InfoHub Logo

2024 jyldyń aqpan aıyndaǵy aýa raıy boljamy

Konsýltatıvti sınoptıkalyq aýa raıy boljamyna sáıkes 2024 jyldyń aqpan aıynda respýblıkanyń basym bóliginde ortasha aılyq aýa temperatýrasy normadan 1-2° joǵary, Shyǵys Qazaqstan oblysynda, Almaty men Jetisý oblystarynyń ońtústik-shyǵys jartysynda, Túrkistan, Jambyl jáne Abaı oblystarynyń taý jáne taý bókterindegi aýdandarynda norma shamasynda bolady dep kútilýde.

Aqpan aıynda jaýyn-shashyn mólsheri respýblıkanyń basym bóliginde klımattyq norma shamasynda, Atyraý oblysynda, Qostanaı oblysynyń soltústik jartysynda, elimizdiń ońtústik jáne ońtústik-shyǵys óńirleriniń taý jáne taý bókterindegi aýdandarynda normadan kóp bolady dep boljanýda. Respýblıkanyń soltústik jartysynda jaýyn-shashyn kóbinese qar túrinde, ońtústik jartysynda  jańbyr, qar túrinde jaýady dep kútilýde. Tuman, kóktaıǵaq, jeldiń kúsheıýi, eldiń soltústik jartysynda jaıaý burqasynmen  kútiledi.

Boljam boıynsha aqpannyń birinshi onkúndiginiń basynda QR basym bóliginde qar, burqasyn, kezeńniń ortasynda jáne sońynda jaýyn - shashyn (jańbyr, qar) kútiledi. Aqpan aıynyń basynda ońtústik oblystardyń taýly aımaqtarynda keıde qatty qar jaýady dep boljanýda. Turaqsyz aýa-raıy tuman, kóktaıǵaq jáne jeldiń 15-28 m/s deıin kúsheıýimen kútiledi. Respýblıkanyń batysynda aqpan aıynyń basynda, birinshi onkúndiktiń ortasyna qaraı basym bóliginde aýa temperatýrasy joǵarylaıdy, kúndiz  oń mánderge deıin kóterilýi kútiledi: soltústik jartysynda -3+2°S deıin, ońtústiginde +5+15°S deıin. Aqpannyń birinshi onkúndiginiń sońynda temperatýralyq fonnyń kezekti tómendeýi soltústik-batys jartysynda, sodan keıin QR qalǵan aýmaǵynda boljanady.