2016 jylǵy memlekettik bilim granttary ıegerleriniń tizimi
Búgin memlekettik bilim granttary ıeleriniń tizimi resmı BAQ-ta jarıalandy. Elimizdiń barlyq óńirindegi jurtshylyq asyǵa kútip otyrǵan bilim granttary ıegerleriniń tizimin MYNA JERDEN júktep alýǵa bolady.
Osy tizim «Egemen Qazaqstan» jáne «Kazahstanskaıa pravda» gazetterinde de jaryq kóredi.
Osylaısha, memlekettik bilim granttarynyń ıelerin anyqtaıtyn komısıa bólgen 31 702 grant ıegerlerin tolyq anyqtady. Onyń ishinde 2 950 oryn joǵary oqý oryndarynyń daıyndyq bólimderinde oqýǵa, 28 752 grant 1 kýrsqa qabyldaýǵa qarastyryldy.
Bıyl memlekettik tapsyrysty qalyptastyrý eldiń áleýmettik-ekonomıkalyq damý basymdyqtaryna negizdeldi. Osy oraıda atalǵan basymdyqtardy eskere otyryp, 12 593 grant tehnıkalyq jáne tehnologıalyq mamandyqtarǵa eskerilgen. Sonymen qatar, 5 000 grant - pedagogıkalyq, 2 690 grant - aýyl sharýashylyǵy men veterınarıa mamandyqtaryna, 3 000 grant - medısınalyq salaǵa mamandyqtarǵa bólinip otyr.
QR Bilim jáne ǵylym mınıstrliginiń málimetinshe, konkýrstyq negizde memlekettik tapsyrys beriletin JOO-lar tizimi aıqyndaldy. Elimizdiń 112 azamattyq joǵary oqý oryndary arasynda oqý granttary 87 JOO-ǵa bólindi. Ótken jyly 64 oqý orny qamtylǵan edi.
Bıyl jylǵy oqý granttaryn alý konkýrsyna 59 677 adam qatysýda, olardyń ishinde 47 342-si - qazaq tilinde bilim alýǵa (80 paıyzǵa jýyǵy), 12 335 talapker orys tilinde oqýǵa tapsyrǵan.
Jalpy konkýrstarǵa qatysýshylar arasynda 2 208 «Altyn belgi» ıegerleri; 303 kolej túlekteri; 169 halyqaralyq jáne respýblıkalyq olımpıadalardyń jeńimpazdary; 854 halyqaralyq jáne respýblıkalyq ǵylymı jarystardyń jeńimpazdary, 948 halyqaralyqjáne respýblıkalyq sporttyq jarystardyń jeńimpazdary; 9 Prezıdenttik olımpıadanyń jeńimpazdaryy qamtylǵan. Olar grantty alýda basymdyqqa ıe bolyp otyr.
Konkýrsqa İ, İİ top múgedektigi bar 363 adam, Qazaqstan Respýblıkasynyń azamattyǵy joq qazaq ulty ókilderinen qamtylǵan 1 053 adam, sondaı-aq 492 ata-anasynyń qamqorlyǵynan aıyrylǵan balalar men jetim balalar qatysýda. Bul adamdarǵa kvotalar belgilengen.
Aıta keteıik, aǵymdaǵy jyly Ulttyq biryńǵaı testileýdegi ortasha bal - 81,2 bal.
You Might Also Like
-
Sońǵy úsh jylda 1 032 túlek UBT-dan bosatylǵan. Bul týraly búgin «Daryn» respýblıkalyq ǵylymı-tájirıbelik ortalyqtyń dırektory Sholpan Qırabaeva málim etti.
