InfoHub Logo

Uıymdastyrylǵan oqý is-áreketiniń tehnologıalyq kartasy
Bilimdik aımaǵy: Tanym
Bólimi: Matematıka
Taqyryby: 1-den 5-ke deıingi sandardy qaıtalaý
Maqsaty: B.m: Sannyń quramyn, tańbalaryn qaıtalaý, alǵan bilimderin bekitý, oıyn arqyly bilimderin jetildirý.
D.m: Balalardyń oı-órisin damytý, oıyn arqyly oılaý qabiletterin arttyrý
T.m: Balalardy úlkendi syılaýǵa, tilin alýǵa, kishige qamqor bolýǵa tárbıeleý
İs-áreket kezeńi
Tárbıeshiniń áreketi. Bala áreketi
Motıvasıalyq oıatýshylyq
Tárbıeshi balalardy «Búgingi kúnimizdi bastaıyq» atty shattyq sheńberge turǵyzady.
Kúndeı jadyra
Aıdaı araılap
Juldyzdaı jarqyrap
Sýdaı móldir, taza kóńilmen
Búgingi kúnimizdi bastaıyq!

Uıymdastyrýshylyq izdenýshilik
Búgin biz sendermen ertegiler eline saıahatqa shyǵamyz. Matematıka sabaǵynda búginge deıin ne úırenip, ne bilgenimizdi eske túsirýimiz kerek. Ertegi jelisi boıynsha tapsyrmalar beriledi.

«Raýshan men Asan» oqıǵasy

1- tapsyrma: Ormanda ormanshynyń úıi bar. Onyń Raýshan men Asan atty eki balasy bar eken. Raýshan 5 jasta, al Asan odan eki jas kishi. Sonda Asan neshe jasta eken?(3 jasta)
Endeshe Asan kishkentaı eken.
Bir kúni ekeýiniń áke-sheshesi qydyryp ketedi, keterde Raýshanǵa Asandy tapsyryp ketedi. Esik aldynda oınap otyryp, Raýshan ketip qalady. Sol kezde Asandy «ǵajaıyp» aqqý ushyp keledi de alyp ketedi. Raýshan kelip inisin izdeıdi. Úıiniń janynda alma aǵashy bar edi. Sodan suraıdy:
- Alma aǵashy, meniń inimdi kórdiń be? İnimdi izdep tabýǵa kómektesshi –deıdi.
- Sonda alma aǵashy bylaı dep jaýap beredi. Kómekteseıin, biraq sen de maǵan bir kómegińdi ber. Mynaý almalarym qyp-qyzyl bolyp pisip, basymdy kótere almaı turmyn. Meniń almamdy jınaýǵa kómektes. (Raýshan almasyn jınasady)
Qane, balalar biz de, Raýshanǵa kómekteseıik.

1 tapsyrma: Úı salýǵa qansha fıgýra qajet? Sýrette neshe úshburysh bar?
- Biraz júrgen soń Raýshan bir ózenge kezdesedi. Ózen balyqtaryn sýǵa salýdy tapsyrady.

2 tapsyrma: Kórshi sandy jaz.
Sergitý sáti: 1 degende turaıyq
2, 3, 4 alaqandy soǵaıyq
Oń jaqqa burylyp
Sol jaqqa burylyp
Biz shynyǵyp alaıyq
- Raýshan egistik alqapqa keledi. Egistik alqap: Matematıkalyq jumbaq –esepter sheshsin, sodan keıin baryp, meniń egistik alqabymnan ótesiń deıdi.
Besten tórtti alaıyq
Qansha qaldy qaraıyq
Qaraıyq ta sanaıyq
Sanaıyq ta tabaıyq

-3 tapsyrma: Logıkalyq esep shyǵarý.
Qarap al da, sanap al
Eki eshkiniń múıizi qane?
Qansha bolady?
- Tabaqta úsh alma
Qolymda eki alma
Qosqanda barlyǵyn
Bolady neshe alma?
- Raýshan Aq ájege kezdesip, sálem beredi. Sálemetsiz be áje?
- Nege renjip kelesiń? İnimdi joǵaltyp aldym, kómektesińizshi! Úlken kisi taıaqqa súıenbese ornynan kóterilip júre almaıdy. Sen maǵan myna «Sıqyrly taıaǵymdy» alyp berip jibershi.
- Sandarǵa baılanysty kóńildi sanamaqtar aıtqyzý.
- Aq áje: Meniń taıaǵymdy alyp berdiń, kóp raqmet!úlkendi syılaı biletin tártipti bala ekensiń. Biraq sen kishkentaı inińdi jalǵyz tastap ketkeniń durys bolmady. Men «ǵajaıyp aqqýymdy» jiberip, inińdi aldyrttym. Ekinshi bulaı etýshi bolma.
Sen úıińe qaıta ber, inińdi úıińe jetkizip salamyz deıdi. Raýshan úıine kelse, esik aldynda inisi otyr. Mine, osymen búgingi bizdiń ertegimiz aıaqtaldy.
*3* *2* *4*
- Balalar matematıkalyq jumbaqtardy sheshedi
Balalardyń jaýaby: 5 alma

Bir degenim-búrkit
Qalady ańdar úrkip
Eki degenim-esek
Bilmeıdi ol esep
Úsh degenim-úki
Ustap jedi túlki
Tórt degenim-tıin
Esebi onyń qıyn
Bes degenim-bulbul
Saıraǵanda dúldúl

Refleksıvti túzetýshilik
U.o.is-áreketin qorytyndylaý sandardy keri sanaýǵa baılanysty «Ornyńdy tap», «Kórshińdi ata» oıyndaryn oınatý. «Kim alǵyr» oıynyn oınatý. Belsendi qatysqan balalardy madaqtaý
1+2
3+2
1+1
2+2
amaldaryn oryndaıdy

Kútiletin nátıeje:
Neni biledi: Balalar 5-ke deıingi rettik sandardy aýyzsha sanaý arqyly salystyra bilýdi bildi
Bilýi kerek: Sandardy tanyp, kórsete bilýdi, neshe degen suraqqa tolyq jaýap berýdi,sandardy retimen qoıýdy meńgerdi
Túsine biledi: Óz betimen is-áreket jasap,matematıkalyq esepterdi shyǵara alady