InfoHub Logo

Taqyryby: Yntymaǵy jarasqan memleket!
Maqsaty: 1. Oqýshylardy elin súıýge, Otanǵa degen maqtanysh sezimin arttyrýǵa yqpal etý.
2. Syılastyq, tatýlyq, baqyt uǵymdary týraly túsinikterin keńeıtý.
3. Yntymaǵy men birligi jarasqan eldiń ulany ekendigin maqtanyshpen sezine bilýge tárbıeleý.
Kórnekiligi: naqyl sózder men sýretter, ınteraktıvti taqta, slaıd.

Barysy:
I. Uıymdastyrý bólimi
Psıhologıalyq daıyndyq
Armysyń asyl kún,
Armysyń asyl jer,
Armysyń asyl aspan,
Bir - birińe jylý qos,
Bolaıyqshy jaqyn dos!
«Qazaq bıi» Oryndaıtyndar: Atapkel Ánel men Begendik Darıa

II. Negizgi bólim.
1. Beınekórinis tamashalaý «Birligi jarasqan Qazaqstan»
Suraqtar:
1. Beınekórinisten neni tamashaladyńdar?
2. Kógershinder neniń belgisi?
3. Taǵy kimderdi kórdik?(Oqýshylardyń jaýaptary tyńdalady)
4. Barlyǵy qandaı án oryndap jatyr?
- Ia, barlyǵy keýdesine qoldaryn qoıyp, QR memlekettik gımnin oryndap jatyr.
2. Kórinis: «Qyrǵyz ben grýzın aıtysy»
Grýzın: Mádı
Qyrǵyz: Aqjol
Qazaq qyzy: Ánel
Mádı: Qyrǵyzǵa tańyrqaı qaraǵan grýzın qyrǵyzdan.
- Seniń ultyń kim?
Aqjol:- Qyrǵyz.
Mádı:- Sen qyrǵyz bolsań óz elińe nege barmaısyń?
Aqjol:- Meniń óz elim – Qazaqstan.
Mádı:- Joq sen Qyrǵyzstanda turýyń kerek!
Aqjol:- O ne degeniń! Men Qazaqstanda turamyn. Men Qazaqstandy óz Otanym dep bilemin.
Mádı:- Sen óz elińe qalaıda ketýiń kerek.
Aqjol:- Al sen grýzınsiń ǵoı! Sen munda ne istep júrsiń?
- Seniń de óz eliń bar! (osylaı daýlasyp jatqanda, qazaq qyzy keledi)
Ánel: - Balalar, osynshama nege daýlasyp, jatyrsyńdar? Meniń bilgim keledi.
(Ekeýi qosarlana) Biz árqaısymyzdy óz eline barýyń kerek dep jatyrmyz. Qaısymyzdyń keterimizdi bilmeımiz.
Ánel:- O ne degenderiń! Bizdiń Otanymyz Qazaqstan kóp ult mekendeıtin memleket emes pe? Munda qyrǵyz da, grýzın de, orys ta taǵy basqa da tura beredi. Turǵanda tatý – tátti turyp jatyr, al sender daýlasasyńdar kelip. Olaı bolsa, bizge nege dos bolmasqa! Qane salyńdar qoldaryńdy!
(Birge qosylyp) Biz dospyz, árqashan birgemiz.
- Durys aıtasyńdar balalar!«Yntymaq bar jerde birlik, dostyq, tatýlyq bar» Endeshe elimizdiń yntymaǵy, dostyǵy, árqashanda jarasa bersin.
- Sender bilesińder me? Bizdiń elimizde qandaı ulttar ómir súredi? (Qazaqstanda turatyn ulttardyń sýretin kórsetý)
- Biz olarmen qandaı qarym - qatynastamyz?
- Durys aıtasyńdar balalar bizdiń elimiz kópultty memleket qataryna jatady. Biz qazaq eli olarmen árqashanda dostyq qarym - qatynastamyz.
Orys bıi: Oryndaıtyn: Seıfýllına Alfıa
3. Elime arnaý.(Oqýshylardyń taqpaqtary)
Begendik Darıa
Aq qara dep aldymen,
Elim bólmes adamdy.
Dástúr, óner, saltymen
Tańqaldyrǵan ǵalamdy.
Bısenǵalıuly Nurjan
Jyrlasa qazaq, túrkimen,
Moldavan, tájik ún qosqan.
Dos júrekter birikken,
Meıirleri jarasqan.
Seıfýllına Alfıa
Tyńda, tyńda, tyńda meni,
Orys halqym - Uly jurtym.
Sen terbetip ósirgensiń,
Seniń dańqyń - meniń dańqym.
Álibekuly Birjan
Kim súımeıdi et jaqynyn, týysyn,
Ýkraına týysymnyń birisiń.
Turdy bıik týymyzdaı bul dostyq,
El basyna tóngende de uly syn.
Jeksenbaı Nazerke
Qadirmendi bir dosymyz – ózbegim,
Qaltqysy joq demiń beıne óz demim
Óz sózimdeı janǵa jaıly sózderiń,
Óz kózimdeı kúlimdeıdi kózderiń
Baltabaıuly Dıdar
Dám - tuzymyz aralaspyz áriden,
Dastarqandar jaıylady sánimen.
Palaýyńmen basbarmaǵym sybaılas,
Kezek jeımiz alma, órik dámińnen.
Amanbekqyzy İnjý
Jolym túsip, taǵdyr talap,
Grýzın dos, boldym qonaq,
Qazaǵymdaı keń peıiliń,
Dastarhandy jaıdyń mol - aq.
Rymbaı Dıas
Qazaq – qyrǵyz týyssyńdar, dossyńdar,
Bir tamyrdan sender ósken qos shynar.
Dos týystar kóp bolsa da dúnıede,
Naq senderdeı naǵyz týys joq shyǵar.
Jetibaı Aqerke
Elim meniń, jarqyraǵan, jaınaǵan,
Baq bitkende bulbul qusy saıraǵan.
Elim meniń bıiktigi sharaınam,
Qyran qusy kóginde myń samǵaǵan:

Medelhanuly Rýslan
Jaqsylyqqa, baqytqa
Talpynǵan ár ýaqytta.
Bala bitken dos - baýyr,
Bolmasyn esh tosqaýyl!

Qajymuhanuly Ábish
Aǵaıyn - týǵan – bar adam,
Adaldyq úshin jaralǵan.
Bar qymbat týystyq,
Baıandy bolsyn tynyshtyq!
- Senderdiń taqpaqtaryńnyń sońy bıge ulasady.
«Ózbek bıi» Oryndaıtyn: Qýanysh Jansaıa
- Jaraısyńdar balalar! Halqymyzda «Otan - otbasynan bastalady» degen maqal beker aıtylmasa kerekti. «Yntymaq bar jerde baqyt bar» degen maqal bar. Yntymaq degen qandaı maǵynany bildiredi? (tatýlyq, dostyq, birlik )
Minekı balalar búgingi senderdiń ústerińe kıip turǵan kıimderińniń ózi ár ulttyń kıimi eken. Munyń ózi ár ulttyń kıimine saltyna degen qurmetti bildiredi eken.
Bizdiń elimizde 1 - mamyr qandaı mereke?
( yntymaq, dostyq, birlik merekesi)
Munyń ózi bizdiń elimizdegi ulttardyń birlikte ómir súretindigin bildiredi. Elimizde Elbasynyń bastamasymen Assambleıa qurylǵan eken.
Assambleıa - belgili bir máselelerdi sheshý nemese talqylaý úshin birshama adamdardyń jınalysy. Assambleıanyń eń basty mindeti – ulttardyń dostyǵy, tatýlyǵy jáne elimizdegi turaqtylyq.

Jergilikti ult - qazaqtarmen birge bizdiń elimizde basqa da kóptegen ult ókilderi ómir súredi. Qazaqstannyń sharýashylyǵy men mádenıetin damytýǵa barlyq ult ókilderi belsene qatysyp, birlese eńbek etip keledi.

Biz Qazaq eli olarmen árqashanda dostyq qarym - qatynastamyz. Olar bizdiń elimizde tursa da óz tilderinde sóıleýge, salt - dástúrin saqtaýǵa erikti. Sonymen birge olar bizdiń elimizde týyp óskendikten meniń elim Qazaqstan dep aıta alady. Baılyqtyń eń úlkeni halyqtar dostyǵy. Biz osy dostyqty nyǵaıta bilýimiz kerek, bir - birimizdi qurmettep, elimizdiń erteńi úshin qyzmet etýimiz kerek. Jasasyn, júregi baýyrmal Qazaq eli!

Sol sebepten bizdiń elimizde Qazaqstan halqy Assambleıasy — 1995 jylǵy 1 naýryzda Elbasymyzdyń jarlyǵymen qurylǵan bolatyn. Assambleıa qyzmetiniń arqasynda Qazaqstanda kóptegen ulttar dostyqta, beıbitshilik kelisimde ómir súredi.

Bizdiń elimiz – jeriniń keńdigimen qatar, tabıǵı baılyǵy da mol memleket. Órisi toly mal, taıdaı týlaǵan balyǵy, teńizdeı tolqyǵan egini, dala toly ań – qusy, taýsylmas ken baılyǵy bar memleket.

- Durys aıtasyńdar balalar! Qazaqstan halqy Assambleıasy — 1995 jylǵy 1 naýryzda Elbasymyzdyń jarlyǵymen qurylǵan eken. Elimizde kóptegen ulttar búginge deıin tatý tátti ómir súrip keledi. Bizdiń elimiz kúnnen - kúnge qaryshtap damyp keledi. Ózderiń aıtqandaı elimizdiń jeri keń, tabıǵı baılyǵy mol, tabıǵaty tamasha. Biz qazaq halqy óte qonaqjaı, baýyrmal halyqpyz.
Beınekórinis «Otan»
- Qarańdarshy balalar! Bul beınekóriniste kórgenderińizdeı kimniń bolsa da ustazdarymyzdyń bolsyn, mekteptegi oqýshylarymyzdyń, jumysshylardyń, sportshylarymyzdyń, saıahatshylarymyzdyń, analarymyzdyń júrekteri qaıda júrse de «Otan» dep soǵady eken.
Elbasymyz aıtqandaı biz bir ultpyz, qanymyz bir, janymyz bir.
- Men myna qolymdaǵy kishkene dopqa qarap, bizdiń elimizdi, ómir súretin mekenimizdi kóz aldyma elestetip turmyn. Baıqaısyńdar ma, dop ta jer sharyna uqsas dóńgelek. Eger bizdiń elimiz senderdiń alaqandaryńda turatyn bolsa, elimizge qandaı tilek tiler edińizder?
- Kórdińizderme! Jumyr jerdi mekendeıtin, árbir tiri jannyń, tirshilik ıesiniń armany tynyshtyq, beıbitshilik, egemendik, táýelsizdik eken!
Hor: Atameken.

Ótkizgen:
Taýshyq aýyly, Shahta orta mektebi
Bastaýysh synyp muǵalimi Abdyrova A.