Photo: Luis del Río (https://www.pexels.com/@luisdelrio) / Pexels
"زاردابىن بۇكىل الەم كورىپ وتىر": ەردوعان اقش پەن يزرايل باسشىلارىنا شۇعىل ۇندەۋ جاسادى
تۇركيا پرەزيدەنتى رەجەپ تاييپ ەردوعان تاياۋ شىعىستاعى شيەلەنىستىڭ الەمدىك دەڭگەيدەگى سالدارىنا الاڭداۋشىلىق ءبىلدىرىپ، اقش پەن يزرايل باسشىلارىن دەرەۋ كەلىسسوز باستاۋعا شاقىردى. ونىڭ ايتۋىنشا، قازىرگى جاعدايدى يزرايل مەن ونىڭ پرەمەر-مينيسترى بينيامين نەتانياحۋدىڭ ارەكەتتەرى ۋشىقتىرىپ وتىر.
بۇل تۋرالى ول ۇكىمەت وتىرىسىنان كەيىن حالىققا جاساعان ۇندەۋىندە مالىمدەدى. ەردوعاننىڭ سوزىنشە، بۇل تەك ايماقتىق قاقتىعىس ەمەس، ونىڭ سالدارىنان بۇكىل الەم زارداپ شەگۋدە.
«بۇل – يزرايل مەن نەتانياحۋدىڭ سوعىسى، ءبىراق ونىڭ زاردابىن بۇكىل الەم تارتىپ وتىر»، – دەدى تۇركيا باسشىسى.
ول قازىرگى داعدارىستىڭ يزرايل باسشىلىعىنىڭ ساياسي مۇددەلەرىمەن تىعىز بايلانىستى ەكەنىن اتاپ ءوتىپ، حالىقارالىق قاۋىمداستىقتى بۇل ماسەلەگە بەلسەندىرەك ارالاسۋعا شاقىردى. ەردوعاننىڭ پىكىرىنشە، جاھاندىق تۇراقتىلىقتى قالايتىن ەلدەر جاعدايدى ۋشىقتىراتىن قادامداردان اۋلاق بولىپ، ديپلوماتيالىق شەشىمدەرگە باسىمدىق بەرۋى ءتيىس.
تۇركيا پرەزيدەنتى تاراپتاردى شۇعىل تۇردە ديالوگقا كەلىپ، كەلىسسوزدەر جۇرگىزۋدىڭ ماڭىزدىلىعىن ەرەكشە اتاپ ءوتتى.
-
اباي وبلىسىندا جوعالىپ كەتكەن مالشى 5 كۇن بويى دالادا جاتىپ، قار جەپ امان قالدى. ول وقىس جاعدايدىڭ قالاي بولعانىن باياندادى.
-
Turkish President Erdogan calls for urgent dialogue between the US and Israel، warning that the ongoing conflict's repercussions are being felt worldwide.
