InfoHub Logo

Qoǵamdyq sanany jańǵyrtý baǵdarlamasyn iske asyrý boıynsha ulttyq komısıanyń otyrysy barysynda Bilim jáne ǵylymı mınıstri Erlan Saǵadıev «Jańa gýmanıtarlyq bilim, qazaq tilindegi jańa 100 oqýlyq» jobasyn iske asyrý barysy jaıly aıtty.

«JOO jáne ǴZI ǵalymdary, qoǵam qaıratkerleri, jetekshi saıasatkerlerdiń arasynan qazaq tiline aýdarý úshin oqýlyqtardy irikteıtin jumys toby quryldy. Birinshi otyrysta «Jańa gýmanıtarlyq bilim, qazaq tilindegi jańa 100 oqýlyq» jobasynyń aıasynda oqýlyqtardy irikteý boıynsha is-qımyl jospary talqylandy», - dep habarlady vedomstvo basshysy.

Onyń aqparatyna sáıkes oqýlyqtardy irikteý krıterııleri aıqyndaldy. Sonymen, oqý quraly gýmanıtarlyq pán: túrkologıa taqyrybyn qosqanda, tarıh, fılosofıa, saıasattaný, áleýmettaný, psıhologıa, mádenıettaný, fılologıa, pedagogıkany qamtýy qajet. Sondaı-aq bazalyq oqýlyqtar álemniń 100 aldyńǵy qatarly JOO-dyń bilim berý baǵdarlamalaryna sáıkes bolýy tıis. Belgili baspalar (mysaly, Cengage Learning) bazasynda bolǵany mańyzdy. Oqýlyqtardy beıindi qaýymdastyqtar, sondaı-aq basqa elderdiń biliktilikti artyrý ınstıtýttary - «Órleý» AQ áriptesteri usynýy tıis.

Bilim mınıstriniń aıtýynsha, oqýlyqtar mindetti túrde 2014 jyldan beri qaıta shyǵarylǵan jáne mazmuny tek qana sholý materıaldaryna negizdelgen bolýy kerek.

«Búginde JOO usynystary negizinde bastapqy tizimde 800 oqýlyq bar. Óńdelgen krıterıılerge sáıkes olardy jumys toby irikteıdi. 7 oqýlyq tańdalyp, halyqaralyq quqyq ıelenýshilermen kelissózder de bastalyp ketti, onyń 4-in 2017 jyldyń sońyna deıin aýdarýdy josparlap otyrmyz.

Bul oqýlyqtar: «Ekonomıka qaǵıdattary», «Sosıologıa negizderi», «Batys fılosofıasynyń jańa tarıhy», «Ózgerip jatqan álemdegi sosıologıa», - dep atalady dedi Saǵadıev.

Onyń aıtýynsha, 2018 jylǵy naýryzdyń aıaǵyna deıin úsh oqýlyqty aýdarýdy aıaqtaý josparlanýda. Bular «Zamnaýı psıhologıa tarıhy», «Bilim alýǵa jáne minez-qulyq kirispesi», «Óner tarıhy». Joba operatory - «Ulttyq aýdarmalar búrosy» komersıalyq emes qoǵamdyq qory.
.

---