InfoHub Logo

Tárbıe saǵatynyń taqyryby: 1 naýryz alǵys aıtý kúnine arnalǵan «Alǵys aıtý – paryzym!» tárbıelik shara
Maqsaty: Oqýshylardyń «syılastyq» qundylyǵy týraly túsinikterin keńeıtý
Mindetteri: a) rızashylyq, rahmet, alǵys týraly túsinik berý;
á) úlken — kishige degen súıispenshiligin, sypaıylyq qarym — qatynasyn damytý;
b) ádeptilikke, kishipeıildilikke, izettilikke tárbıeleý
Kórnekilikteri: Naqyl sózder, sandyqsha, sharlar jáne t. b.
Barysy:
Memlekettik ánuran oryndalady.
2016 jylǵy 14 qańtarda Qazaqstan respýblıkasynyń Prezıdenti N. Á. Nazarbaev Qazaqstan halqy Assambleıasynyń qurylǵan kúni
1 naýryzdy elimizde Alǵys aıtý kúni dep jarıalap, № 173 Jarlyqqa qol qoıdy. Qazaqstan halqy 2016 jyly tuńǵysh ret Alǵys aıtý kúnin atap ótti.
Alǵys – adamnyń adamǵa jasaǵan jaqsylyǵy, kómegi, kóńili úshin rızashylyq bildirýi, sondaı — aq onyń oıy men is — áreketine, jasaǵan isterine joǵary baǵa berýi.
Alǵys aıtý kúni – Qazaqstan halqyn máńgilikke biriktirýge baǵyttalǵan «Máńgilik El» jalpyulttyq patrıottyq ıdeıasynyń, qazaqstandyq biregeıliktiń negizgi arqaýy – elimizdegi barlyq ult pen ulysty bir shańyraq astyna toptastyratyn Qazaqstan halqy Assambleıasynyń kúni. Bul kún – kúrdeli zamanda ıyq tirese birge eńserip, qysqa merzim ishinde Elbasynyń basshylyǵymen Táýelsiz Qazaqstandy qurý jolynda aıanbaı ter tókken elimizdiń barlyq azamatttarynyń bir - birine qurmet bildiretin kún.
Alǵys aıtý kúni – qaıyrymdylyq dástúrlerin, áleýmettik yntymaqty jáne ózara kómek kórsetýdi qoldaý kúni. Bul – repressıa men jer aýdarý jyldarynda bizdiń halyq kórsetken meırimdilik pen aq kóńildik, qolda barmen bólisý, kómek kórsetý syndy rýhanı dástúrler kúni.
Án: «Ustazym»
Búgin – Raqmet aıtý (Thanksgiving Day) kúni. Kúnniń halyqaralyq dárejesi joq, muny AQSH jáne Kanada halyqtary qarasha aıynyń árbir tórtinshi beısenbisinde atap ótedi. Ataýly kún alǵash ret 1621 jyly aǵylshyndyq kolonısterdiń bastamasymen toılanǵan. Qys mezgili óte aýyr bolyp, adamdar ashtyqqa ushyraǵandyqtan gýbernator Ýılám Bredford qol astyndaǵylardyń kóńil - kúıin kóterý úshin Alǵys aıtý kúnin belgileıdi. Aınaladaǵy basqa da kórshiler bul dástúrdi jyly qabyldap, qaharly qysty aman - esen ótkeredi. Raqmet aıtý kúniniń basty nyshandarynyń biri – túıe taýyq. Sebebi, aǵylshyndyq kolonıster merekeni alǵash toılaǵanda ormanda atylǵan tórt túıe taýyqty jegen eken. Keıinnen, ıaǵnı, 1789 jyly Djordj Vashıngton Raqmet aıtý kúnin «Ulttyq mereke» dep jarıalaıdy.
Bul kúni barlyq otbasy mindetti túrde dastarqan basyna jınalyp, týystaryna jaqsylyq jasaýǵa asyǵady, jaqyndaryn qýantý úshin túrli tosyn syılar oılap tabady. Qaladaǵy metrolarda erekshe ústelder ornatylyp, adamdar aqsha, azyq - túlikterin qaıyrymdylyqqa ákelip qoıady. HVİİ ǵasyrdan kele jatqan ár túrli kıimderdi kıgen turǵyndar sherýge shyǵyp, dýmandy keshter uıymdastyrady.
Kóptegen adamdar materıaldyq jaǵynan tolyq qamtamasyz etilgen bolsa da, alǵys aıta bilmegeni úshin rýhanı kedeı bolyp qalyp jatady.
Bı: «Shyǵys bıi»

Alǵys — bireýdiń ekinshi bireýge yqylasyn bildirýi, rahmet aıtýy. Alǵysty sózben nemese qımyl, is - áreket, zattaı syılyq berý, tipti jaqsy qarym - qatynas túrinde de bildirýge bolady. Árkim Alǵys alý arqyly óziniń basqalarmen qarym - qatynasyn, ómirdegi ornyn baǵalaı alady. Qazaq halqynyń uǵymynda neǵurlym kóp Alǵys alǵan adam baqytty bolady. “Alǵyspen er kógerer” degen mátel soǵan megzeıdi.
Slaıd: «Janyńda júr jaqsy adam.......»
Alǵys – qýanysh ústinde, jıyn, mereke, toı - tomalaqta adamdardyń bir - birine bildiretin ıgi tilektiń etıkalyq mándi ataýy.

Sonymen, raqmetke laıyqty kimder? Tizimdi birge quraıyq! Bastysy – alǵys aıta bilý…
Anaǵa – ómir syılaǵany úshin,
Ákege – qorǵan bolǵany úshin,
Dalaǵa – gúlderi men kók shalǵyny úshin,
Sózge – jandy jylytatyny úshin,
Kúnge – shýaǵy men nazary úshin,
Juldyzǵa – qarańǵy túndegi jaryǵy úshin,
Dosqa – qushaǵy men ıyǵy úshin,
Ájege – ystyq alaqany úshin,
Sýǵa – tirshilik kózi bolǵany úshin,
Jerge – mahabbaty men bar bolǵany úshin,
Otqa – jylýlyǵy úshin..

Kúı: «Saryarqa»
Ózine jasalǵan jaqsylyqqa rızashylyq bildirýdi alǵys deımiz.
Problemalyq suraq:
«Jaqsylyq jasaýdyń biz úshin qandaı paıdasy bar?
Biz nelikten basqalarǵa jaqsylyq jasaýymyz qajet?»
Vıdeo rolık: «Jaqsylyǵyń qaıtar ózińe»
— Balalar, jyly sóz, qaıyrymdy is, jaqsy oı, kirshiksiz sezimderińdi eshkimnen eshqashan aıamańyzdar. «Rahmet» degen qasıetti sózdi jıi aıtyńdar. Ómirdiń árbir sátin baǵalaı bilýge úırenińder jáne Tabıǵat – Anaǵa meıirimdi kúni úshin, kóńildi jańbyry men aq qary úshin, jumsaq aq ulpa bulty úshin, jaqyn adamdarǵa qaıyrymdylyǵy men rıasyz mahabbaty úshin alǵys aıtýdy umytpańdar.

«Avtograf» oıyny: (Ár oqýshyǵa artyna qaǵaz bekitiledi. Osy qaǵazǵa basqa oqýshylar tilekterin jazýy qajet)
Alǵystyń da túpki máni – rızashylyq bildirý arqyly jamandyqtan ada bolýdy tileý.
1 naýryz alǵys aıtý kúnine arnalǵan «Alǵys aıtý – paryzym!» tárbıelik shara júkteý