InfoHub Logo

Oqý-aǵartý mınıstrligi orta bilim komıtetiniń habarlaýynsha, 1-synypqa qujattardy qabyldaý 2023 jyldyń 1 sáýirinde bastalyp, 1 tamyzǵa deıin jalǵasady.

Búginde 1-synypqa qabyldaýǵa 249 737 ótinish túsken. Onyń ishinde balalardyń 70%-ǵa jýyǵy memlekettik tilde oqýdy tańdady.

«Qujattardy qabyldaý shtattyq rejımde júrgizilip jatyr. Ata-analar belsendi. Bıylǵy birinshi synypqa qabyldanýshylar arasynda memlekettik tilde oqyǵysy keletinder kóp. Qazaq tilinde oqytatyn synyptarǵa qabyldaý boıynsha Qyzylorda (94,1%), Mańǵystaý (93,2%), Ulytaý (82,5%), Túrkistan (80,6%) jáne Jambyl (79,4%) oblystary eń joǵary kórsetkishpen alda tur», – dedi komıtet tóraǵasynyń orynbasary Jomart Qarambaev.

Qazir birinshi synypqa qabyldaý boıynsha ótinimderdiń joǵary kórsetkishteri Qyzylorda (92%), Ulytaý (83,7%), Shyǵys Qazaqstan (78%), Mańǵystaý (87,1%) Túrkistan (79,8%) oblystarynda baıqalady.

Azamattarǵa yńǵaıly bolý úshin qujattardy qabyldaý memlekettik qyzmeti tolyǵymen avtomattandyrylǵan. 1-synypqa qabyldaý Egov.kz elektrondy úkimet veb-portaly arqyly júzege asyrylady. Birinshi synypqa balalar 6 jastan bastap ata-anasynyń nemese balanyń zańdy ókiliniń ótinishi negizinde qabyldanady.

Sondaı-aq densaýlyq jaǵdaıy týraly qujattar (026/ý-3 nysany jáne 065/ý) jáne 3h4 ólshemdi 2 fotosýret qosa beriledi. Aldyn ala boljam boıynsha, jańa oqý jylynda 410 myńnan astam bala birinshi synypqa barady.

---