InfoHub Logo

Júrgizýshi: Kesh jaryq, ardaqty azamattar, qymbatty áriptester! Kóńilderińizge kóktem shýaǵyndaı sezim men nur quıyp, 7 mamyr - Otanqorǵaýshylar merekesi de kelip jetti. Osynaý aıtýly merekeniń qaı kezde de orny bólek. Olaı bolatyny, abzal azamattarymyzǵa degen ystyq sezim, alǵys pen qurmet eshqashan sónbek emes. Olar - ómirdiń máni, kóńildiń jyry, ár otbasynyń altyn qazyǵy. Endeshe búgingi merekelik keshimiz ózderińizge arnalady.
Júrekke adaldyqtyń esken gúlin
Ǵajaıyp keleshektiń tókken únin
Ardaqty aǵalarǵa shyn kóńilden
Joldaımyz alǵys penen sálem búgin.
Qurmetti azamattar, bizdiń mekteptiń ustazdary, jigitter! Sizderdi 7 mamyr - Otan qorǵaýshylar kúni merekesimen shyn júrekten quttyqtaımyz!
Otanǵa adal, elge qaıyrymdy, otbasyna meıirimdi bolyńyzdar. Júrekterińiz ottaı laýlap, jandaryńyz árdaıym jas bolsyn. Qaıratty, maqsatty bolyńyzdar. Eńbekte tabys, tileımiz – deı kele quttyqtaý sóz kezegin mektep dırektory A. A. Talpahovqa beremiz.
Bizdiń táýelsizdigimiz ben tutastyǵymyzdy, tynyshtyǵymyz ben beıbit tirligimizdi qas qaqpaı kúzetip turǵan, halqymyzǵa qorǵan bolǵan ulttyq áskerimizdiń aıbyny arta bersin!
Ǵabbas Esenbıkeniń oryndaýyndaǵy «Kóńil ashar» kúıin qabyl alyńyzdar.
Jete ber ańsap kútken tilegińe,
Qylaýdaı daq túspesin júregińe.
Otannyń, el - jurtyńnyń maqtany bol,
Aldy bol qataryńnyń bul ómirde, - dep Albert aǵa, Samat aǵa, Jasulan aǵa, Mahambet aǵalardy shyn júrekten quttyqtaımyz!
Mektep – keme, es bilimniń eskegin,
Ánge tolsyn, kúıge tolsyn keshteriń,
Shyn júrekten baqyt tilep sarqylmas,
Qol soǵady barsha áriptesteriń – dep, sizderdiń qurmetterińizge Jýmın Nıazbek «Qazaq jigitteri» ánin joldaıdy. Qabyl alyńyzdar!
Qalybyń adamdyqtyń bir buzbadyń,
Uıańnan túlep ushty ul - qyzdaryń.
Ózińnen órken jaıyp, ónege alǵan,
Tileıdi sizge baqyt juldyzdaryń, - degendeı, Ǵarıfolla aǵa, Baqbergen aǵa, Isataı aǵa, Edilbolat aǵa mereıli merekelerińiz qutty bolsyn!
Myń buralyp bılegen
Arýdy kim súımegen.
Kúmis kómeı arýlarǵa
Kimder basyn ımegen - deı otyryp kelesi kezekti Qundyz ben Marjannyń oryndaýyndaǵy «Toıbastar» bıine beremiz.
Aǵa urpaq pen jas býynnyń Otanymyzdy qorǵap, qyzmette aıtýly úles qosqanyn biz árqashanda maqtan tutamyz. Elimizdiń órkendeýi jolynda atqaryp jatqan ıgi qyzmetterińizge tabys, otbasylaryńyzǵa amandyq, denderińizge saýlyq, mol baqyt jáne beıbit ǵumyr tileımiz.
Minezińniń mini joq – maıda qońyr,
Bir jymısań ketedi jaınap óńir.
Rızamyz peıilińe darhan aǵa,
Aıyrmasyn shattyqtan qaıran ómir – dep, Ǵabıt, Daýren, Rýslan, Saǵyndyq syndy ustazdarymyzdy aıtýly kúnderimen shyn kóńilden quttyqtaımyz!
Kúnderińiz tolsyn gúlge, jelekke,
Otbasynda bolsyn yrys - bereke
Quttyqtaımyz shyn júrekten Sizderdi
Ómir dýman, baq ákelsin mereke.- dep jas shákirtterińiz Hıbatova Nargıza óziniń qyl qobyzymen «Arnaý» kúıin tartý etedi. Qabyl alyńyzdar!
El - halqyna shat - shadyman kúlki men tynysh ómir syılaýda áskerimizdiń atqaryp jatqan qyzmetteri ushan - teńiz. Armıamyzdyń aıbynyn asqaqtatatyn sardarlar men sarbazdarymyzǵa qandaı qurmet kórsetsek te jarasady. Jigitterimizge amandyq, densaýlyq tileımiz. Eńselerińiz bıik, mereılerińiz ústem bolsyn.
Sebezdep altyn ara jan - jaǵyńnan,
Tý tikken alaýlaǵan armanyńnan.
Keýdeńde mahabbattyń shoǵy mazdap,
Bıikten bıikterge samǵa, qyran.- dep aqyn aǵalarymyz jyrlaǵandaı, Darhan, Janserik, Asan, Aıbek syndy jigitterimizge taýsylmaıtyn dáýlet, arylmaıtyn baqyt tileımiz.
Keshimiz ótip jatyr saltanatty,
Tógilgen kún nurynyń shapaǵaty.
Ortada bıshi qyzdar bı bıleıdi,
Halaıyq qol soǵyńyz marhabatty. Aldaryńyzda bı «Katúsha».
Qymbatty bizdiń ustaz - azamattar! Ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salǵan dıhan da, mal baǵyp terin tókken shopan da, bári - bári ustazdan bilim, tálim alǵan, sondyqtan, ulaǵatty ustazdar, aıbyndy azamattar, sizderge búkil adam balasy qurmetpen bas ıedi.
Ustazdar jaqsylyqtyń jol ashary,
Qolyńda shákirtińniń bolashaǵy
Ómirdi alǵa qaraı órletetin
Sender ǵoı Uly Otannyń bolashaǵy,- dep ózderińizge úlken senimmen shákirtterińiz Kabır Ásem «Ustazym» ánin joldaıdy.
Qurmetti halaıyq, barshańyzdy kele jatqan 9 mamyr – Jeńis kúnimen quttyqtaımyz! Búgingi mamyrajaı tynysh ómir atalarymyz qalyptastyrǵan berik birlik nátıjesinde keldi. Er jigittiń qul bolmaı, arý qyzdyń kúń atanbaı, halyqtyń birlikte ómir súrýi naq solardyń arqasynda!
Bul mereke ár kezde de batyldyq pen erliktiń, qaharmandyq pen eldiktiń nyshany, Otanǵa degen súıispenshilik pen adaldyqtyń ólshemi, al qurmetti ardagerlerimiz, bolashaq urpaqtar úshin, egemen elimizdiń táýelsizdigin qoǵaýshylardyń bári úshin jarqyn úlgi bolyp qala bereri sózsiz. Endeshe aspanymyz ashyq, elimiz tynysh, jurtymyz aman bolsyn degen tilekpen, Kabır Ásemniń oryndaýyndaǵy «Aq kógershin» ánin qabyl alyńyzdar!
Mamyrdyń mamyrajaı kúnderimen, maıda jelimen kelip jetken merekelerińiz taǵy da qutty bolsyn, ardaqty azamattar!
Ózderińizge qonar baqtyń baıandysyn, biter dáýlettiń kól - kósirligin, keler yrystyń ysyrap bolmaýyn, júrek gúliniń máńgi solmaýyn, shańyraǵyńa shattyq ornaýyn, Táńirdiń sheksiz qoldaýyn tileımiz!
Demeńiz biz ónerdi aıap qaldy,
Mezgil de biraz jerge taıap qaldy.
Qosh bolyp turyńyzdar kóriskenshe,
Osymen konsertimiz aıaqtaldy.
Saý - salamatta bolyńyzdar!

Aty - jóni: Ótegenova Nabıa Tólegenqyzy
Týǵan jyly: 12. 01. 1985 j
Mamandyǵy: Qazaq tili men ádebıeti jáne ózin - ózi taný pániniń muǵalimi
Mektebi: BQO Kaztalov aýdany, Kaztalov aýyly, Kaztalovka OJBBM
Bilimi: Joǵary
Eńbek ótili: 7 jyl