يسلامعا قارسى كىتاپ جازامىن دەپ مۇسىلمان بولدى
گوللانديانىڭ ءبىر كەزدەرى اسىرە وڭشىل ازاتتىق پارتياسىنىڭ (PVV) دەپۋتاتى ءارى ەكىنشى ادامى يورام ۆان كلاۆەرەن (Joram van Klaveren) يسلامعا قارسى كىتاپ جازامىن دەپ، مۇسىلمان بولدى. گوللانديانىڭ باسپا ءسوز بەتتەرىندە جارىق كورگەن حابارلاردا گوللانديانىڭ بۇرىنعى ساياساتكەرى 39 جاستاعى يورام ۆان كلاۆەرەننىڭ يسلام دىنىنە قارسى كىتاپ جازۋ بارىسىندا يسلامدى زەرتتەپ ءجۇرىپ، دىنگە دەگەن كوزقاراسى تۇبەگەيلى وزگەرگەن. وسىلايشا ول ءتىلىن كاليماعا كەلتىرىپ مۇسىلمان بولدى. يسلامعا قارسى جاڭساق پىكىرلەرىن جوياتىن كىتاپ جازىپ شىعاردى.
گوللانديالىق ساياساتكەر يورام ۆان كلاۆەرەن مۇسىلماندىقتى قابىلداماس بۇرىن «يسلام دەگەن جالعان ءدىن، ال قۇران كارىم — ۋ» دەپ مالىمدەمە جاساعان بولاتىن، ءبىراق يسلام ءدىنىنىڭ اقيقات ءدىن ەكەنىنە كوپ ۇزاماي كوزى جەتكەن.
«كىتاپ جازۋ بارىسىندا مەنىڭ يسلامعا قارسى كوزقاراسىمنىڭ قاتە ەكەنىن دالەلدەيتىن كوپتەگەن دەرەكتەردى كوردىم. وسىدان بىرەر جىل بۇرىن يسلام ءدىنىن ءيتتىڭ ەتىنەن جەك كورەتىنمىن. ەگەر ءبىر ساتتە ءسىز ءوزىڭىزدىڭ بىرنەشە جىل بويى قاتەلەسىپ جۇرگەنىڭىزدى بىلسەڭىز قانداي كۇيدە بولاسىز؟ سالىڭىز سۋعا كەتپەيدى مە؟! مەنى دە تۇسىنىكسىز، جامان سەزىمدە بولدىم. ءبىراق يسلامعا قارسى بولسام دا ۇنەمى قۇدايدى ىزدەيتىنمىن، ىشتەگى مازاسىزدىقتى سەزىنەتىنمىن. ال يسلامدى قابىلداعان كەزدەن باستاپ تۇسىنىكسىز، مەن ءۇشىن بەيمالىم سەزىمنەن تۇبەگەيلى ارىلدىم. اراعا كوپ ۋاقىت سالىپ ءوز ۇيىنە ورالعان ادام سەكىلدىمىن»، دەيدى يورام ۆان كلاۆەرەن.
You Might Also Like
-
ادامداردىڭ اراسىندا كومەككە ەڭ مۇقتاج بولعاندار — تۋىلا سالىپ جالعىز جانە مۇقتاج بولىپ قالعان جەتىم بالالار. ولارعا قامقور بولۋ، قاجەتتىلىكتەرىن ورىنداۋ، مۇسىلمانداردىڭ نەگىزگى مىندەتتەرىنىڭ ...
-
ەرتەدە كۇيىك دەگەن قالانىڭ ماڭىنداعى جىلۋان وزەنىنىڭ بويىندا كەمپىر مەن شال ءومىر ءسۇرىپتى. قارتايعاندا كورگەن ەسەن ەسىمدى جالعىز بالاسى بولىپتى. ەسەننىڭ اكەسى وتباسىن اسىراۋ ءۇشىن كۇن سايىن دارياعا ا...
