InfoHub Logo

Men QazUÝ stýdentimin. Fılosofıa jáne saıasattaný fakúlteti, dintaný mamandyǵynda oqımyn. Oqý jyly kózdi ashyp-jumǵansha óte shyqty, emtıhandar men baqylaýlar aıaqtalyp, kásibı tájirıbe bastalyp ketti. Biz búgin kafedra stýdentteri, birinshi kýrs stýdentteri bolyp búgin Muhtar Áýezov atyndaǵy Qazaq memlekettik akademıalyq drama teatry - Almatydaǵy iri qazaq teatrlarynyń birine bardyq. Teatr birinshi ret barǵan adamǵa erekshe atmosfera qaldyrady. Teatr ishine kirgennen aq mádenıet ornyna kirgeniń seziletindeı. İshi óte ádemi ári úlken. Árbir bolatyn spektáklderge akterlar men aktrısalar bar bolmysyn salady, óz keıipkerlerin sezinip olardyń janyndaǵy syrlaryn halyqqa, kórermenge aqtarady. Teatrda qazaqtyń uly adamdary týraly nemese túrli jyrlar, shet eldik shyǵarma, dastandar boıynsha spektáklder qoıylady. Qalanyń ý-shýynan kúıbeń tirlikten dem alyp, rýhanı baıyp qaıtatyn oryn teatr dep aıta alamyn.

Biz barǵan spektákl «Júz jyldyq mahabbat» dep atalady. Spektákl ardaqty qazaq zıalysy Maǵjan Jumabaev pen onyń adal jary Zylıha apamyn jaıynda. Zamanynan ozyp týyp, sońyna óshpes rýhanı mol mura qaldyrǵan, kórnekti aqyn, Alash ardageri Maǵjan Jumabaev taǵdyrynyń aqtańdaqty tustary az emes. Halyq jaýy naýqanymen eki ret ustalyp, qyryq tórt jyl ǵumyrynyń on jylyn qapasta, túrmede ótkizgen aqynnyń qasiretti taǵdyry spektáklde aıaýly jary Zylıhanyń esteligi arqyly beriledi. Erkin rýhty, qudiretti jyrlar jazǵan «naǵyz ulttyń, áleýmettiń, halyqtyń sózin sóılegen» (M. Áýezov) Maǵjan aqyn. . . Qıyn-qystaý ýaqytqa, nebir kedergilerge qaramaı eriniń sońynan izdep san ret barǵan; ómir boıy Maǵjan rýhyn ardaqtap, óziniń sońǵy demi bitkenshe uly aqyn jyrlarynyń keıingi urpaqqa jetýine bar kúsh-jigerin salǵan Zylıha. . . Olardyń uly mahabbaty – keıingi san urpaqqa ónege. Repressıaǵa ushyrap, eliniń bolashaǵy úshin eńbektengen erimiz túrmegen túsken kezi, ol túrmede bolsa da tek sol bir jandy ǵana kútip, ómirin arnaǵan Zylıha apamyzdyń mahabbaty netken kúshti edi. Spektákl boıynsha Maǵjan atamyz jaıly derekterdiń Zylıha apamyz arqyly jetkeni kórinis tabady. Ózi qartaıǵan shaǵynda ol kisiden kelip suhbat alatyndar da kóp eken. Alaıda olardyń bári birdeı Zylıha apamyzdyń kóńilinen shyǵa bermegen. Alaıda  qansha aýyr bolsa da shydap, Maǵjany men óziniń tanystyqtary jaıynda olardyń mahabbaty jaıynda aqparat beredi. Bul kóriniske kózińe jas almaı qaraý qıynǵa soǵady, sebebi qysqa ǵumyrynyń biraz bóligin túrmede ótkizedi Maǵjan atamyz, al apamyz bolsa ony kútýden bir tynbaıdy. Olardyń mahabbaty myńdarǵa úlgi dep aıtar edim.

Bizdiń spektáklge barýymyz bizdi mádenı turǵydan damytady, rýhanı baıyp, tarıhqa da kóz júgirte alamyz. Qazirgi zaman astary teatrǵa jıi baryp tursa nur ústine uúr bolady. Teatr –júrektegi sezimdi oıatady, jaralardy emdeıdi. Bizdiń bul kúnimiz meniń esmide qalatyn, ádemi kúnderdiń biri boldy.

Oqytýshy-edvaızer: Muqan Nurzat

Avtor:Toqaı Aıym

---