InfoHub Logo

Erteńgilik: «Jańa jylym tórge shyq!»
Balalar kóńildi áýenmen balalar zalǵa kiredi, jartylaı sheńber bolyp turady.
Júrgizýshi: Qymbatty balalar, qonaqtar! Barlyqtaryńyzdy kele jatqan jańa jyl merekesimen quttyqtaımyn! Balalar, qarańdarshy, bizdiń shyrshamyz qandaı keremet bezendirilgen. Senderge unadyma? Balalar tyńdańdarshy bireý kele jatqan sıaqty.
Mýzyka áýenimen Aqshaqar kiredi.
Aqshaqar: Men Aqshaqar bolamyn
Balalarmen oınaımyn
Bıleımin, ándetemin
Lá - lá - lá!
Balalar sender nege kóńilsizsińder? Merekelik áýen de oınap turǵan joq.
Júrgizýshi: Aqshaqar bizdiń balalar Aıaz Atany kórgisi keledi.
Aqshaqar: A - aa, onda Aıaz Ata dep daýystap shaqyraıyq
Balalar: Aıaz ata, Aıaz ata
Júrgizýshi: Balalar Aıaz Ata estimeı jatqan sıaqty, múmkin óleń aıtyp berermiz?
Án: «Shyrsha, shyrsha, shyrshamyz»
Aıaz Ata: Estidim, estidim meniń kishkentaı balaqaılarym. Ánderin óte keremet eken.
Júrgizýshi: Aıaz ata bizdiń balalar tek án aıtyp qoımaı, kóńildi bıleı alady.
Aıaz ata: Qane onda tamashalaıyq
Bı: «Aıý - aıý turshy»
Júrgizýshi: Aıaz Ata sız sharshaǵan shyǵarsyz, otyryp demalyp alyńyz
Shyrshanyń artynan túlki shyǵady.
Túlki: Men ormandaǵy eń sulýy, ádemisi menmin(quıryǵyn sıpaıdy) Munda ne bolyp jatyr?
Aqshaqar: Qandaı jaqsy kelgenin
J: Sálemetsizbe túlkijan! Bizdiń balalar oıyn oınaǵysy kelip tur, búgin bizde mereke
Oıyn: «Qar jınaý»
Túlki: Jaraısyńdar balalar! Balalar meniń dosym bul merekege qatyspaǵan sıaqty
J: Sizdiń dosyńyz kim?
Túlki: Qoıan
Aqshaqar: Áne qarańdar balalar qoıanda kele jatyr.
Júrgizýshi: Sálemetsiń be qoıan! Bizdiń kishkentaı kójekter sizdi kútip qaldy
Bı: «Kójekter»
Qoıan: Jaraısyńdar balalar!
Júrgizýshi: Aıaz ata, Aqshaqar, Túlki, Qoıan bizdiń balalardyń taǵy da bir ánin tamashalańyzdar!
Án: «Top - top balaqan»
Aıaz Ata: Balapandar sender óte súıkimdi jáne ónerli ekensińder! Men senderge arnaǵan syılyqtarym bar! Rahmet!
Bári qoshtasyp shyǵyp ketedi.

Jambyl oblysy, Taraz qalasy,
№13 bóbekjaı - baqsha tárbıeshisi
Tohtabaeva Bahytaı Baırambekqyzy