InfoHub Logo

Sabaqtyń taqyryby: Abaı. Sabyrsyz, arsyz, erinshek
Sabaqtyń maqsaty: Óleńdi túsinip, mánerlep oqý.
Tabys krıterııleri:
1. Uly aqyn Abaı Qunanbaevtyń shyǵarmashylyǵymen tanysý.
2. Óleńdi túsinip oqý, óleńniń negizgi ıdeıasyn ashý.
Kútiletin nátıje: Uly aqyn Abaı Qunanbaevtyń shyǵarmalarymen tanystym, óleńdi túsinip, mánerlep oqı alamyn.
Túri: tanymdyq sabaq.
Tıpi: jańa bilimdi meńgerý
Jańa tehnologıa: syndarly oqytý
Ádis – tásilder: «Ystyq oryndyq» ádisi, dıalog qurý, «Óleńdi jalǵastyr», VENN dıagramsy. «Ókil jattyǵýy»
Kórnekilikteri: AKT

Sabaqtyń ótý barysy:
I. Uıymdastyrý.
II. Úı tapsyrmasy: «Ystyq oryndyq» ádisi
III. Jańa sabaq.
Taqyrypty ashý. Dıalog qurý.
1. Abaı jaıly maǵlumat berý. «Men ne bilemin?» oqýshylardyń izdenip kelýi boıynsha derekter alý.
3. Óleń mazmunymen jumys.
4. Sózdik jumysy.
5. «. Kim shapshań?».
6. «Ókil jattyǵýy»
IV. Sabaqqa keri baılanys, baǵalaý.
V. Úıge tapsyrma. Óleńdi jattap kelý.

Sabaqtyń barysy: İ. Uıymdastyrý kezeńi. Sabaqqa ázirlik. «Alma, almurt, órik» jattyǵýy.
Shattyq sheńberin qurý. Oqýshylardy alma, almurt, órik etip bólip shyǵý. Sheńberde turyp ornyńdy tap oıynyn oınaý.

İİ. Úı tapsyrmasyn suraý: «Ystyq oryndyq» ádisi arqyly.
1. Spandıar Kóbeev kim? Ol týraly ne bilesiń?
2. Áńgimeniń basynda «Úlken toı boldy» dep qandaı toıdy aıtyp otyr?
3. Hamza Qarjasovtyń sózi nege unamady?
4. Bolys Salmuǵambet Spandıar men onyń ákesine ne dedi?
5. Ybyraıdyń nelikten qabaǵy túıilip, júzi sup - sur bolyp ketti?
6. Bolys pen baılardyń ádiletsizdigin qandaı áreketterinen baıqaýǵa bolady?

Jańa sabaq: (Taqtaǵa nemese ınteraktıvti taqtaǵa)
«... Talap, eńbek, tereń oı,
Qanaǵat, raqym, oılap qoı,
Bes asyl is - kónseńiz»
- Taqtadaǵy úzindi Abaıdyń qaı óleńinen alynǵan?
- Bul óleńdi kimder jatqa biledi?
- Abaıdyń taǵy qandaı shyǵarmalary bar?
- Abaı ata týraly ne bilemiz?
- Abaı Qunanbaev – qazaq halqynyń uly aqyny, asyl sózdiń zergeri. Azan shaqyryp qoıǵan aty - Ibragım. Ájesi Zere súıkimdi de súıikti nemeresin Abaı dep erkeletken. Osydan keıin Ibragım deıtin shyn aty atalmaı, el arasynda Abaı atanyp ketedi.
Abaıdyń shyǵarmalary:
• Ǵylym tappaı maqtanba
• Internatta oqyp júr
• Paıda oılama, ar oıla
• Jasymda ǵylym bar dep eskermedim
• Ásempaz bolma árnege
• Jazǵytury
• Jaz
• Kúz
• Qys
• Jelsiz túnde jaryq aı

Sabyrsyz, arsyz, erinshek
Sabyrsyz, arsyz, erinshek,
Kórseqyzar jalmaýyz,
Sorly qazaq sol úshin
Alty baqan, alaýyz.
Ózin - ózi kúndeıdi,
Jaqynyn jalǵan mindeıdi,
Ol – arsyzdyq belgisi.
Uıatsynbaı, oılanbaı,
Qoı degenge til almaı,
İs qylmaı ma ol kisi?
Bir - aq sekirip shyǵam dep,
Bir - aq qarǵyp túsem dep,
Mertigedi, jatady.
Urlyqpen mal tabam dep,
Egesse aýyl shabam dep,
Súıtip qudaı atady.

Sózdikpen jumys
Alaýyz – bereke, birligi joq, yntymaqsyz.
Kúndeıdi — qyzǵanady.
Mertigedi – bir jeri shyǵady.
Mindeıdi – min taǵady, jamandaıdy.

«Kim shapshań?» oıyny.
Eki óleńdi salystyra otyryp, óleńdegi sózderdi paıdalanyp, myna kesteni toltyr
• Jaǵymdy - Sabyrly, arly, eńbekqor, sypaıy, bilimdi, aqyldy...
- Talap, eńbek, tereń oı, qanaǵat, raqym...
• Jaǵymsyz - Sabyrsyz, arsyz, erinshek, kórseqyzar, jalmaýyz, alaýyz,...
- Ósek, ótirik, maqtanshaq, erinshek, beker mal shashpaq...
Kestege ótilgen jańa sabaqtaǵy «Sabyrsyz, arsyz, erinshek» dep atalǵan óleń men «Ǵylym tappaı maqtanba» óleńin salystyra otyryp, adamnyń jaqsy, jaman qylyqtaryn toptap jazady.
«Ókil jattyǵýy» ádisi.
İ top – «Abaıdyń óleńderi»
İİ top – Abaıdyń 3 - shi qara sózin oqyp, túsingenin aıtady.
İİİ top - Abaı aýdarmalarynan mysalynan kórinis kórsetý.
Keri baılanys: «Men búgingi sabaqtan neni úırendim?», «Neni bilmeı qaldym?» suraqtaryna jaýap berý
Baǵalaý: refleksıalyq baǵalaý kezeńi. Sabaq sońynda toptaǵy jaýap bergenderdiń sany, ıaǵnı plústeri sanalady. Oqýshylar ózderiniń jaýaptaryna formatıvti baǵa beredi.
Úİİİ. Úıge tapsyrma: Óleńdi jatqa aıtý.