InfoHub Logo

Ashyq oqý is áreketi:
Taqyryby: Ǵaryshkerler kúni
Maqsaty: bilimdilik: Kóktem týraly bilimderin tolyqtyra túsý, kóktem erekshelikterin merekelerdi esterine túsire otyryp áńgimeletý. Ǵarysh, ǵaryshker týraly túsinikterin qalyptastyrý jáne maǵlumat berý. Sózdik qorlaryn baıytý.
Damytýshylyq: Este saqtaý qabiletterin, oı - óristerin, zeıinderin, kórip taný qabiletterin damytý
dúnıetanymdaryn keńeıtip, qıaldaryn sharyqtatý.
Tárbıelik: Tabıǵat sulýlyǵyn sezinýge, ony qorǵaýǵa, batyldyqqa, adamgershilikke, ujymmen birlesip áreket jasaýǵa tárbıeleý.
Ádis - tásilderi:
Áńgimeleý, suraq - jaýap, oı qozǵaý, kóńil - kúıdi kóterý, sýret boıynsha áńgime, oısha saıahat, oıyn.
Pánaralyq baılanys: Til damytý, qurastyrý
Kórnekilikteri:
Kóktemgi tabıǵat qubylystarynyń atrıbýttary, geometrıalyq pishinder,
sýretter jáne ınteraktıvti taqta
Sózdik qory:

Ǵarysh, ǵaryshker, ǵalam.
Aldyn - ala júrgizilgen jumys: Balalarǵa ǵaryshkerler merekesine oraı taqpaqtar jattatý.

Uıymdastyrylǵan oqý is - áreketiniń barysy:
Amandasý:
Qaıyrly tań!
Ormandar men dalalar.
Qaıyrly tań!
Dostasqan bar, balalar.
Qaıyrly tań!
Bizdiń balabaqshamyz.
Qaıyrly tań!
Jora - joldas, ul men qyz.

Oı týǵyzý: Balalar búgin sender merekedegideı ádemi bolyp ketipsińder. Sender «mereke» degen sózdi qalaı túsinesińder?
( Balalardyń jaýaby)
Osy kóktem mezgiliniń birinshi aıy qalaı atalatyn edi?
- Naýryz aıy
- Durys aıtasyńdar, balalar. Al osy naýryz aıynda biz qandaı merekelerdi toıladyq?
( Balalardyń jaýaby )
- Balalar, káne bárimiz osy kóktem erekshelikterin esimizge túsire otyryp, áýen arqyly kórsetsek qalaı bolady?
- Iá, kórseteıik. Balalar betperdelerin kıip árqaısysy óz oryndaryna jaıǵasady.
Áýen oryndalyp, kún kúrkireıdi. Bult beınesindegi balalar shyǵady:
Bulttar:
Jer anaǵa kómegim
Jańbyr bolyp tógemin,
Tómendeımin, kólbeımin
Bógelmeımin, órleımin.
Tamshylar:
Bulttar, bulttar oınashy,
Kúrkirep, dúrkirep
Bulttar, bulttar oınashy,
Sirkirep, dúrkirep.
Bulttar:
Nóser, nóser tók - tók
Bolsyn egin kóp - kóp.
Sýlar:
Syldyr, syldyr, syldyrlap,
Sý aǵady syńǵyrlap.
Baý - baqshany aralap.
Sý aǵady jaǵalap.
Tamshylar ketip, bulttyń arasynan Kún shyǵady:
Qushaǵyn ashyp shýaqty
Kúnmin altyn sıaqty.
Kempirqosaq:
Móldirep monshaq shashyldy,
Aspan shaıdaı ashyldy.
Kókte qyzyl, jasyldy
Kempirqosaq asyldy.
Qustar:
Kókke qanat qaǵamyz,
Kóktem ánin salamyz.
Gúlder:
Báısheshekpiz qulpyrǵan
Kórik berer dalaǵa
Kúı oınalyp, naýryz merekesinde júrgendeı qımyl jasaıdy.

Jaraısyńdar, balalar, mine kóktem mezgili óziniń osyndaı keremet erekshelikterimen
qýantady eken.
- Al kóktemniń osy aıy neshinshi aıy?
- Ekinshi aıy.
- Osy aı qalaı dep atalady?
- Sáýir aıy dep atalady.
- Iá, bul sáýir aıynda da, bir úlken mereke bar. Ol – ǵaryshkerler merekesi.
Qandaı mereke?
- Ǵaryshkerler merekesi.
Ǵaryshker degenimiz olar ǵaryshqa, aspan álemine ushatyn adamdar.
Aspan áleminde de, kóptegen ǵalam bar. Al bizder jer ǵalamynda ómir súremiz
Qandaı ǵalamda ómir súremiz?
- Jer ǵalamynda ómir súremiz.
- Balalar, sender qandaı áýe kólikterin bilesińder?
- Ushaq, tikushaq, zymyran.

- Iá, ǵaryshker aǵalarymyz ǵaryshqa zymyranmen ushady eken. Ony ǵarysh kemesi dep te ataımyz. Olar ǵaryshqa ushyp baryp, aspan álemin zertteıdi. Biz búgin ǵaryshker aǵalarmen, aspan álemimen tanysamyz. Bárimiz taqtaǵa muqıat qaraıyq. Sýret arqyly áńgimeleý.
Myna sýrettegi eń alǵash ǵaryshqa ushqan adam, ol Iýrıı Gagarın degen kisi. Mynaý ǵaryshqa ushýǵa daıyndalyp jatqan kezi.
Ǵaryshqa qazaq ǵaryshkerleri de ushqan. Myna sýrette ózimizdiń qazaq ǵarysherleri - Toqtar Áýbákirov jáne Talǵat Musabaev degen aǵalarymyz.
Bul kisiler bizdiń elimizdiń maqtanyshtary. Olar erjúrek, batyr, halyq qaharmandary.
Osy kisiler sıaqty batyl, erjúrek bolý úshin, bilimdi, tártipti úlken azamat bolýymyz kerek.
Al mynaý aspan álemi. Aspan áleminde kóptegen juldyzdar, shoq juldyzdar bar.
- Aspanda taǵy neler bolady, balalar?
- Kún, aı, bulttar bolady(balalar óz oılaryn aıtady!

Al mynaý ushýǵa daıyndalyp jatqan ǵarysh kemesi. Onymen adamdar aspanǵa ushyp, aspan keńistigin zertteıdi eken. Mynaý Baıqońyr ǵarysh aılaǵy. Ǵaryshkerlerdiń bári osy jerden ǵaryshqa ushady eken. Baıqońyr ǵarysh aılaǵy ol bizdiń Qazaqstanda, onyń ishinde ózimizdiń Qyzylorda oblysynda ornalasqan.
Myna sýrette ǵaryshtaǵy adam, ol ústine arnaıy kıim, ıaǵnı skafandr kıgen. Ǵarysh keńistiginde aýa joq, sondyqtan ol jaqta tek osyndaı arnaıy kıimmen ǵana júrýge bolady.
Balalar, biz ǵaryshkerler týraly taqpaq jattaǵan edik qoı. Qane esimizge túsireıikshi, kim aıtady Balalardyń taqpaqtary.

12 sáýir – ǵaryshkerler kúni. júkteý