ.
تاربيەلىك: تاريح تاعىلىمىنان ساباق الىپ، ءوز بولاشاعىنا باتىل قادام
جاسايتىن، حالقىمىزدىڭ ءبىرتۋار پەرزەنتتەرىنە قۇرمەتپەن قارايتىن، ەلىن، تۋعان جەرىن سۇيەتىن، ەركىندىكتىڭ ءقادىرىن تۇسىنە بىلەتىن سانالى ۇرپاق تاربيەلەۋ.
ساباق ءتۇرى: ونلاين تاريحي - تانىمدىق تاربيە ساعاتى.
وقىتۋ ءادىسى: اڭگىمەلەۋ؛ پىكىر الماسۋ.
كورنەكىلىگى: ينتەراكتيۆتى تاقتا، سلايد، ۆيدەوروليك، فوستەر

ساباقتىڭ جوسپارى:
I. ۇيىمداستىرۋ كەزەڭى
1) پسيحولوگيالىق دايىندىق
2) تاقىرىپتى حابارلاۋ

II. كىرىسپە
1) اڭگىمەلەۋ
2) تەلەكوپىر «جامبىل قازاق - تۇرىك ەسەپ ەكونوميكالىق كوللەدجىنىڭ تاريح ءپانى ءمۇعالىمى»
3) تاپسىرما (تاريحي كارتوتەكا جاساۋ)
4) بەكىتۋ

III. پىكىرالماسۋ ونلاين
(چات، بلوگ ت. ب الەۋمەتتىك جەلىلەر ارقىلى پىكىر الماسۋ)
IV. فوستەر قورعاۋ
V. قورىتىندى
VI. رەفلەكسيا

ساباقتىڭ بارىسى: I. ۇيىمداستىرۋ كەزەڭى
1) پسيحولوگيالىق دايىندىق
ساباقتىڭ كىلت ءسوزى:
«تاۋەكەلi تۇراتىنداردىڭ عانا قولى جەتپەسە تاۋەلسiزدiك بولا ما؟
ازاپپەن، ارپالىسپەن كەلمەسە ازاتتىق بولا ما؟
وڭايلىقپەن كەلسە ونىڭ قادiرi بولا ما؟
قادiرi جوق نارسە قولدا ۇزاق تۇرا ما؟»
ن. ءا نازاربايەۆ.

2) تاقىرىپتى حابارلاۋ
قايىرلى كۇن، قۇرمەتتى بالالار! بۇگىنگى ساباعىمىزدىڭ تاقىرىبى «يمپەريالىق وداقتان - تاۋەلسىز مەملەكەتتىك دوستاستىعىنا» دەپ اتالادى.

II. كىرىسپە:
1) اڭگىمەلەۋ: بالالار بۇدان ءدال 25 جىل بۇرىن، قازاقستان تاۋەلسىز مەمەلەكەت رەتىندە ءوزىنىڭ تاۋەلسىزدىگىن جاريالادى. بالالار بەينەبايانعا نازار اۋدارايىق، (وتكەن تاريحقا توقتالۋ). سول جىلى 1991 جىلعى 21 جەلتوقساندا قازاقستاننىڭ استاناسى الماتىدا بۇرىنعى كەڭەستىك ون ءبىر رەسپۋبليكانىڭ باسشىلارى ماڭىزدى ستراتەگيالىق شەشىم قابىلدادى. تاۋەلسىز مەملەكەتتەر دوستاستىعى مۇشە مەملەكەتتەرىنىڭ اراسىندا الماتى دەكلاراسياسى ومىرگە كەلدى.
2) تەلەكوپىر «جامبىل قازاق - تۇرىك ەسەپ ەكونوميكالىق كوللەدجى»
بالالار ءقازىر بىزدە تىكەلەي ونلاين ەفيردە جامبىل قازاق تۇرىك ەسەپ ەكونوميكالىق كوللەدجى. سەندەرگە وسى اتالعان كولەدجدىڭ تاريح ءپانىنىڭ ءمۇعالىمى سادىقوۆا ءاليا اپاي تمد مەملەكەتتەرىنىڭ قۇرىلۋ تاريحىن تانىستىرىپ وتەدى. قايىرلى كۇن اليا اپاي! مەرەكە قۇتتى بولسىن!
قايىرلى كۇن، قۇرمەتتى تاربيەلەنۋشىلەر! سىزدەردى تاۋەلسىزدىكتىڭ 25 جىلدىق مەرەكەسىمەن قۇتتىقتايمىن!
(كەلەسى ۆيدەوروليككە نازار اۋدارايىق)
بۇل قۇجاتتى جاساۋ ءۇشىن سەبەپ بولعان وقيعالار سول كەزدەگى كسرو - داعى الەۋمەتتىك - ساياسي جانە ەكونوميكالىق ۇدەرىستەردىڭ كەلمەسكە كەتۋى بولدى. كەڭەس وداعىنىڭ رەسپۋبليكالارى اراسىنداعى 80 جىلداردىڭ سوڭىندا قالىپتاسقان جاپپاي جانە ودان ءارى ۇستاپ تۇرۋعا بولمايتىن ورتالىقتان سىرتقا تەپكەن ساياسي ۇدەرىستەر كوپتەن كۇتكەن «ەگەمەندىك شەرۋىنىڭ» باستالۋىنا جول سالدى، ول تۇتاستاي العاندا كسرو كەڭىستىگىندەگى كەلە جاتقان وزگەرىستەردەن ءجىتى حابار بەردى. وداقتى قۇتقارىپ قالۋدىڭ سوڭعى ارەكەتتەرىنىڭ ءبىرى رەتىندە ونى ەگەمەندى مەملەكەتتەردىڭ وداعى فورماسىندا ورتالىقسىزداندىرىلعان فەدەراسيا ەتىپ قۇرۋ ارقىلى تۇبەگەيلى رەفورمالاۋ ۇسىنىلدى. ول ءۇشىن ءوزىنىڭ ەگەمەندىگىن جاريالاپ ۇلگەرگەن رەسپۋبليكالار جاڭا وداقتىق شارتقا قول قويۋلارى قاجەت ەدى. 1991 جىلعى 20 تامىزدا جاڭا وداقتىق شارتقا بەلورۋسسيا، قازاقستان، رسفسر، تاجىكستان جانە وزبەكستان قول قويۋى، ال كۇزدە ولارعا باسقالارى دا قوسىلۋى ءتيىس ەدى،. الايدا 18 - 21 تامىز كۇندەرى بولعان توتەنشە جاعدايلار جونىندەگى مەملەكەتتىك كوميتەتتىڭ مۇشەلەرى كسرو پرەزيدەنتى ميحايل گورباچيەۆتى كۇشتەپ تايدىرۋدى جۇزەگە اسىرۋدىڭ ءساتسىز بولۋى بۇل جوسپاردى بۇزىپ جىبەردى.

تاراز قالاسى
ق. سارىمولدايەۆ اتىنداعى بالالار ءۇيىنىڭ تاربيەشىسى
پيرمانوۆا تۋرسىنكۋل جارىلكاسىنوۆنا

يمپەريالىق وداقتان - تاۋەلسىز مەملەكەتتىك دوستاستىعىنا. جۇكتەۋ