2021 jyldan bastap joǵary oqý oryndary jeke úlgidegi dıplomdar beredi
QR Bilim jáne ǵylym vıse-mınıstri Mıras Dáýlenov elimizde dıplom berýde qandaı ózgeris bolatynyn aıtty.
«JOO-larǵa akademıalyq derbestik bekitilgen, ıaǵnı oqý oryndary derbes túrde ózderiniń akademıalyq baǵdarlamasyn ázirlep, dıplomdaryn beredi. Qazirgi kezde joǵary oqý oryndary ózderiniń bilim berý baǵdarlamasyn aıtyrlyqtaı jyldam asha alady», - dedi M. Dáýlenov Ortalyq komýnıkasıalar qyzmetinde.
Onyń aıtýynsha, eń basty talap retinde bul baǵdarlama jumys berýshiler suranysyna jaýap berip, bilim sapasyna sáıkes kelýi kerek.
«2021 jyldan bastap JOO-lar jeke úlgisi boıynsha dıplom beretin bolady. Bul óz kezeginde akademıalyq derbestikti keńeıtýde úlken qadam bolyp otyr. Osyǵan baılanysty oqý oryndary óz erkimen mundaı dıplomnyń formatyn, sondaı-aq ony tabystaý júıesin aıqyndaıdy», - dedi vıse-mınıstr.
You Might Also Like
-
30 jastan asqan stýdentter joǵary oqý oryndaryna bilim alýǵa emes, dıplom úshin keledi. Mundaı pikirdi QR Bilim jáne ǵylym vıse-mınıstri Mıras Dáýlenov aıtty.
