InfoHub Logo

8 - naýryz meıramyna arnalǵan erteńgilik senarıi. Ekinshi sábıler toby

Júrgizýshi:
Analardyń ár bir sózi, oı talaby
Júrektiń tereńinde saqtalady.
Ósińder elin súıgen ulandar bop,
Ardaqty ana eńbegi aqtalady.
- Qurmetti ájeler, analar! Sizderdi naýryz aıynda kelgen 8 - naýryz merekesimen quttyqtaımyz.

Balalardyń quttyqtaý taqpaqtary.

Biz dospyz gúldermen
Tekke ony julmaımyz
Toı kúni bir birden
Analarǵa syılaımyz.

Meni jaqsy kóredi,
Kúndeı kúlip keledi.
Kóp ertegi biledi,
Maǵan aıtyp beredi.

Aq anashym, appaǵym.
Ózin jaıly taqpaǵym.
Ózin jaıly ánim de,
Arnadym saǵan bárinde.

Álpeshtegen aıalaǵan
Aq sút bergen apataıym.
Sálem jazyp búgin saǵan
Meıramyn men quttyqtaımyn

Jumaq – qushaq panam,
Kúndeı nurly sanań!
Qyzyǵyn kór ul – qyz,
Eńbek súıgish Anam!

Keldi kóktem kúnniń,
Kúlimdeıdi gúliń –
Altyn oıly Anam
Merekeńiz búgin!

Júrgizýshi: - Al endi bizdiń balapandar analarǵa arnap óz ónerlerin kórsetsin.
Bı: «Jańbyr»
Zalǵa Shataqbaı kiredi: - Qaıyrly kesh! Jańa jyldaryńyz qutty bolsyn. Jańa baqyt ákelsin!
Júrgizýshi: - Siz ózi kimsiz? Qaıdan keldińiz? Bizdiń balabaqshaǵa qalaı kirip kettińiz? Kúzetshi qaıda?
Shataqbaı: - Kúzetshi kirgizbeımin dedi, al men merekege bara jatyrmyn dedim, sosyn kirgizdi.
Júrgizýshi: - Bári túsinikti. Sizdi kórgen – aq kim ekenińizdi túsindik. Basyńyzǵa taba kıip alypsyz. Aıaǵyńyzǵa qolǵap kıip alyp, naǵyz Shataqbaı kelip tur eken!
- Bizdi jańa jylmen quttyqtap tur. Al búgin analar merekesi emes pe balalar!
Shataqbaı: - Má men bárin aýystyryp aldym ba?
Júrgizýshi: - Renjime, Shataqbaı! Endi sen bárin durys jasaısyń.
Shataqbaı: - Analar, ájeler, qyzdar sizderdi merekemen quttyqtaımyn!
- Balalar, menimen birge oıyn oınaısyńdar ma?
-
Oıyn: «Gúl shoǵyn jınaý»

Shataqbaı: - Balalar senderge kóp rahmet. Al endeshe saý bolyńdar. (Shatyqpaı shyǵyp ketedi)

Óleń: «Aq mamam!»

Júrgizýshi: - Al balalar!
Oınaıyq ta kúleıik.
Káne endi burylyp
Bı bıleýge turaıyq.
Bı: «Qarlyǵashtar»
Júrgizýshi: Bizdiń uldarymyz qyzdarǵa tosyn syı daıyndap keldi ǵoı. Bizge qonaqtardy shaqyrdy. Balalar, ony shaqyraıyq pa?
Balalar: Iá!
Bári shapalaqtaıdy. Zalǵa saıqymazaq keledi.
Saıqymazaq: Sálemetsińder me, dostar! Sálemetsizder me, qymbatty ata - analar!
Júrgizýshi: Sálemetsiń be, Saıqymazaq!
Saıqymazaq: Meniń atym Tılı Vılı. Men senderdi sonaý Amerıkadan kuttyqtaýǵa keldim. Heloý! Heloý! Heloý! (balalardyń qolynan ustap amandasady).
Saıqymazaq: Men búgin mereke boıy senderdi kúldirtip, kóńil kúılerińdi kóteremin.
Saıqymazaq: Al sender otshashý kórgileriń keleme? Bizdi qýyp jetip, myna sharlardy jaryńdar.
(Balalar keıipkerlerdiń artynan júgirip sharlardy jarady)
Myna balalar ózderi qandaı pysyq. Káne oryndaryna otyra qoıyńdar. Balalar qandaı merekeni toılap jatyrsyńdar.
Júrgizýshi: Analarǵa arnalǵan 8 – naýryz meıramy.

Taqpaqtar ájelerge.

Meniń ájem meıirban
Meni jaqsy kóredi.
Qajetine jarasam
Jas balasha kúledi.
Analardy súıemiz
Aqylyn oıǵa túzemiz
Ájeni de ardaqtap
Ádeppen bas ıemiz.
Áje degen asyl jan
Qurmet kórgen ǵasyrdan
Aıalaımyn ájemdi
Aıalaımyn bar eldi.

Analarmen oıyn: «Men balamdy qalaı erkeletemin»

Saıqymazaq:
Al men ándi jaqsy aıtamyn, maǵan mıkrofon berińiz, moestro mýzyký.
(mýzyka oınaıdy, saıqymazaq yrǵaǵyna qaramaı birese tómen, birese joǵary aıtady)
Júrgizýshi: Tılı Vılı sen bosqa óz tamaǵyńdy sharshatpa. Bizdiń tobymyzda óleń aıtatyn balalar bar.

Óleń: «Qoshaqanym»

Júrgizýshi: - Rahmet, saǵan saıqymazaq. Sen búgin bizdi qyzyqtyryp júrdiń.
Saıqymazaq: - Iá, biz sondaımyz. Biz kóp oıyndar, ánder de, bıler de bilemiz, jáne biz fokýstar kórsete alamyz. Senderge de qazir fokýs kórsetemiz.

Fokýstar:
Gúlmen. Bir gúldi qorapshaǵa salyp, aıtady: «Qazir osy gúl basqa boıaýmen boıanady». Shyǵarsa, boıanbapty.
- Oı, nege boıanbaıdy.
Júrgizýshi: - sıqyrly sózderdi aıtý kerek qoı. Balalar, qandaı sıqyrly sózderdi bilesińder.
Balalar aıtady.
Saıqymazaq:
- Fokýs, mokýs. (Qorapshanyń ishine qarasa, ishinde kámpıtter jatyr eken.) Balalar, qarańdar gúlimiz kámpıtterge aınaldy.
Balalarǵa kámpıtter taratylady.
Júrgizýshi:
- Al endi, bizdiń analarǵa arnalǵan syılyqtardy qabyl etińizder.

- Quttyqtaý sózi № 36 balabaqsha meńgerýshisi ------------------ beriledi.

- Osymen bizdiń merekemiz aıaqtaldy. Qymbatty da aıaýly analar! Merekelerińiz qutty bolsyn! Álemdegi eń sulý, eń meıirimdi, eń qamqor adam osy otyrǵan sizder. Denderińiz saý, kóńilderińiz shat bolsyn, árqashan aman bolaıyq! Saý bolyńyzdar!