InfoHub Logo

ساباقتىڭ تاقىرىبى: ينفورماتيكا، كەشە، بۇگىن، ەرتەڭ
ساباقتىڭ ماقساتى: سايىس وتكىزۋ ارقىلى وقۋشىلاردىڭ ينفورماتيكا پانىنە دەگەن قىزىعۋشىلىعىن ارتتىرۋ؛
انا ءتىلى مەن ورىس تىلىندە، شەت تىلىندە بىردەي سويلەۋ شەبەرلىگىن ارتتىرۋ، ينفورماتيكا عىلىمىنا بويلاتۋ؛
ءوز بىلىمدەرىن، قارسىلاسىن باعالاي بىلۋگە، ينفورماتيكا تاريحىن بىلۋگە تاربيەلەۋ؛
ساباقتىڭ ءتۇرى: سىنىپتان تىس جۇرگىزىلگەن سايىس ساباق
كورنەكىلىكتەر: ينتەراكتيۆتى تاقتا، سلايد، كومپيۋتەرلەر، تاراتپا ماتەريال.
قاتىسۋشىلار: 3 - 4 سىنىپ وقۋشىلارى.
ءادىلقازىلار مۇشەلەرى: باستاۋىش سىنىپ مۇعالىمدەرىنەن قۇرالعان مۇشە.
جۇرگىزۋشى: سالەم بەردىك، قۇرمەتتى ۇستازدار، ءادىل – قازىلار، وقۋشىلار! سىزدەرمەن بىرلەسە وتىرىپ «ينفورماتيكا كەشە، بۇگىن، ەرتەڭ» اتتى ويىنىمىزدى باستاۋعا رۇقسات ەتىڭىزدەر. ويىنعا 6 وقۋشى قاتىسادى.

جوسپار:
I. كومپيۋتەر قۇرىلعىسىن بىلەمىز بە
II. اداسقان ارىپتەر
III. فيزكۋلتمينۋتكا
IV. جۇمباق شەشۋ
V. قيىقتار جيناۋ
VI. سيقىرلى تىزبەك

ءمۇعالىم:
جان دوستارىم، مۇنى جاقسى ۇعايىق
ينفورماتيكا، قۇرمەتتەۋگە لايىق
تارتىسايىق سايىستا، كۇش جىگەرمەن
تارتىسايىق قيماس ءبىز، دوس كوڭىلمەن - دەپ 1 – كەزەڭ. «كومپيۋتەر قۇرىلعىلارىن بىلەمىز بە؟» (سۇراقتار قويىلادى)
1. كومپيۋتەردىڭ نەگىزگى قۇرىلعىلارىن اتا؟(جۇيەلىك بلوك، مونيتور، پەرنەتاقتا، تىشقان)
2. شىعارۋ قۇرىلعىلارىن اتاڭىز؟(پرينتەر - باسىپ شىعارعىش)
3. تىشقاننىڭ تۇرلەرى قانداي؟(ەكى باتىرمالى، ءۇش باتىرمالى)
4. كومپيۋتەردىڭ ميى دەپ نەنى ايتادى؟(جۇيەلىك بلوك)
5. العاشقى ەسەپتەۋ قۇرىلعىسى؟ (ساۋساقتار)
6. دىبىس شىعارۋ قۇرىلعىسى؟ (كولونكا)
7. Paint باعدارلاماسىن قالاي ىسكە قوسامىز؟ (پۋسك - ۆسە پروگراممى - ستاندارتنىە - paint)
8. دك نەشە بولىكتەن تۇرادى؟ (7 بولىكتەن)

ءمۇعالىم:
ەڭ قيىنىن جارىستىڭ
جەڭىپ الدا جارىسسىڭ - دەپ 2 – كەزەڭ. «اداسقان ارىپتەر»
مونيتور --------- تورنيمو
كومپيۋتەر -------- پيۋتەركوم
تىشقان ------------ قانتىش
كولونكا ---------- كاكولون
ينتەرنەت --------- تەنينتەر
سۋرەت --------- تەرۋس
بوياۋ -------- ۋياوب
ناۋشنيك --------- نيكناۋش

ءمۇعالىم:
مىناۋ ۇشقىر زاماندا،
جاڭالىق ەندى عالامعا.
كومپيۋتەر ءتىلىن مەڭگەرۋ،
قاجەتى تۋدى ادامعا - دەپ 3 - كەزەڭ. «فيز مينۋتكا»

سەندەر شارشاعان شىعارسىڭدار. ەندى ازداپ دەم الىپ، كىم تۇسىنىكتەردى ويىندا تىڭعىلىقتى ساقتاي الاتىنىن تەكسەرەيىك. بۇل ويىن «3، 13، 33» دەپ اتالادى. 3 دەگەندە قولدى سوزامىز، 13 دەسە قولدى ەكى جاققا، ال 33 دەسە قولدى جوعارى كوتەرۋىمىز كەرەك. مۇنى دۇرىس ورىنداماعان نەمەسە اۋىستىرىپ سوزعاندار ويىننان شىعادى.
ءمۇعالىم:
كوڭىلدى ويىن جاسايىق
جۇمباق شەرۋىن شاشايىق
مۇندا قىزىق تابىلار
قيىن جۇمباق ءبارى بار
بۇگىنگى كەشتە ءبىز باستايىق،
سايىستا كوڭىلمەن قول سوعايىق – دەپ 4 - كەزەڭ. «جۇمباق شەشۋ»

جانۋارعا ۇقساس اتىم بار،
باعدار كورسەتەر زاتىم بار.
كىلەمشە ۇستىندە تۇرامىن،
ەڭ قاجەتتى قۇرالمىن... (تىشقان)

جۇرتتى وزىنە قاراتقان
اقپاراتتى ساقتاپ، تاراتقان...(كومپيۋتەر)

مالىمەتتى سۇراعان،
ەكرانعا شىعارعان....(مونيتور)

ەگەر بىلسەڭ، ايتا قويشى
بۇل قانداي قۇرىلعى
اقپاراتتى قاعازداعى
كومپيۋتەرگە ەنگىزەدى....(سكانەر)

ءبىر سارايدا تۇرادى ەكەن،
بەس اتانىڭ بالالارى.
قىدىرماشى بىرەۋى،
ءبىر كۇن بار دا، ءبىر كۇن جوق.
سونى ەسەپكە الساق.
ۇزىن سانى ءجۇز جەتى...(پەرنەتاقتا)

بۇتاق ورنىندا مىڭ ءبىر ينەسى
كومپيۋتەر جانى مەكەنى...(كاكتۋس)
ءمۇعالىم:
ءادىل حالقىم بەرەرسىڭ ءادىل باعا
ونەرى مەن ورەنىن سالىستىرىپ - دەپ 5 - كەزەڭ: «قيىقتار جيناۋ»
الدارىنداعى قيىقتاردى جيناپ قۇراستىرۋ كەرەك جانە ونى بوياۋ كەرەك. تەز جىلدام ورىنداعان وقۋشىعا 5 ۇپاي بەرىلەدى.
ءمۇعالىم:
تەز جاۋاپ بەر ويلانىپ تۇرىپ قالما
مارەگە تاياپ قالدى بۇل جارىستا - دەپ 6 - كەزەڭ: «سيقىرلى تىزبەك»
اقپاراتتىڭ ولشەم بىرلىگىن ءوسۋ رەتىمەن ورنالاستىر.
بيت، بايت، كيلوبايت، مەگابايت، گيگابايت، تەرابايت؛

قورىتىندى: ءادىلقازىلار جەڭىمپاز بولعان وقۋشىلاردى I، II، III ورىنمەن ماراپاتتاۋ.
ءمۇعالىم:
كوڭىل ءبولىپ بۇل كەشكە،
كەلگەندەرگە كوپ راحمەت!
شىن سەزىنگەن كورەرمەندەرگە،
مىڭ راحمەت، مىڭ راحمەت!