InfoHub Logo

1 mamyr Yntymaq kúnine arnalǵan «Dostyq bulaǵy» atty erteńgilik jospary

Júrgizýshi: Armysyzdar qurmetti balabaqsha qyzmetkerleri, búldirshinder! 1 mamyr Yntymaq kúnine arnalǵan «Dostyq bulaǵy» atty erteńgiligimizdi bastaýǵa ruqsat etińizder!

Júrgizýshi:
Násilge násil bolsyn nurly kún,
Yntymaqtyń shertsem deımin bir jyryn,
Tatýlyǵyn jyrǵa qosam ulttardyń
Maqtan qylyp ulystardyń birligin!
Qýanyshtan jelpildeıdi túndigim
Bar halyqtyń birlik toıy kún búgin,
Halqym máńgi ǵumyr keshsin baqytty,
Bir tamyrmen baılap qoıǵan kindigin!!!

Bı: «Qazaq bıi»

Júrgizýshi: Adamzattyń armanyn uǵyp birden,
Senim quıyp, únimen úmit kúlgen,
San halyqty bir týdyń aıasyna
Bir ánmen biriktirgen

Qosym Aldıar: Birinshi mamyr búgin,
Mereke keldi! - dep,
Kók aspan aıdyny
Ashyldy móldirep.

Edema: Jaqsylyqqa baqytqa
Talpynǵan ár ýaqytta.
Bala bitken dos - baýyr,
Bolmasyn esh tosqaýyl.

Aslan: Aqpyz, qara, sarymyz -
Aǵaıynbyz bárimiz.
Ortaq bolsyn asqar taý,
Jemis toly baqsha - baý...

Álı: Bolsyn jer men sý da ortaq,
Bolsyn bizge tý da ortaq.
Aqpyz, qara, sarymyz -
Aǵaıynbyz bárimiz.

Án: «Dostyq áni»

Mereı: Qulpyrdy, jaınady
Jas quraq balaýsa.
Gúlderde maıdaǵy
Jelbirer jalaýsha.

Rasýl: Árqashan dos, birgemiz,

Ajyramas irgemiz.
İlgeri júrińder,
Dostyq jyryn bilińder.
Tý ǵyp ustap birlikti,
Eńbekti súıińder!

Sabına: Dos bolaıyq bárimiz,
Jarasyp tur ánimiz.
Tynyshtyqty saqtaımyz,
Atsyn kúlip tańymyz.

Júrgizýshi: Qazaq árqashanda baýyrmal halyq qoı. Ár kezeńderde pana izdep kelgen «jat jurttardyń» bárin baýyryna basyp, tórinen oryn bere bilgen, «Orys» halqyn tórge bı bıleýge shaqyramyz!

Móldir: Zeńgir kóktem
Nuryn tókken
Ortaq bizdiń kúnimiz.
Jaıdary ósken
Jaınap ósken
Biz ómirdiń gúlimiz.

Qasen Aldıar: Bal dostyqqa,
Joldastyqqa
Shaqyrady ánimiz,
Tynyshtyqta,
Nur qushaq ta,
Baqyttymyz bárimiz!

Islam: Án salamyz kúnde biz,
Shattyq toly irgemiz.
Biz máńgilik dostarmyz,
Biz máńgige birgemiz.

M. Nurdana: Ómir sáni dostyqta,
Kóńil nári dostyqta.
Júrekti máńgi jalǵadyq,
Syrǵa syrdy qostyq ta.

Beknur: Dostar tatý - táttimiz,
Bolsa qolda táttimiz.
Biz bólisip jatamyz,
Bárimizde dám tatamyz.

Júrgizýshi: Tili bólek bolǵanymen tilek bir,
Uly dostyq mápelegen júrek gúl,
Qazaqstan bar ulysqa shańyraq
Shaıqalmastan shattyǵymyz tirep tur!

Ádil: Jalaýymda nurly kún,
Shýaq shashyp tur búgin.
Pash etedi, ol halqymnyń,
Yntymaǵyn birligin!

Dıas: Ortaq - dástúr, ǵuryp baı,
Yntymaǵyn sýytpaı.
Shańyraǵyn kótergen,
Júz túrli ult - Júz ýyqtaı.

K. Daýlet: Shyńǵa tarsa salyp jol,
Qınalmaıdy talyp bel.
Júz ıyqqa súıengen,
Qazaqstan - alyp el!

Án: Árqashan kún sónbesin!

Júrgizýshi: 1 mamyr Yntymaq kúni merekesine arnalǵan erteńgiligimiz aıaqtaldy saý - salamatta bolyńyzdar!

Tleýova Roza Jolbaıqyzy
№30 «Urpaq» mektepke deıingi uıymy
Aqtóbe qalasy