زەلەنسكيي ءپۋتيننىڭ 9 مامىرعا وراي ءبىتىم ۇسىنىسىن قابىلدامادى
ۋكراينا پرەزيدەنتى ۆلاديمير زەلەنسكيي رەسەي باسشىسى ۆلاديمير ءپۋتيننىڭ جەڭىس كۇنىنە (9 مامىر) وراي ءبىتىم جاريالاۋ جونىندەگى ۇسىنىسىن قابىلدامايتىنىن مالىمدەدى. بۇل تۋرالى ول جۋرناليستەرمەن كەزدەسۋدە ايتتى.
زەلەنسكييدىڭ ايتۋىنشا، مۇنداي قىسقا مەرزىمدى ءبىتىم – "ۇلكەن تەاتر قويىلىمىنا" ۇقسايدى. ونىڭ ورنىنا ۋكراينا باسشىسى اتىستى 30 كۇنگە توقتاتۋدى ۇسىندى.
“ءۇش، بەس نەمەسە جەتى كۇن ىشىندە ەشقانداي ناقتى كەلىسىمگە كەلۋ مۇمكىن ەمەس. سوندىقتان اتىستى 30 كۇنگە توقتاتۋ قاجەت”، – دەدى ول.
زەلەنسكيي رەسەيدىڭ ۇسىنىسىن ساياسي مانيپۋلياسيا رەتىندە باعالادى جانە شىنايى كەلىسسوزگە تەك شىنايى قادامدار ارقىلى كەلۋگە بولاتىنىن ايتتى.
You Might Also Like
-
جەتىسايدا ەكى اي بۇرىن ءىز-تۇسسىز جوعالعان ايەلدىڭ دەنەسى كورشىسىنىڭ اۋلاسىنان تابىلدى،-دەپ حابارلايدى Infohub.kz.
-
بيىلعى ساۋىردە ەلىمىزدىڭ تۇكپىر-تۇكپىرىندە مەديسينا سالاسىنىڭ ماماندارى «تازا قازاقستان» رەسپۋبليكالىق اكسياسىنا قولداۋ كورسەتىپ، قورشاعان ورتانى قورعاۋعا ءوز ۇلەستەرىن قوستى.
