InfoHub Logo

بۇل تۋرالى Infohub.kz اقپارات اگەنتتىگى حابارلايدى.

20 جاستاعىلارعا زەينەتاقى جيناعىنىڭ جەتكىلىكتىلىك شەگى نەگە 6 ميلليون تەڭگەدەن اسادى؟

سوڭعى كۇندەرى جەلىدە 20 جاستاعى قازاقستاندىقتار ءۇشىن زەينەتاقى جيناعىنىڭ جەتكىلىكتىلىك شەگىنىڭ 6 ميلليون تەڭگەدەن اسۋى تالقىلانىپ جاتىر. بۇل بۇرىنعىدان ەكى ەسەگە جۋىق جوعارى كورسەتكىش. ءبىرىڭعاي جيناقتاۋشى زەينەتاقى قورى (بجزق) مۇنى بولاشاق زەينەتاقى تولەمدەرىنىڭ دەڭگەيىمەن بايلانىستىرادى. جاستاردىڭ ەرتە جاستاعى جارنامالارى ۇزاق مەرزىمدى ينۆەستيسيالاۋ ارقاسىندا تيىمدىرەك بولاتىنى ايتىلادى. قوردىڭ ەسەبىنشە، 20 جاستاعى ازاماتتىڭ شوتىندا 6 ميلليون تەڭگەدەن اسسا، بولاشاقتا زەينەتاقى تولەمدەرى بەلگىلەنگەن ەڭ تومەنگى ستاندارتتان تومەن بولمايدى.

«التىن ورداداعى» باعانىڭ وسۋىنە كىم كىنالى؟

ساۋدا جانە ينتەگراسيا مينيسترلىگى «التىن وردا» بازارىندا الەۋمەتتىك ماڭىزى بار ازىق-تۇلىكتەردى ارزان باعامەن الىپ، قىمباتقا ساتقان كومپانيالاردى انىقتادى. جەكە كاسىپكەر «وماروۆ»، «Iceberg Distribution» ج ش س جانە «ار دياس» ج ش س سياقتى كومپانيالار 17%-دان 86%-عا دەيىن ساۋدا ۇستەمەسىن قوسىپ وتىرعان. بۇل كومپانيالار اكىمشىلىك جاۋاپكەرشىلىككە تارتىلىپ، ايىپپۇل تولەدى. جىل باسىنان بەرى الەۋمەتتىك ازىق-تۇلىكتەرگە نەگىزسىز 40%-دان 203،8%-عا دەيىن ۇستەمە باعا قويعان 13 ساۋدا سۋبەكتىسى انىقتالدى.

بوروۆوەدەگى قىمبات بۋرگەرلەرگە مينيستر جاۋاپ بەردى

تۋريزم جانە سپورت ءمينيسترى ەربول مىرزابوسىنوۆ بوروۆوەدەگى مەيرامحانادا بىرنەشە بۋرگەرگە شامامەن 200 مىڭ تەڭگە تولەگەنى تۋرالى الەۋمەتتىك جەلىدەگى تالقىلاۋعا قاتىستى پىكىر ءبىلدىردى. ءمينيستردىڭ ايتۋىنشا، كۋرورتتىق ايماقتا ءارتۇرلى باعاداعى مەيرامحانالار بار، سوندىقتان تۋريستەر جوعارى باعالى مەيرامحانانى تاڭداعان بولۋى مۇمكىن. «بوروۆوەدە ءارتۇرلى بيۋدجەتكە ارنالعان ۇسىنىستار بار. تاڭداۋ تۋريستەردىڭ ءوز قالاۋىنا بايلانىستى»، - دەدى مىرزابوسىنوۆ.

انتيبيوتيكتەردى رەسەپتسىز ساتۋعا تىيىم سالىنادى

دەنساۋلىق ساقتاۋ مينيسترلىگى انتيبيوتيكتەردى باقىلاۋسىز قولدانۋدىڭ سالدارىنان «سۋپەرباكتەريالاردىڭ» پايدا بولۋ ءقاۋپىن الدىن الۋ ماقساتىندا رەسەپتسىز ساتۋعا تىيىم سالۋدى جانە تولىق سيفرلىق تاڭبالاۋدى ەنگىزۋدى جوسپارلاپ وتىر. ەندى دارىگەردىڭ تاعايىنداۋىنسىز انتيبيوتيكتەردى ساتۋعا تولىق تىيىم سالىنادى. ءدارىحانالار بۇل ەرەجەنى بۇزعانى ءۇشىن قاتاڭ جازالانادى. سونداي-اق، ءاربىر دارى-دارمەك پارتياسى قويمادان باستاپ ساتىپ الۋشىعا دەيىن ەلەكتروندى جۇيە ارقىلى باقىلاناتىن بولادى. باسىمدىق «ءالسىز» پرەپاراتتارعا بەرىلەدى.