InfoHub Logo

Batys Qazaqstan oblysy, Bórli aýdany,
Bórli negizgi orta qazaq mektebinde
bastaýysh synyp muǵalimi
Maımanov Nýrkan Djanybekovıch

Kirispe.
Qazaqstan Respýblıkasy bilim berý júıesi qazirgi tańda ózgermeli jáne óskeleń talaptar men qajettilikterdi qanaǵattandyra otyryp, otandyq bilim salasyn álemdik bilim keńistigine kiriktirýge betburys jasaýda. Óıtkeni, QR Bilim týraly Zańynda « …ǵylym men praktıka jetistikteri negizinde jeke adamdy qalyptastyrýǵa, damytýǵa jáne shyńdaýǵa baǵyttalǵan bilim alý úshin qajetti jaǵdaılar jasaý» - dep kórsetilgen. Bul bilim júıesin jetildirý jáne ony sapaly deńgeıge kóterýdi alǵa tartady. Osyǵan oraı, ǵylymı zertteý barysynda álemdik ozyq tájirıbeler men otandyq bilim júıesindegi erekshelikter zerdelenýde.

Halyqaralyq praktıkada bilim standarty kútiletin nátıjeler (bilim nátıjeleri) túrinde berilgen bilim maqsattarynyń júıesi dep qarastyrylyp, «Nátıjege baǵdarlanǵan bilim modeline» kóshýge basym baǵyt beriledi.
Onda bilim komponenttiligi oqýshynyń jeke pánder boıynsha bir - birinen alshaqtyqta emes, keshendi túrde jeke tulǵaǵa baǵdarlanǵan (bilim, bilik, daǵdyny) is - áreket bilim komponenttiligin qabyldaýdy qamtamasyz etedi. Bul jaǵdaıda bilim kompetentiligi kóp jaqty qyzmet atqaryp, bilim «obekti» bolýdan «tiri» bilimge aınalatynyn baıqadyq. Oqytýdaǵy oqýshynyń sapalyq sıpattamasynyń quramdas bóligi retindegi bazalyq kompetensıalarynyń keń aýqymdy sıpaty túrinde naqtylynǵan maqsat oqytýdyń kútiletin nátıjelerin beredi. Osyǵan oraı jeke tulǵanyń suranystary men múmkindikterin eskere otyryp, nátıjege baǵdarlanǵan bilim júıesin qalyptastyrý qolǵa alynýda. Atap aıtqanda, jańa mazmunǵa saı bilim berýdi demokratıalandyrý negizderi men jalpy ulttyq bazalyq kompetensıalary anyqtalyp, bilim aımaqtary naqtylanyp, túıindi jáne pándik kompetensıalar aıqyndalýda. Jalpy orta bilim júıesine qurylymdyq jáne bilim mazmundyq ózgerister engiziledi.

Oqý sapasyn jetildirýde bilim maqsattarynyń kútiletin nátıjege baǵdarlanýy jan - jaqty bilimdi, óz mamandyǵyn jetik biletin, básekege túse alatyn jeke tulǵany bastaýysh satydan bastap daıyndaýǵa baǵyttaıdy. Mekteptiń bastaýysh satysynda oqýshynyń sapalyq jáne sandyq bilim deńgeıin anyqtaý arqyly, oqý sapasyn jetildirýge múmkindik týady. Mekteptegi árbir oqýshynyń damý dınamıkasyn jáne oqý barysynda alǵan bilim nátıjesiniń sapasyn jan - jaqty jáne ádil baǵalaýǵa qol jetkizedi. Osyǵan oraı mekteptiń bastaýysh satysynda oqytý mazmunyn jańalaý jáne tehnologıalardy paıdalanýǵa baılanysty jetildirý jumystary júrgizilýde.

Tolyq nusqasyn júkteý