InfoHub Logo

Taqyryby: Men jastarǵa senemin! 12-tamyz – Halyqaralyq jastar kúni

İ Júrgizýshi:
Mende sóıler sóz bolsa –
Óziń bergen sóziń ǵoı!
Mende kórer kóz bolsa –
Óziń bergen kóziń ǵoı!
Tolqyǵanda sezim – oı,
Áppaq arym, tilegim.
Týǵan elim óziń ǵoı –
Arqa súıer tiregim!

İİ Júrgizýshi: Týǵan elim, ózińniń,
Jazırańdy kezdirdiń.
Jaıma – shýaq kezimniń,
Rahatyn sezdirdiń!
Týǵan elim – gúl elim,
Qasıetińdi bilemin.
Ózińe dep júremin –
Lúpildegen júregim!

İ Júrgizýshi: Armysyzdar, táýelsiz eldiń jadyraǵan jastary! Elimizdiń bolashaǵy jastardyń qolynda, elimizdiń araıly tańynyń perdesin tek belsendi jastar ǵana asha alady.

İİ Júrgizýshi: Elbasy, N. Nazarbaev, joldaýynda: «Men sizder, búgingi jastar, erekshe urpaq ekenderińizdi qaıtalaýdan jalyqpaımyn. Sizder táýelsiz Qazaqstanda ómirge keldińizder jáne sonda erjetip kelesizder. Sizderdiń jastyq shaqtaryńyzdyń ýaqyty – bizdiń elimizdiń kóterilý jáne gúldený ýaqyty. Sizder osy jetistikter rýhyn jáne tabysqa degen umtylýshylyqty boılaryńyzǵa sińirdińizder», - dep paıymdaǵan. Sondyqtan, Qazaqstannyń jańa damý kezeńi – tikeleı jastardyń qolynda.
İ Júrgizýshi: Birde Ál - Farabı babamyzdan bir ámirshi óz eliniń bolashaǵy týraly suraǵanda, sen aldymyen jastaryńdy kórset, sonda memleketińniń bolashaǵyn barlaý qıynǵa soqpaıdy degen eken.

İİ Júrgizýshi: Rasymen de, qaı kezeńde bolmasyn bolashaqtyń qojasy jastar. M. Jumabaev atamyz jyrlaǵandaı: Arystandaı aıbatty, Jolbarystaı qaıratty – Qyrandaı kúshti qanatty. Men jastarǵa senemin! Jigerli qyz jigitter, Eldiń erteńi, memleketimizdiń tiregi.
İ Júrgizýshi: Olaı bolsa Jastardy táýelsizdik týynyń astyna biriktirýdi maqsat etip otyrǵan «Men jastarǵa senemin!» atty jıynymyzǵa qosh keldińizder!

İİ Júrgizýshi: Birligi bar el ozady, birligi joq el tozady. Bul - tarıh zańy. solaı emes pe?

İ Júrgizýshi: Árıne, Birligi berekeli, tirligi merekeli, yntymaǵy jarasqan eldiń ǵana yrysy men tabysy mol bolmaq. Olaı bolsa aýylymyzdyń yrysy men tabysynyń mol bolýyna, aıanbaı eńbek etip júrgen aýyl ákimi men Nur Otan partıasynyń aýdandyq ókilin ortaǵa shaqyryp, sóz kezegin bersek. Qazaq bıi «Qamajaı» oryndaıtyn № 184 mektep qyzdarynan quralǵan «Shashý» bı toby.
İİ Júrgizýshi: Qasıetti hadıs: “Otandy súıý ımannan - dúr”, deıdi. Elin súıý, Otanyn qorǵaý qashannan er jigittiń paryzy bolǵan Patrıotızm - Otanǵa degen ińkárlik, óz halqyńnyń tabystaryna, jerińniń ıgiligine qýana bilý bolsa. “Otanshyl sezim jas urpaq boıyna qaıdan beriledi?

İ Júrgizýshi: Árıne, eshkimge de elin, jerin, Otanyn zorlyqpen nemese jalynyp - jalbarynyp súıgize almaısyń. Eljandylyq, týǵan jerge degen qurmet - árkimniń derbes paryzy, ar - uıatynyń isi. Ol ana qursaǵyn jaryp shyqqan pendeniń peshenesine birden uıalaı qalmaıtyny taǵy da aqıqat. Patrıotızm - sanaǵa birtindep qalyptasatyn, tynymsyz tárbıeniń nátıjesinde ornyǵatyn uly sezim. Árkimniń ósken ortasyna, qalyptasqan qoǵamyna qaraı túrlishe damyp, alýan satyly deńgeıde bolatyn, úzdiksiz tárbıeniń jemisi.

İİ Júrgizýshi: Olaı bolsa Jas urpaqqa aıanbaı tárbıe berip, «Bolashaq – jastardyń qolynda, biz - jastarǵa senemiz!» dep úmit artqan aýylymyzdyń qurmetti azamattary «Moldahan ata» meshitiniń ımamy Ótegen ataǵa sóz kezegi beriledi. № 184 negizgi mektebiniń dombyra úıirme músheleri «Jastar» kúıimen İ Júrgizýshi: Qazaqtyń dańqty qolbasshysy, 1941 - 1945 jyldarǵy Uly Otan soǵysynda eren erligimen esimi shyǵyp, aty ańyzǵa aınalǵan halyq qaharmany Baýyrjan Momyshuly ótken ǵasyrda «Tártipke bas ıgen qul bolmaıdy, tártipsiz el bolmaıdy» degen. Dóp aıtylǵan qanatty sóz. Bul qaǵıda búginde árbir azamatqa, ár ujymǵa qatysty qaǵıda bolýǵa tıis ekendigi daý týdyrmaıdy. İİ Júrgizýshi: Tártip bar jerde sapaly jumys bolatyny aıtpasa da túsinikti. Tárbıe, tártip týraly taǵy qandaı naqyl sózder bilesiń? İ Júrgizýshi: Tárbıeli – tártiptiń quly Tártipti – eldiń uly. Tártip – tán úshin, Yntymaq – jan úshin kerek. - degen bar

İİ Júrgizýshi: Jaqsy tártip ádetke aınalsa – yrys,
Jaman tártip ádetke aınalsa – qyrsyq.(Ǵabıden Mustafın)
Sonymen qatar,
Tártipti bala súıinish,
Tóbeń bir kókke jetedi.
Tártipsiz bala kúıinish,
Tómendep basyń ketedi,- dep babalarymyz beker aıtpaǵan sıaqty. Men bul áńgimen beker qozǵaǵam joq. Sóz kezegin №168 orta mektebiniń AÁD pániniń muǵalimi Basharov Nurlan aǵaıǵa beriledi. Án Ortada Máýlen Raqymjan «Qazaǵym meniń»

İ Júrgizýshi:«Qazaqstan - 2050» strategıasyn oqydyń ba?

İİ Júrgizýshi: Árıne Elbasymyz: Men sózimdi ásirese jastarymyzǵa arnaǵym keledi. Búgin men jarıalaǵan Jańa saıası jáne ekonomıkalyq baǵyt sizderge jaqsy bilim berýdi, ıaǵnı budan da laıyqtyraq bolashaq syılaýdy kózdeıdi. Men sizderge - jańa býyn qazaqstandyqtarǵa senim artamyn. Sizder Jańa baǵyttyń qozǵaýshy kúshine aınalýǵa tıissizder» degen sózderi maǵan árdaıym kúsh qýat syılaıdy. Baıandama «Qazaqstan - 2050 strategıasyndaǵy jastardyń róli»Qojakent aýyldyq apparat mamany Sapıev Oljas

İ Júrgizýshi: Qurmetti búgingi jıynǵa qatysýshy jastar! Osynda qonaq etip shaqyrylyp otyrǵan «Nur Otan» HDP - nyń, «Jas Otan» jastar qanaty ókilderine arnalǵan suraqtaryńyz bolsa qoıýǵa ruqsat. (Oqýshylar men aýyl jastarynyń suraqtary qoıylyp jaýap alynady)

İ Júrgizýshi:«Biryńǵaı «Jas Ulan» balalar men jasóspirimder uıymy» týraly estigeniń barma? İİ Júrgizýshi: Respýblıkalyq biryńǵaı "Jas ulan" balalar jáne jasóspirimder uıymy Elbasy N. Á. Nazarbaevtyń bastamasy boıynsha qurylǵan. Bul uıym qoǵamdyq uıym bolyp tabylady. "Nur Otan" HDP XIII sezinde Elbasy N. Á. Nazarbaev Qazaqstannyń jas azamattarynyń basyn biriktiretin "Jas ulan" biryńǵaı balalar uıymynyń jańa júıesin qurý kerektigin atap ótken bolatyn. Táýelsizdiktiń 20 jyldyǵyna oraı 2011 j. 6 shildede "Elorda kúnine" oraı "Biryńǵaı "Jas ulan" balalar men jasóspirimder uıymy" respýblıkalyq qoǵamdyq birlestik quryldy.

İ Júrgizýshi: Óte jaqsy! Alaıda bul uıymǵa kimder múshe bola alady?

İİ Júrgizýshi: Óskeleń jas urpaqtyń boıynda patrıottyq, bilim men ózin - ózi jetildirýge degen qushtarlyq, beriktik, Otan tarıhyna, Táýelsiz Qazaqstannyń búgini men bolashaǵyna degen jaýapkershilikke tárbıeleýdi maqsat tutqan árbir oqýshy «Jas Ulan» uıymynyń múshesi bola alady. Sen bilseń Qyzylorda oblysynyń ózinde ıgi isterge bastamashy bolyp júrgen Jas Ulandyqtardyń sany 60 000 nan asty. Jyl saıyn oblystyq, aýdandyq deńgeıde is - sharalar ótkizip turady. «Myń ret estigenshe bir retkór»demeı me dana halqymyz. Olaı bolsa № 184 negizgi mektebiniń «Jas Ulan» uıymy belsendi oqýshylaryn ortaǵa shaqyraıyq.

Aıtmahan: Táýelsizdik. (Avtory: Q. Sarın)
Erkindigim. Qasıettim. Qasterlim.
Óziń barda ózegimde joq sher muń!
Keshe seniń kelbetińdi arman ǵyp,
Bodanyna buǵaýlandyq basqa eldiń.
Babalardyń basyn tigip báıgege,
Analardyń janaryna jas berdiń!
Ýa, Erkindik, qosh keldiń!
Ózegimdi órtke oraǵan qoǵamda,
Óz úıime ózim ógeı bolam ba?!
Alshań basyp júre almasa alty alash
Azattyǵym! Qadiriń de joq onda!...
Saǵan jetý qıyn bolsa qanshalyq,
Saqtap turý qıynyraq odan da!
Alla bergen azattyqtyń ár sáti -
Amanat qoı
Maǵan,
Saǵan
Oǵan da!
Saıasatqa sermeı almaı semserdi,
Ezgi kúnge teri qyldym eńsemdi!
Jeltoqsanda jalyn atyp jastyǵym,
Qursaý bolǵan temir qoǵam teńseldi!
Este dańqy qyrshyndardyń qaldy ma,
Seksen alty erligim be - eı, eń sońǵy!?
Ýa, erkindik,
Qunyń nemen ólshendi!?

Qyzylorda oblysy, Jańaqorǵan aýdany,
Qojakent aýyly № 184 negizgi mektebi
Fızıka pániniń muǵalimi Mahanova Aıdana Rysbekqyzy
12-tamyz – Halyqaralyq jastar kúni, Men jastarǵa senemin! júkteý