InfoHub Logo

Bilim berý salasy: «Qatynas», «Áleýmettik orta»
Uıymdastyrylǵan oqý is - áreketi: Kórkem ádebıet
Taqyryby: avtory: Abaı. Q. «Jaz» óleńi.
Maqsaty:
Bilimdilik: Balalardyń jaz mezgili týraly bilimderin tıanaqtaý;
Damytýshylyǵy: Óz oılaryn ashyq aıtýǵa, sózdik qoryn, til baılyǵyn damytý.
Tárbıeligi: Kóktem mezgilindegi ereksheliktermen salystyra otyryp, tabıǵatqa degen súıispenshilikterin arttyrý;
Qoldanylatyn kórnekilikter: Jaz mezgiline baılanysty sújetti sýretter. AKT
Qostildik komponent: jaz - leto; kún - solnse;

Uıymdastyrý kezeńi:
Tárbıeshi:
- Qaıyrly tań balalar! Balalar, búgin bizge erekshe kún! Qane barlyǵymyz, qonaqtarmen amandasyp alaıyq. Endeshe senderdi «Shattyq sheńberine»
shaqyramyn.
Qýanamyn mende,
Qýanasyń sende,
Qarsy alaıyq, dostarym!
Keldi qonaqtar bizge.
- Sálemetsizder me!
- Zdrastvýıte!
- Good morning!
Ótkendi qaıtalaý:
- Jyldyń neshe mezgili bar?
Balalar: 4 mezgil bar.
- Jaraısyńdar balalar!
- Qazir jyldyń qaı mezgili?
Balalar: Jaz mezgili.
- Kóktem mezgiliniń aýa - raıynda qandaı erekshelikterin bilemiz?
Balalar: qustar oralady, qar erıdi, gúlder búrshik atady.
- Balalar, jaz mezgilinde aýa raıy qandaı bolady?
Balalar: yssy bolady.
Endeshe, osy jaz mezgili týraly bilgileriń kele me?
Balalar: Iá.

Beıne sújet
- Balalar, qane barlyǵymyz myna beıne sújet arqyly Abaı Qunanbaev atamyzdyń «Jaz» óleńimen tanysaıyq.

Sózdik jumys:
- Balalar, jańaǵy Abaı atamyzdyń óleńin durystap qulaq salyp tyńdadyq pa? Óleńniń ishinde «Uzaryp», «Kúrkirep» degen sózderdi qalaı túsinesińder?
Tárbıeshi ár sózge toqtalyp onyń maǵynasyn ashyp, túsindirip ótedi. Sózderdi balalarǵa qaıtalatady.

Sergitý sáti:
Beıne sújet «Kóńildi kún»
- Balalar, boılaryń bir sergip qalǵan bolar.
- Al, oıyn oınaǵylaryń kele me? Endeshe kettik. Osy oıyn arqyly senderdiń bilimderińdi de tekserip óteıin.

Qımyldyq oıyn: «Taýyp kór!»
Maqsaty: Balalardy shapshańdyqqa tárbıeleý. Bilimderin tekserý.
Oıyn sharty: Ortaǵa 4 bala shyǵady.
Tárbıeshi eki ústeldiń ústindegi sýretterdiń ishinen jazǵa baılanysty sýretterdi taýyp, taqtaǵa japsyrýdy usynady. Birinshi taýyp oryndaǵan balalar jeńimpaz bolady.
Oıyn jalǵasyn tabady.

Qorytyndy:
Tárbıeshi sýret arqyly búgingi sabaqta ne týraly bilgenderin, neniń erekshe esterinde qalǵandaryn surap tekseredi.
Balalar bilimin qorytyndylap, jaqsy qatysqandary úshin madaqtap, oqý is - áreketin aıaqtaıdy. Qonaqtarmen qoshtasady.
- Saý bolyńdar!

Komýnaldyq memlekettik
qazynalyq kásiporyn
№33 «Kórkemaı» balabaqshasy
Jaqsylyqova Móldir Abzalqyzy
Ekinshi sábıler top tárbıeshisi