InfoHub Logo

Sý tasýy kezeńine arnalǵan aldyn ala gıdrologıalyq boljamǵa sáıkes 2024 jylǵy 1 aqpandaǵy málimetter boıynsha mynadaı gıdrometeorologıalyq jaǵdaılar qalyptasty.

Qazaqstannyń ortalyq jáne batys bóligindegi ózen alaptaryndaǵy ylǵal qorynyń kólemi kópjyldyq ortasha mánderden tómen, respýblıkanyń soltústik bóliginde kópjyldyq ortasha mánderden joǵary.

Jazyq jerlerde topyraqtyń kúzgi ylǵaldylyǵynyń kórsetkishteri  kópjyldyq ortasha mánderden joǵary.

Ózen alaptaryndaǵy qardyń jınalý qory aqpan jáne naýryz aılarynda jalǵasady.

Qazaqstan Respýblıkasynyń jazyq ózenderindegi kóktemgi sý tasýynyń negizgi kútiletin kólemi 2024 jyldyń naýryz aıynda daıyndalady, onymen qosa   apta saıynǵy málimettermen qamtamasyz etiledi.

Respýblıkanyń ońtústik-shyǵys bóligindegi keıbir taýly ózender (İle Alataýynyń ońtústik betkeıi jáne Ketmen jotasynyń soltústik betkeıi) alaptaryn qospaǵanda, shyǵys, ońtústik-shyǵys jáne ońtústik bólikteriniń taýly ózenderi alaptarynda ylǵaldaný kezeńinde jaýyn-shashyn mólsheri kópjyldyq ortasha mánderge jaqyn jáne odan joǵary.

Aqpan aıynda aýa temperatýrasynyń joǵarylaýy jáne qatty jańbyr jaýǵan jaǵdaıda Qazaqstannyń ońtústigindegi, ońtústik-shyǵysyndaǵy jáne shyǵysyndaǵy taýly ózender boıynda joǵarydan erigen qar men jańbyr áserinen  sý tasqyny bolýy múmkin.

Qazirgi ýaqytta qardyń jınalý prosesi jalǵasýda. Taýly aımaqtardaǵy ózenderdiń vegetasıalyq kezeńiniń negizgi boljamy 2024 jyldyń sáýir aıynyń birinshi onkúndiginde jasalady.