InfoHub Logo

Bilim berý salasy: Tanym
Oqý is – áreket túri: Matematıka
Taqyryby: «1, 2, 3, 4, 5 sıfrlary týraly ótkendi pysyqtaý»

Maqsaty:
a) 1 - den 5 – ke deıingi sandar týraly ótkendi pysyqtaý;
á) geometrıalyq fıgýralardy tabý qabiletin damytý;
b) logıkalyq tapsyrmalardy sheshýdi úıretý;

Motıvasıalyq - qozǵaýshylyq: Amandasý
Qýan, shattan! Alaqaı!
Qýanatyn kún keldi!
Qaıyrly tań,
Qaıyrly kún.
Kúlip shyqty kún búgin.

Uıymdastyrylǵan oqý is - áreket barysy:
Tárbıeshi: Jaraısyńdar! Balalar, búgin biz úshin erekshe sabaq. Bizge búgin kóp qonaqtar kelipti.
- Balalar qazir jyldyń qaı mezgili?
- Kóktem.
- Kóktem mezgilinde neshe aı bar?
- 3 aı
- Naýryz, sáýir, mamyr.

Qyzyqty sát.
Júgirip qoıan kiredi. Qolynda syılyǵy bar.
Qoıan: Sálemetsizder ma! Balalar.
Tárbıeshi: Sálemetsiz ba qoıan, kóńildisiń ǵoı?
Qoıan: Ia balalar búgin meniń týǵan kúnim, maǵan qasqyr syılyq berdi.
Tárbıeshi: Syılyǵyńdy bizge kórsetesiń be? Qasqyr saǵan ne syılady eken?
Qoıan: Bilmedim? Endeshe syılyqty birge ashyp kóreıik.
Qoıan: Oı balalar myna qoraptyń ishinde dym jaq qoı! Sonda meni qasqyr aldaǵany ma?
Tárbıeshi: Qoıan toqta renjime qoraptyń ishinde hat jatyr. Hatty ashyp kóreıik.
Tárbıeshi: Qoıan qasqyr saǵan tapsyrmalar beripti sol tapsyrmany oryndasań syılyǵyńdy tabasyń depti.
Qoıan: Qandaı tapsyrma?
Tárbıeshi: Tapsyrma matematıka sabaǵyna baılanysty eken.
Qoıan: Oooooı, balalar tapsyrmany oryndaýǵa maǵan kómektesesińder me?
Tárbıeshi: Balalar qoıanǵa kómektesemiz be?
1 tapsyrma: «San qatary»
Balalarǵa jeke kartochkalar taratylyp beriledi.
0.... 2.... 4..... 1..... 3..... 5
5.... 3.... 1......... 4..... 2..... 0

2 - tapsyrma: «Qaı pishinge uqsas?»
Jeke kartochkalarda zattardyń sýretteri beriledi. Janyndaǵy bos tórkózge qaı pishinge uqsas ekenin salyp kórsetedi.

3 - tapsyrma:
Eki qaz ushyp barady,
Bıikten tómen qarady.
Aıaq nesheý, bas nesheý?
Jaýabyn kim tabady?

Alma baǵy jaınaǵan,
Qyzyl alma aınalam.
Aldym úzip ekeýin,
Taǵy da aldym ekeýin,
Aldym sonda nesheýin?

Sergitý sáti:
Kel sanaıyq, ekeýmiz.
Bas barmaǵym - papam,
Balań úırek - apam.
Ortan terek - aǵam
Shyldyr shúmek - men
Tıtteı bóbek - sen.
Bir úıde biz nesheýmiz?
Bir úıde biz beseýmiz.

Tárbıeshi: Mine, balalar, sabaqqa óte jaqsy qatystyńdar. Qoıanǵa kóp kómek kórsettińder. Qasqyrdyń tapsyrmalaryn oryndap qoıannyń syılyǵyn taýyp berdińder. Ózderińniń oılaryńdy, tapqyrlyqtaryńdy, qıyndyqtan qoryqpaıtyndaryńdy kórsettińder. Jaraısyńdar balalar.