InfoHub Logo

تاقىرىبى: «ينفورماتيكا جانە ءبىز»
ماقساتى:
1. ينفورماتيكا پانىنە دەگەن قىزىعۋشىلىقتارىن، بىلىمگە دەگەن قۇشتارلىقتارىن ارتتىرۋ؛
2. وقۋشىلاردى ءوز بەتىمەن ىزدەنۋگە، ءبىلىمىن شىعارماشىلىق تۇرعىدان دامىتۋعا، ءوز بەتىمەن قورىتىندى جاساۋعا ۇيرەتۋ، ءسوز بايلىعىن، ويلاۋ قابىلەتىن دامىتۋ.
3. وقۋشىلاردىڭ ماقساتقا جەتۋ بارىسىندا جاۋاپكەرشىلىكتەرىن جەتىلدىرۋ، جەتىستىكتەرگە جەتۋىنە تاربيەلەۋ.
ءتۇرى: تانىمدىق ويىن
كورنەكىلىگى: ينتەراكتيۆتى تاقتا، تاپسىرما پاراقتارى
جۇرگىزۋشى:
ويىن تولقىن جاتقانداي اسىپ — تاسىپ،
بىرەۋ مىعىم، بىرەۋلەر شالىس باسىپ.
بۇل ويىننان وتەدى عۇلاما ويلار،
جەڭسەڭ دە، جەڭىلسەڭ دە قالما جاسىپ.

ويىنىڭ قۇرىلىمى:
1. «تانىسۋ» كەزەڭى
2. «قاس – قاعىم ءسات»
3. «عاجايىپ ۇشتىك»
4. «لوگيكا»
5. «شەبەر قولدار» ويىنى
6. «كىم بىلگىر» ويىنى
7. «قىزىقتى جۇمباقتار»
8. «ماقال – ماتەلدەر جالعاسىن تاپ»
9. قورىتىندى
جۇرگىزۋشى:
قايىرلى كەش ءقادىرلى قوناقتار، ۇستازدار، وقۋشىلار! بۇگىنگى «ينفورماتيكا جانە ءبىز» ساياحاتى اتتى كەشىمىزگە قوش كەلدىڭىزدەر. كەشىمىز ءۇش توپ بىلىمدەرىن كورسەتۋ ارقىلى وتەدى.
ۋا، جاراندار، جاراندار!
زەيىن قويىپ ءبىزدى ءبىراز تىڭداڭدار
عىلىمداردىڭ عىلىمى
ينفورماتيكا جايىندا
ويىنىمىزدى باستايمىز
1 - وقۋشى
ينفورماتيكا الەمى
قىزىعى مول ادەمى
كومپيۋتەردەي قۇرالدى
مەڭگەردىك ءبىز ەندى
3 - وقۋشى
بۇگىندە كومپيۋتەر بارلىق جەردە
قۇرىلىستى، تەحنيكادا، وندىرىستە
سىرلارىن بۇل عىلىمنىڭ ۇيرەنىڭدەر
جاستار، زەردەلىكپەن مەڭگەرىڭدەر

ءادىلقازىلار القاسى:
_________________________________
_________________________________
_________________________________

قازىلار ورنىقتىرار ادىلدىكتى،
كىمدەردىڭ جاۋاپتارى كادىك شىقتى.
ءبىلىم مەن تاپقىرلىقتىڭ جارىسىندا،
جەڭىسكە جەتەر دەيمىز ناعىز مىقتى، — دەي كەلە، سايىسقا قاتىسۋشى كوماندالارمەن تانىسايىق.
قاتىسۋشىلار:
9 سىنىپ -
10 سىنىپ -
11 سىنىپ -
1.«تانىسۋ» كەزەڭى
2. «قاس - قاعىم ءسات» كەزەڭى. بارلىق كوماندالارعا قويىلاتىن ينفورماتيكا پاندەرى بويىنشا سۇراقتار قويىلادى. ءار دۇرىس جاۋاپقا 1 بالل قويىلادى
ينفورماتيكا
1. اقپاراتتى بەينە بەتكە شىعارۋعا ارنالعان قۇرىلعى – بۇل … (مونيتور)
2. ءبىر كيلوبايت … تەڭ (1 024 بايتقا)
3. جادىنى ۇنەمدەۋ جانە قىسىلعان مالىمەتتەردى ءبىر عانا مۇراعاتتىق فايلدا ورنالاستىرۋ ماقساتىندا ءبىر نەمەسە بىرنەشە فايلدى نىعىزداۋ – ءبۇل (مۇراعاتتاۋ)
4. Word باعدارلاماسىنىڭ قۇجاتىنا دايىن سۋرەتتەر قانداي امىرلەر كومەگىمەن كىرىستىرىلەدى؟ (كىرىستىرۋ – سۋرەت – فايلدان – قاجەتتى سۋرەتتى ەكى رەت شەرتۋ)
5. Excel - دە فورمۋلا قانداي سيمۆولدان باستالادى؟ ( =)
6. تاپسىرمالار تاقتاسى دەگەنىمىز نە؟ (باستاۋ مەنيۋىنەن كەيىن ورنالاسقان جولاق.)
7. وج دەگەنىمىز نە جانە ونىڭ تۇرلەرى قانداي؟
(ادام مەن كومپيۋتەر اراسىنداعى بايلانىستى قامتاماسىز ەتەتىن جۇيەلىك پروگرامما. وج كومپيۋتەر جۇمىسىن باسقارادى. Ms Dos، Windows 95/98، Windows2000/XP، Windows NT، Windows UNIX)
8. باس مەنيۋ قالاي اشىلادى جانە قانداي كوماندالاردان تۇرادى؟
(باستاۋ كومانداسى ارقىلى جانە مىناداي كوماندالاردان تۇرادى: پروگراممالار، قۇجاتتار، انىقتاما بەرۋ، ورىنداۋ، كومپيۋتەردى قايتا جۇكتەۋ، كومپيۋتەردى ءوشىرۋ.)
9. ارحيۆتىك پروگرامما دەگەنىمىز نە جانە ونىڭ تۇرلەرى قانداي؟
(ۇلكەن كولەمدى فايلدى نەمەسە بۋمانى قىسۋ ارقىلى كولەمىن كىشىرەيتۋ. Win RAR، Win ZIP، ARL، PKZIP، PKUN ZIP)
10. Windows تەرەزەلەرىنىڭ تۇرلەرى قانداي؟
(سۇحبات تەرەزە، انىقتاما تەرەزە، ەسكەرتۋ تەرەزەسى، بۋما تەرەزەسى، قۇجات تەرەزە، سىلتەۋىش تەرەزە)
3. «عاجايىپ ۇشتىك» كەزەڭى.
بۇل كەزەڭدە ءار كوماندا ۇياشىقتاردى تاڭداپ سۇراقتارىنا جاۋاپ بەرەدى. بالل ۇياشىق سانىمەن باعالانادى.